Balevi 19
19
Ndayano za ha kuyela na kulunga
1Nyambi ya Ngula wambile kuli Moshesha ngayi, 2“Tongweza shikungulukilo sha Baishalela ngayi, yingenu ba kuyela, ndaba Ami Nyambi ya Ngula, Nyambi yenu nili wa kuyela. 3#Kut 20:8, 12; Nday 5:12, 16. Muntu na muntu uku fwanina kulemeeka tatiyendi na mandiyendi na kulama Mutena wakukatala ngonehe namitongwezele. Ami Nyambi ya Ngula, Nyambi yenu.
4 #
Bal 26:1; Kut 20:23; 34:17; Nday 27:15. “Hinga umfutamina na kulemesha tunankishi, kami hinga utenda banyambi ba wutale. Ami Nyambi ya Ngula, Nyambi yenu.
5“Oho ukuziha shimuna wa nkombela ya kulilumikila lama mazu aya nakupanikile ngayi nkombela yobe mwanga yitambuliwe. 6Nyama nimwayo yiku fwanina kuliwa wowo mutena wa ku kombelela shimuna, hinge kukuma ku mutena wakuziha shimuna, hinge kukuma ku mutena wa wubili. Nyama yamina ya kukuma ku mutena wa wuhatu yiku fwanina kuhokeshiwa, 7ndaba yinabipi. Kami ndi muntu ukulyayo, pe nkombela kukayitambula nifwako. 8Muntu nimwendi ukalyayo ukalileyekamo niyemwine, ndaba unafutulu byuma bya Nyambi ya Ngula bya kuyela kubingisha bya kubula kuyela, kami ukafumishiwa hakati ka baminendi.
9 #
Bal 23:22; Nday 24:19-22. “Oho mu kuteza mafuba wenu, hinga mukateza mbuto ya kunkumo ya mfuba, kami hinga mukaboka munyima na kuteza mapumpwa a mbuto yiya ya ku shalamo. 10Hinga mukaboka munyima na kupita mu mfuba ya shinyanca na kubuya mikabo yiya mwashiyanga hinge kutola mikabo yiya yinawu, bishiyenu binge bya bantu ba kuyanda na mapukwenda. Ami Nyambi ya Ngula, Nyambi yenu.
11 #
Kut 20:15, 16; Nday 5:19, 20. “Hinga uyiba, hinga ukeyela, hinge kubangila muntu mahalo. 12#Kut 20:7; Kut 5:11; Mat 5:33. Hinga ulibeza na kwongeza mu lizina lyami, shikaleta lihandu ku lizina lyami. Ami Nyambi ya Ngula. 13#Nday 24:14-15. Hinga uyandisha muntu, hinge kumupukula. Hinga ukemika ncuungu ya muntu shikati sha kuhola kwendi, uya wehana ku mulimo, hingebene lushiku lumo. 14#Nday 27:18. Hinga utukana muntu wakubula matu, hinge kuyaka shuma shimo kumbili ya kashishitwa ngayi mwanga alituntuleho. Tinenu Ami Nyambi ya Ngula.
15 #
Kut 23:6-8; Nday 16:19. “Hinga muyata na shihota, hakati ka bakakuyanda na bakakuheta, ngoboni mu bayate mu kupwisha. 16Hinga wendesha mahalo, mukati ka bandambo bobe, hinge kufutulukila ndambo yobe, ou ukushinga kulilamwina. Ami Nyambi ya Ngula.
17 #
Mat 18:15. Hinga wikala na linkotwa ku muntu, ngoboni mu liyuvwashane na ndambo yobe ngayi mwanga ubule kutenda wubi ndaba yendi. 18#Mat 5:43; 19:19; 22:39; Mako 12:31; Luka 10:27; Lom 13:9; Nga 5:14; Yako 2:8. Hinga ubwesha wubi ku wubi ku muntu nimwendi hinge kwikala na nkoko ku minobe, ngoboni haka ndambo yobe ngonehe walihaka obe mwine. Ami Nyambi ya Ngula. 19#Nday 22:9-11. “Ombatala ndayano zami. Hinga ufutakanya tuyamana twa kulela. Hinga ukuna mikabo ya mishobo yibili mu mfuba yimo. Hinga uvwala bivwalo bya kupohela na wanda wa mishobo yibili.
