Balevi 20
20
Kashushwilo ha malimbwilizi
1Nyambi ya Ngula wambile kuli Moshesha ngayi, 2“Tongweza bantu ba Ishalela ngayi, muntu nimwendi wa Kaishalela, hinge lipukwenda wazika hakati kenu, ou ukapana bana bendi kuli nyambi Moleki ukazihiwa na mamanya ku shikungulukilo nimwasho. 3Ndi muntu umo unapanaho umo ha bana bendi kuli Moleki na Kubipisha Ntanda yami ya shizila, pe ha kuhandula lizina lyami nikamufutukila, ukafumishiwa hakati ka bawushinda wendi. 4Ngoboni ndi shikungulukilo shinalimbululu ebye anatende ou muntu na kubula ku muziha, 5Amimwine nikamufutulukila na ba lupashi lwendi nimwalwo na kufutulukila aba nimwabo ba kuliwana nendi mu kubula kwoloka kwendi kukwami ha kulemesha Moleki. Pe nikamufumisha hakati ka baminendi.
6“Muntu nimwendi ukaya kubakakukwata bapashi hinge ku bya wulozi na kwinga wa kubula kwoloka kuli Nyambi ya Ngula, nikamufutukila, pe nikamufumisha hakati ka bawushinda wendi. 7Liyeleshenu, mwinge ba kuyela ndaba Ami Nyambi ya Ngula, Nyambi yenu. 8Ombatalenu mazu wami, ndaba Ami Nyambi ya Ngula, pe Ami nikumiyelesha.
9 #
Kut 21:17; Mat 15:4; Mako 7:10. “Muntu nimwendi ou ukutukana tatiyendi hinge mandiyendi ukazihiwa, lufu lwendi lunengi lwa kulileyekamo niyemwine.
10 #
Kut 20:14; Bal 18:20; Nday 5:18. “Ndi mulume unatende wumambe na mukaza minendi wa Kaishalela, pe wubili wabo mulume na mbuyama bakazihiwa. 11#Bal 18:8; Nday 22:30; 27:20. Mulume ou wakulala na mbuyama umo ha bakaza tatiyendi unahandulu tatiyendi, pe wubili wabo mulume na mbuyama bakazihiwa. Lufu lwabo lunengi lwa kulileyekamo nibo bamwine. 12#Bal 18:15. Ndi mulume ukulala na mukowendi, pe wubili wabo mulume na mbuyama bakazihiwa. Banatende shindoye, lufu lwabo lunengi lwa kulileyekamo nibo bamwine. 13#Bal 18:22. Ndi mulume ukulala na minendi mulume ngo mukazi banatende shuma sha wunyengwe sha kaloombe, pe wubili wabo bakazihiwa. Lufu lwabo lunengi lwa kulileyekamo nibo bamwine. 14#Bal 18:17; Nday 27:23. Ndi mulume ukuyeka mbuyama na mandiyendi, nimwabo bahatu bakahokeshiwa na mundilo ndaba banatende shuma sha lihandu shikuma. Shuma sha nehe kaliha shafwanina kwitabilishiwa hakati kenu. 15#Kut 22:19; Bal 18:23; Nday 27:21. Ndi mulume unalala na shimuna, pe niye na shimuna bakazihiwa, 16ndi mbuyama ukwezeka kulilala na shimuna, pe niye na shimuna bakazihiwa. Lufu lwabo lunengi lwa kulileyekamo nibo bamwine. 17#Bal 18:9; Nday 27:22. Ndi mulume ukuyeka mpanzendi ou ahemuwa nendi, hinge mpanzendi waku wanamo, bakahanduliwa mwaanancanana na kutandiwa mukati ka bantu. Unayepulu mpanzendi pe uku fwanina kulileyekamo niye mwine. 18#Bal 18:19. Ndi mulume ukulala na mbuyama wakutina mundilo, nimwabo bakatandiwa bakafumishiwa mukati ka bantu, ndaba banakiluku ndayano za ku nciza ya munzi. 19#Bal 18:12-14. Ndi mulume ukulala na tatiyendi wa mbuyama. Wubili wabo ba ku fwanina kulileyekamo nibo bamwine ha kutenda shindoye na muzilwe. 20Ndi mulume ukulala na mukaza kanyantu kendi unahandulu kanyantu kendi, mulume na mbuyama bakalileyekamo nibo bamwine. Kowa umo akekale na bana.
21 #
Bal 18:16. “Ndi mulume ukuyeka mukaza yayiyendi bakafwa nahiya bakubula bana. Unatende shiheka sha shibi na kuhandula yayiyendi.”
22Nyambi ya Ngula wambile ngayi, “Lamenu kufundiziza kwami nimwako na ndayano zami nimwazo, ngayi mwanga litunga lya Kenaani omu nikamitwala likabule kumi kana. 23Hinga muyambula biheka bya bantu baya bazikamo. Nilinakutanda obo ngayi enu mwanga mwingine mu litunga. Bananyuvwishi wunyengwe na biheka byabo byabibi ebye batendanga. 24Ngoboni namikulupishi elye litunga likukunkula mahwe na wushi kwinga likona lyenu, kami nikalipana kukwenu. Ami Nyambi ya Ngula, Nyambi yenu, pe namitapululu kumifumisha ku mikoka yamina. 25Hayaboni, tapululenu shiwahe mukati ka batuyamana naba tuyoni aba banengi ba kuyela, kami na naba bakubula kuyela. Hinga mukalya batuyamana bakubula kuyela, hinge batuyoni. Ami na batoyo ngayi bakubula kuyela, pe ndi muka balya bakamizilulula. 26Mukenga ba kuyela pe mukenga bami tuhu, ndaba Ami Nyambi ya Ngula kami nengi wa kuyela. Namitapululu ku mikoka yamina ngayi mukenge bami ninkayami.
27“Mulume hinge mbuyama nimwendi, wakukwata bapashi hinge ku bya wulozi, ukazihiwa na mamanya. Muntu nimwendi wakutenda eshe, lufu lwendi lunengi lwa kulileyekamo niyemwine.”
Libuka Lya Kuyela © Bible Society of Zambia, 2020.