Rm 3
3
Hi drini bindru dra Vuyuda?
1Hi drini ke bindru dra kuva mu-Yuda? Hi drini lisima dra kusoka? 2I drikulu hi matlhelo hinkwawu. Hikusa kusunguleni Xikwembu Nkulukumba anyiketi Maritu yake ku va-Yuda hi kuvadumba. 3Kuhumelela yini loko van'wana vangapfumeli? A kukala kudumbeka kwavu kuta yentxa leswaku Xikwembu Nkulukumba na Yene angadumbeki? 4#Lavisa Mps 51:4. Ni kutrongo. Akova Xikwembu Nkulukumba lweyi adumbekiki, vamadrimi i vhanu, swanga hi kuhlaya ka Matralwa:
A maritu yaku, we Xikwembu Nkulukumba mata
kombisa leswaku u mululami ni
leswaku utahlula loko u yavanyisiwa.
5Kambe loko akukala kudumbeka kweru kubuyisa kuvaninga ka kudumbeka ka Xikwembu Nkulukumba, hi hlaya yini? Xana Xikwembu Nkulukumba atava mubihi loko ahi khatisa? 6Aswitanu hikusa loko afa swilitanu, Xikwembu Nkulukumba, ataswikotisa kuyini kuyavanyisa misava? 7Kambe loko a vubihi byanga byitirela kukombisa ngopfu a kudumbeka ka Xikwembu Nkulukumba ni lidrumo drakwe, hayini nahayavanyisiwa swanga mudohi? 8Kutani hikolahu kayini hingahlayi, swanga hi van'wana vahlayaka hikulumbeta vaku: Hiyentxa vubihi akuva kutata vunene? Van'wana vanilumbeta hi kuhlaya leswo. Lavo vatayavanyisiwa na swilulamile.
Hinkweru hi vadohi
9Hita kuyini ke? Hine va-Yuda hitava vakuyapswa kutlula van'wana xana? Ni kutrongo; hi kombisile leswaku hinkwavu, ingava va-Yuda swanga, Va-Girika, va le hansi ka nawu. 10Swanga hi kuhlaya ka Matralwa ya Kuhlawuleka:
Akuna lwa lulamiki. Ni mun'we.
11Akuna lweyi ayingelisisaka.
Akuna lweyi adjulaka Xikwembu Nkulukumba.
12 # Lavisa Mps 14:1-3; 53:1-3. Hinkwavu vafamba handle ka ndlela
hinkwavu valahleka.
Akuna lweyi ayentxaka leswi swinene.
Ni mun'we.
13 # Lavisa Mps 5:9. A minkolo yavu yi swanga hi xira ledri dripfulekiki.
Vakanganyisa hi lidrimi dravu.
A vuhlungu byatinyoka byihuma amilon'wini yavu.
14 # Lavisa Mps 10:7. A nomu wavu wu tali hi xiviti ni vubihi.
15A minkondro yavu mini matrambu
akuya halata ngati.
16A tindleleni, kunivuhahluli ni mahlomulo;
17avayitivanga ndlela ya kurula.
18 # Lavisa Mps 36:1. Avana kutxhava Xikwembu Nkulukumba ni kan'we.
19Ke haswitiva leswaku hinkwaswu leswi swihlayiwaka hi nawu, i swa lava vanga hansi ka nawu lowo, akuva milomu hinkwayu mipfaliwa, ni leswaku misava hinkwayu miva ni kuyavanyisiwa amahlweni ka Xikwembu Nkulukumba. 20#Lavisa Mps 143:2; Gl 2:16. Hileswo-ke, akuna mhunu lweyi atakahlayiwa mululami amahlweni ka Xikwembu Nkulukumba hikola ka nawu, Hikusa hi nawu kutibyiwa swidoho.
I Xikwembu Nkulukumba lweyi ahuluxaka
21Kambe swoswi, na kungena nawu, Xikwembu Nkulukumba a hikombisi akululama loko kubekeliwiki vumboni hi nawu ni vaprofeta. 22Kululama ka Xikwembu Nkulukumba hikola ka kupfumela Yesu Kriste, ka kuhinkwavu (henhleni ka hinkwavu) ku hinkwavu lava vapfumelaka, hikusa akuna ku hambana. 23Hikusa hinkwavu vadohile, vapfumala kuphatima ka Xikwembu Nkulukumba. 24Kambe vahlayiwa valulami ntsena hi timpswalu, mahlweni ka kuntrhunxeka loku kunga kone ha Yesu Kriste 25Lweyi Xikwembu Nkulukumba angamubeka khale ava xiruliso, hikupfumela ka ngati yake, akuva akululama kwake ku kombisiwa. Hileswi Xikwembu Nkulukumba atrikiki kukhatisa a swidoho leswi swiyentxiwiki khale; 26akuva a kota kuvonekisa akululama kwake ku nkama wa swoswi, akuva ava lweyi alulamiki, niku hlaya mululami lweyi apfumeliki ku Yesu. 27Kukwini-ke akutikhensa xana? Kususiwile, xana kususiwile hi nawu lowu wakuyini? Wa mintiro xana? Im-him, kambe hi nawu wa kupfumela. 28Hitiyisa leswaku a mhunu a hlayiwa mululami hi kupfumela, handle ka mintiro ya nawu. 29Nakone mfuri Xikwembu Nkulukumba angava ntsena wa va-Yuda xana? Xana ahi wa va-Matiko kone xana? Kunene, i wa va-Matiko na kone, 30inga leswi swaku, Xikwembu Nkulukumba i mun'we ntsena, lweyi atakahlaya valulami lava vakusoka hi kupfumela, ni lava vangasokangakiki, hi kupfumela. 31#Lavisa Gl 2:15-21. Hi helisa a nawu hi kupfumela? Aswitanu, na swone ha wutiyisa a nawu.
നിലവിൽ തിരഞ്ഞെടുത്തിരിക്കുന്നു:
Rm 3: NTX2007
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
Xironga New Testament with Psalms © Bible Society in Mozambique, 2007.
