Mateo 13-ын алдартай Библийн эшлэлүүд

A̱ndá ti noatje kꞌuinka ti inche jína mé tꞌaxrjexín ti nkexro tihin ti itén Díos la ko tienxín la jína chꞌehe ixra̱ Díos. La ti chojni i, la éxi ti noatje, ijnko la kꞌóna ciento la ko íso la kꞌóna sesenta la ko treinta ñeno noa ―mé xi̱kaha ichro chꞌin Jesús.

A̱ndá ti itje kꞌuitsínkakꞌá ntachꞌi̱ mé tꞌaxrjexín ti nkexro tihin ti itan jína, kjánchó na̱xa̱ imá tóxakohen sin tsochónta sin kaín nkehe siín chjasintajni la ko tjinkaon sin tsochónta sin itsjé chichaon. Kaín tíha mé tꞌinkákonhe̱n ti nkehe kuíhin sin, landá tjinkíhya sin ti nkehe tjenka̱yáxin sin, ndá xi̱kaha xitjahya sichꞌehe sin Díos ixra̱.

Ti nkexro tihin ti itan kuènté ti kjuachaxin tꞌe̱to̱axín Díos itjen nkaya nka̱jní ndá tienxínhña, la itsi ti jínahña la sinchekꞌitjáña ti itan jína kuíhin sin, mé tíha la éxi ti noatje kꞌuitsínka nti̱a.

A̱ndá ti noatje kꞌuitsínka chríkꞌá ixro̱ mé tꞌaxrjexín ti nkexro tihin itén Díos la tjoka tóxrínhi̱n sin la imá chéhe̱ sin, kjánchó ni̱nkahya chónta nuèé, ndá ti ó itsi ijnko kjuaxikaon o̱ kjuaxróxinhña kixin titekaon sin itén Díos, ndá tuénxín tsíto̱he sin, í tsinkáchónkihya sin Díos.

Kja̱xin ndáchro chꞌan: ―Ti kjuachaxin tꞌe̱to̱axín Díos mé yóhe̱ éxi ijnko nkehe tjete tjemá ijnko nonte. Ndá ijnko chojni kꞌuitja ti nkehe tjete la kjua̱kꞌe̱ma̱ ínaá. Ndá imá chéhe̱ sákjuí la kjuínchekji kaín ti nkehe chónta ndá ikjan la kꞌue̱na ti nonte a.

A̱ndá íso ti noa la kꞌuitjí ti inche jína, la kꞌóna jína. Iso ti ino la kꞌóna ciento, íso la sesenta la ko treinta ñeno noa.

Ícha jína ti̱to̱héra tsꞌánkíkué ti ino trigo hasta ti ó tsotjájiani. Ndá tsétua̱ha̱n iso ti sin chꞌexín xra̱ kixin tsakítsjenkí sin sa̱o ti ika jehya jína la sinchenteto sin nkojnko manojo kixin tsoche, a̱ndá chrꞌéxi̱n tsoxrenájín ti noatrigo ndá tsꞌinkachjina jína.”