20“Ndi muntu unakulupishi kulandisha ndungo yendi wa mbuyama kuli minendi kwinga mukazendi, ngoboni uyo minendi shilolo amuyumbile ndando ya ku mushobolola, ndi uyo hekulyendi ukulala nendi, kukazihiwa bafwako bakashushuliwa tuhu ndaba ushili kwinga ndungo yendi. 21Pe hekulyendi ukaleta shikungwe wa mbelele ku menginino a Ntanda ya Shikungulukilo kwinga ntupu ya kukuliza. 22Kami niye mukankombela ukatenda shiheka sha kukuliza sha ntupu ya nkunzi ha kuliyelesha ha wubi anatende, pe Nyambi ya Ngula ukamuyatila.
23“Oho mukengina mu litunga lya Kenaani pe mukakuna mitondo ya mikabo ya mishobo nimwayo hanganikenu shikuma ngayi mikabo ya kutatika ku myaka yihatu yikenga ya kukanishiwa. Ha shikati shiya kaliha mu ku fwanina kulyayo. 24Mu mwaka wa wunaa mikabo nimwayo yikenga ya kufunguliwila kwinga ntupu yenu ya kuyemeza kukwami, Ami Nyambi ya Ngula. 25Ngoboni mu mwaka wa mutanu mu ku fwanina kulya mikabo. Ndi mukatenda nehe, mitondo yenu yikayima mikabo shikuma. Ami Nyambi ya Ngula, Nyambi yenu.
26 #
Shit 9:4; Bal 7:26-27; 17:10-14; Nday 12:16, 23; 15:23; 18:10. “Hinga mukalya nyama yili na mukeza. Hinga mukakundama ku bya wulozi hinge bakamalele. 27#Bal 2:5; Nday 14:1. Hinga mukasheha huki za ku mbalila ya mitwe yenu na ku shiya mancunkili hinge kutewula lipupi lya milevu yenu. 28Hinge kulishata, hinge kulitana zimpemba ha malila. Ami Nyambi ya Ngula.
29 #
Nday 23:17. “Hinga mukahandula bana benu ba bambuyama kubengisha balwiholwiho ku tuula twa banyambi bashenge. Ndi mukatenda noho, pe mukatengulukila ku banyambi bashenge kami litunga likenzala na lwiholwiho na kuluwa. 30#Bal 26:2. Mukalame matena ami aku katala, kami lemeekenu mwanya ou bandemeshelanga. Ami Nyambi ya Ngula.
31 #
Nday 18:11; 1Sha 28:3; 2Bamy 23:4; Isha 8:19. “Hinga mukaya kubakakukwata bapashi naku bya wulozi. Ndi mukatenda noho pe mukabipa. Ami Nyambi ya Ngula, Nyambi yenu.
32“Moneshenu maleema ku bakulwane nakubaleemeka. Pe mu nyombatale na kuntina. Ami Nyambi ya Ngula.
33 #
Kut 22:21; Nday 24:17-18; 27:19. “Hinga mukekalisha mapukwenda aba bakazika mu litunga lyenu na shilala. 34Mukabekalike ngonehe mukwikalika minenu wa Kaishalela, kami muka bahake nehe mu kulihaka enu bamwine. Anukenu ngayi enu ku shikati shimo mwengile mapukwenda mu litunga lya Engepita. Ami Nyambi ya Ngula.
35 #
Nday 25:13-16; Zinc 20:10; Ezek 45:10. “Hinga mukeyela muntu nimwendi ha kwezekesha kutendesha bifwanikizo bya mahalo, ha kufwanikiza wutali, hinge kwezeka bya wulemu, hinge bya wingi wa byuma. 36Mukatendeshe bifwanikizo bya kupwisha na mamanya a wulemu akupwisha na zintumba na zinkomoki za bifwanikizo za kupwisha. Ami Nyambi ya Ngula, Nyambi yenu, ou wamifumishile mu litunga lya Engepita. 37Mukombatale mazu wami na kufundiziza kwami nimwako. Ami Nyambi ya Ngula.”
Libuka Lya Kuyela © Bible Society of Zambia, 2020.