Ibrani 1-ын алдартай Библийн эшлэлүүд

Хуваалцах

Dianto ang mampalanda'ingkea' kamatandeanna Puang Alataala. Pengkerona anna kakuasaanna sinnoa siang pengkerona anna kakuasaanna Puang Alataala. Dianto ang ungkuasai anna undakai ingkänna-ingkänna siamo ungngolai bahtakaranna ang ma'kuasa. Puhanna umbasei hupatau di hao mai di dosannaii, ya' le'ba'mi dai' anna mohko'i yaho di tando kuananna Puang Alataala yaho di suruka.

Dolu pemmai'di ma'tula' Puang Alataala pano di neneta nalombung senabiang, anna mai'di lalanna ang napake ma'tula' pano. Ampo' tempo dinoa ang marungku'mi allo katämpä'anna, napa'tula'iingkea' yaling di Änä' Kalaena. Ungngolai inde Änä'na, langi' anna lino natampa Puang Alataala. Anna nadandi pano yato di Änä'na ingkänna aka-akanna la namana'ing.

Ampo' semalaeka'ang nei', dianto sabua'na Puang Alataala ang nasuo undului ingkänna tau ang la dipasalama'.

Naoa toe'tee Puang Alataala pano di Änä'na, ”O Puang, Dionto ang umpadahi lino mengkalao dolu, teyyemuntoo ang umpadahi langi'. Ingkänna yatoo inang la ditallangngi, ampo' Dio nei' dao la tirende. Langi' anna lino la mendahi sinnoa kaya' malullu'.