Ishaya 12
12
Nyimbo za kuyemeza na kukambilila
1Ha mutena uyo mukembila ngayi,
“Nikakuyemeza, obe Nyambi ya Ngula,
hinge ndi wampilaminine,
wukali wobe unamana,
haya ukumbengezeka.
2 #
Kut 15:2; Nyi 118:14. Mona, Nyambi niye mupulwishi wami,
nikamukulupila pe kukatina nifwako,
ndaba Nyambi ya Ngula niye nyala zami na lwimbo lwami,
kami niye mupulwishi wami.
3Mukatekula mema na ku wahilila
ku mashima akupulukila.”
4Ha mutena uyo mukembila ngayi,
“Kambililenu kuli Nyambi ya Ngula,
yihanenu ha lizina lyendi.
Moneshenu milimo yendi mukati ka matunga,
shimikilenu wunene wendi kukwabo.
5Yimbilenu nyimbo za kuyemeza Nyambi ya Ngula,
ndaba ya byuma byabinene ebye anatende,
lehenu kaye nimwako kalimuke shuma eshe.
6Wulumwinenu na tunkelenkele,
yimbilenu nyimbo za ku wahilila enu bantu ba Ziyoni,
ndaba ou wa Kuyela wa Ishalela, wamunene ou wekala mukatikenu.”
Libuka Lya Kuyela © Bible Society of Zambia, 2020.