Ishaya 11
11
Wene waku mwena
1 #
Kuh 5:5; 22:16. Ku shishinzi sha Njeshe kukatibikila mwahi#11:1 Wengile tata Ndavita. pe mwahi ukakula ku mipishi yendi.
2Moyo wa Nyambi ya Ngula ukekala hahendi,
moyo wangana na ku yuvwishisha,
moyo wakubela na wangovu,
moyo wa kalimukisho nawa kutina Nyambi ya Ngula.
3Kami ku wahilila kwendi kwakunene kukenga kwa kuyuvwila bowa Nyambi ya Ngula.
Kukayata na kuketula haneshe anamono wufwako,
hinge kuyongola hanebye anayuvu.
4 #
2Tesh 2:8. Ngoboni ukayata ba kuyanda na kulunga,
ukaketula na kupwisha byambo bya bakakulilimbwilisha.
Ukakama kaye na muwana wa kanwa kendi,
pe muuku wakufuma ha mivumbo yendi ukaziha bakuluwa.
5 #
Efwe 6:14. Kulunga kukenga mukunzi wendi,
kami kwoloka kukenga kaponda ka mu lukanda lwendi.
6 #
Isha 65:25. Bambinzi bakekala hamo na bana ba bambelele,
pe batumpulu bakalala hamo na bana ba bampongo.
Bana ba bangombe naba babimbwi bakabuyila hamo,
pe batwanuke babashe nibo bakababuyisha.
7Zingombe na bambeya bakaya na kulya hamo,
bana babo bakalangana hamo,
pe bimbwi bakabuya ntende ngonehe zingombe.
8Bambututu bakafukanina kwakwipi na wina wa mvumbe
na bana babashe bakengiza maboko wabo mu wina wa mpili.
9 #
Hamba 2:14. Ha lipili lya kuyela lya Nyambi ya Ngula,
kowa ou ukalemeka hinge ou ukanongesha,
ndaba hano hanci hakenzala na kalimukisho ka Nyambi ya Ngula,
ngonehe mema akenzalisha liwate.
Bantapwa bakaboka
10 #
Lom 15:12. Ha mutena uyo mupishi wa Njeshe, ukemana kwinga ndembela ya shimonekesho ku bantu. Matunga akakungulukila kukwendi na mwanya wendi wakukwangulukila ukenzala na wuwahe. 11Ha mutena uyo, Mwene ukwolola liboko lyendi kawubili na kubwesha mashaliza a bantu bendi, baya bali mu Ashiliya na Engepita na Patiloshi na Etopya na Elamu na Mbambiloniya na Hamati namu bikuli bya ku liwate. 12Nyambi ya Ngula ukemika ndembela kwinga ya shimonekesho ku matunga na kukungula bantu ba Ishalela nimwabo bali mu wuntapwa. Ukakungulula hamo bantu ba Yunda banapanzanini mu zinkomi zinaa za hano ha kaye. 13Efulemu kukayuvwila lihungu Yunda wufwako, kami Yunda wufwako kukenga kamalamo ka Ishalela. 14Ngoboni nimwabo bakalwisha Bafwilishitina ku mponci na kupukula bantu ba ku mushamuko. Bakakoma Endoma na Mowambi, pe Baamoni bakekala mu ngovu zabo. 15#Kuh 16:12. Nyambi ya Ngula, ukayumisha likobo lya liwate lya Engepita. Na liboko lyendi lyalinene Ukapepokesha mpepo yayinene ya kutukuma ha mushinzi wa Yufuleti. Ukawutabozola mu malomba mutanu na abili, awa bantu bakatwesha kukiluka hinga bavwala ncangwa. 16Kukekala mukwakwa wakufuma ku Ashiliya wa bantu bendi bakashalamo, ngonehe kwekalile ku Baishalela oho bafuminenga mu Engepita.
Libuka Lya Kuyela © Bible Society of Zambia, 2020.