Galatia 4-ын алдартай Библийн эшлэлүүд

Хуваалцах

Aka' änä'na tumokoa' dio Puang Alataala, lambi' unsuong Inaha Maserona Änä'na tohho yaling di kalaetaa'. Yato Inaha Masero mengkähäng yaling di inahanta lambi' metambaingkea' taoatee, ”O Papa', O Ambeku!” Dahi dinoa tadiamokoa' sabua', ampo' mendahimokoa' änä'na Puang Alataala. Aka' änä'namokoa' Puang Alataala, dahi sihatang tungnga' dio untahimbo yato pemana'na ang puha napatokaing pano di tau ang mendahi änä'na.

Ampo' tahpana lambi' yato tempo ang puha napama'tantu Puang Alataala, ya' unsuong Änä'na mentama inde di lino. Yato Änä'na nakeänä'ing mesa bahine anna mendahii to Yahudi ang nakuasai Atohanna Musa, anna malai unsulängngi tau ang nakuasai Atohanna Musa, lambi' kami' to Yahudi malaang pole' natahimbo Puang Alataala mendahi änä'na.

Ampo' dinoa ungnginsammokoa' Puang Alataala. (Setonganna mapia puha ke dioaitee nainsammokoa' Puang Alataala.) Dahi akana pemala burakoa' dio la sumule pano di kakuasaanna lino ang dai aha kamatohoanna anna ang tala mala dihannuang la medului? Akana pemala burakoa' la naposabua' sumule?