Balevi 18
18
Kukanisha bya wunjenge
1Nyambi ya Ngula wambile kuli Moshesha ngayi, 2“Tongweza bantu ba Ishalela ngayi, Ami Nyambi ya Ngula, Nyambi yenu. 3Hinga muhembwiliza biheka bya bantu bamu Engepita omu mwekalilenga mwaka, hinge bya bantu bamu litunga lya Kenaani omu nili na kumitwala. 4Konkenu kufundiziza kwami na mazu wami na kutenda ebye nikumitongweza. Ami Nyambi ya Ngula, Nyambi yenu. 5#Neh 9:29; Ezek 18:9; 20:11-13; Luka 10:28; Lom 10:5; Nga 3:12.Konkenu mazu awa nikumipanika Muntu ukutenda ebye byuma, ukayoya nabyo. Ami Nyambi ya Ngula.
6“Hinga ulala na umo waha bawushinda wobe ndaba kunengi kuvwula kawushinda wobe. 7Hinga ukahandula tatiyobe na kulala na mandiyobe wakubeleka. Kaliha uku fwanina kuhandula mandiyobe waku kubeleka. Ndaba kunengi kuvwula kawushinda wobe, 8#Bal 20:11; Nday 22:30; 27:20. Hinga ukahandula tatiyobe na kulala na umo waku bakazendi. 9#Bal 20:17; Nday 27:22. Hinga ukalala na mpanzobe waku wana, hinge ou wahemuwa nendi, tatiyenu umo na mandiyenu umo. 10Hinga ukalala na muzukulyobe, shiya shikukubulisha maleema. 11Hinga ukalala na mpanzobe waku wu tate, hinge waku wu mawa, ndaba niye nengi mpanzobe. 12#Bal 20:19-20. Hinga ukalala na tatiyobe wa mukazi ndaba nengi mpanza tatiyobe wakuhemuwa nendi. 13Hinga ukalala na mandiyobe wakanuke ndaba nengi mukonzo wa mandiyobe wakuhemuwa nendi. 14Hinga ukalala na mukaza kanyantu kobe ndaba unengi tatiyobe wa mukazi. 15#Bal 20:12. Hinga ukalala na mukaza mwanobe, ndaba unengi mukowobe, 16#Bal 20:21. hinge kulala na mulamu wobe ndaba kunengi kuvwula kawushinda wobe. 17#Bal 20:14; Nday 27:23. Hinga ukalala na mbuyama na kulala kami na mwanendi, hinge muzukulyendi, mwana mwanendi wa mulume hinge mwana mwanendi wa mbuyama. Nibo banengi bawushinda wobe, eshe shinengi sha lisheni. 18Hinga ukayeka mulamu wobe, kubapalikisha na yayiyendi oho mukazobe ushili kuyoya.
19 #
Bal 20:18. “Hinga ukalala na mbuyama oho ushili ku nciza ya munzi, ndaba wa kubula kuyela. 20#Bal 20:10. Hinga ukalala na mukaza muntu wamina ndaba ngayi shika Kubipisha. 21Hinga mukapana bana benu mu kubakombelela ha mundilo kuli nyambi Moleki,#18:21 Moleki: Lyengile lizina lya banyambi bamo ba mu Kenaani. ndaba ngayi shikaleta lihandu ku lizina lya Nyambi yenu. Ami Nyambi ya Ngula. 22#Bal 20:13. Kowa mulume ukalala na minendi mulume ku mwinga mukazi, Nyambi ya Ngula wazimba eshe. Kaloombe kanengi shuma sha wunyengwe. 23#Kut 22:19; Bal 20:15-16; Nday 27:21. Kowa mulume hinge mbuyama ukalibipisha ha kulala na shimuna, wubi wa noho ukuleta wunyengwe.
24“Hinga mukalibipisha na biheka bya nehe, eshe nisho balibipishilenga aba bantu, aba bekalilenga mu litunga ha kutatika enu oho shilolo mukume. Nisho shuma shiya Ami Nyambi ya Ngula nili na kubatandilamo ngayi enu mwanga mutweshe kuyamo. 25Biheka byabo bya bipishile litunga, nohobene Ami Nyambi ya Ngula na shushula litunga, pe nisho shaleteshele ngayi litunga libakane bantu bekalamo. 26Ngoboni mu ku fwanina ku lamanga zintambo zami na kufundiziza kwami, pe hinga mukatenda byuma ebye bya wunyengwe, hinge enu mwahemuwila mu litunga lino hinge lipukwenda wazika hakati kenu, 27ndaba bantu ba litunga batendele byuma ebye bya wunyengwe, nimwabyo nibyo byabipishile litunga. 28Pe ndi mu Kubipisha litunga, likamikana, ngonehe lyakanine baya bantu bekalilengamo ha kutatika. 29Mu kulimuka ngayi muntu nimwendi wakutenda byuma bya wunyengwe ukafumishiwa hakati ka baminendi. 30Kami Nyambi ya Ngula wambile ngayi, ombatala kufundiziza oku namipana na kubula kukonka biheka ebye batendelenga aba bekalilenga mu litunga ha kutatika oho enu shilolo mwizemo. Kami hinga muli bipisha enu bamwine na kutenda bimo ha byuma ebye. Ami Nyambi ya Ngula, Nyambi yenu.”
Libuka Lya Kuyela © Bible Society of Zambia, 2020.