1 Timotius 2-ын алдартай Библийн эшлэлүүд

Хуваалцах

Aka' mesa supu Dehatanna ingkänna hupatau anna mesa toi supu ang la mala umbahanang hupatau dai' di olona, diantoo Kristus Yesus ang mentolino. Dianto ang umbeho kalaena unsulängngi hupatau. Di tempo ang napama'tantu kainsangammi dioate pemala Puang Alataala umpasalama' ingkänna hupatau.

Ang handang pahallu liu kupalau dianto ke la malai anna dipa'sambayangnging ingkänna tau, dipehumala'ing sibaha ma'kuhhu'sumanga' dai' di Dehata. Pahallu tapa'sambayangnging tomaraya, to ma'pahenta anna to ma'kuasa senga' anna malai tau tuho malino anna masahke untuhu'i pa'elo'na Puang Alataala sitonda pembabe ang la sihatang dipakeangka'.

Kupemala anna malai ingkänna muane di umba-umba naonge yaling di jumaa' ma'sambayang sitonda kamaseroang, dai pa'keaha'ang bahtu' sibehta-behta. Kupemala toi anna malai ingkänna bahine yaling di jumaa' mampake biasa tomande' ang makanang, daine' mala ang masu'li', sinnoanna: umpake bulahang, mutiara, beluhä' ang kebelo-belo anna senga'nake' ang la mendahi supu pennenne'ang. Ampo' pahallu nei' mengkero mapia ang la mampamahasa diita, situhu' ang inang sihatang nababe bahine ang unsanga kalaena bansa' ma'sambayang dai' di Puang Alataala.