1 Tesalonika 5-ын алдартай Библийн эшлэлүүд

Хуваалцах

Yaling di ingkänna kaha-kaha pahallukoa' tontong lolo umpamahasa inahammu, ma'sambayang anna ma'kuhhu'sumanga', aka' dianto pa'elo'na Puang Alataala tama di kalaemua' aka' tuhokoa' yaling di Kristus Yesus.

Kuhannuang Puang Alataala, ang mebea kamasahkeang anna kamalinoang, la napadahikoa' tau ang punno kamaseroang. Anna malai noa inahammu, noa sungnga'mu, noa bätäng puntimmu dai aha sallaanna ke suleng Dehatantaa' Puang Yesus Kristus. Puang Alataala ang mala dipetahpa' ang untambaikoa' dianto ang la umpadahi kaha-kaha yatoo.

Pengkakalehaiia' andana sipatumpu-tumpuikoa', ampo' peäng loloi lalang anna membabe mapia lolokoa' pano di para-parammu mesa anna mesa, noa toe' pano di tau senga'.

Diantoo anna la sipakaleha-lehakoa' anna sipakatoto' lolokoa' noa yato ang inang si umbabea'.

Anna kipalaui si'da-si'da toukoa' nei' kioatee, pa'karaii solamua' ang tengkong bosi mengkähäng ampo' pakahangaine' tau ang pa'mahea'ang. Duluiine' tau ang malamma anna sa'bara'koa' pano di ingkänna tau.

Aka' daingkea' napillei Puang Alataala la natahungkung ampo' napilleiingkea' la namana' kasalama'ang yaling di Dehatanta Puang Yesus Kristus.

Aka' tuho asangkoa' dio yaling di kamabayaang, sinnoa tau ang mellao di allo. Daingkea' tuho yaling di kamalillingang, sinnoa tau ang mellao di bengi.