Rm 2
2
Ayavanyiso dra Xikwembu Nkulukumba drilulamile
1 # Lavisa Mt 7:1; Lk 6:37. Hi swoswi, wene lweyi ungavaka mani na mani, awunakutilandrula hi kuyavanyisa van'wana. Hi kuvayavanyisa wa tiyavanyisa ha vuswaku, hikusa uyentxa swakufana na vone. 2Haswitiva leswaku a kuyavanyisa ka Xikwembu Nkulukumba kululamile a kuyavanyiseni ka lava yentxaka mintxhumu ya kunhatu. 3Wene mhunu, uyavanyisaka lava vayentxaka leswo, uyanakanya leswaku, wene u solaka lava vayentxaka mintiro leyo na u yentxaka kufana na vone, utahuluka a yavanyiso dra Xikwembu Nkulukumba? 4Udrelisa kuyini wene a vumbilu lebyikulu bya Xikwembu Nkulukumba, ni kuleha ka mbilu ni kutiyisela? Awuswitivi leswaku a vumbilu bya Xikwembu Nkulukumba afa byifanela ku kuyisa akutisoleni ka swidoho? 5Kambe hinkonta yakunono'hwa kambilu yaku, leya kuka yingadjuli kundruluka. Hi swoleswo utihlengeletela nhlengo ya mahlundru a sikwini dra mahlundru ya kupfuleteleka ka tremo dra kululama dra Xikwembu Nkulukumba, 6#Lavisa Mps 62:12. lweyi atakatlhelisela mun'wana-ni-mun'wana kuya hi mintiro yake, 7a vutomi lebyi byingahelikiki ku lava vayentxaka hi kutiyisela a mintiro leminene na vadjula lidrumo ni kutwala ni kuka kungaboliwi. 8Kambe atavanyika xikhatiso lexakunono'wha lava vamupfukelaka ni lava vangamupfumelikiki hi xihlayelamfuri, kambe valandrelela vubihi. 9Kuvani kuxaniseka ni nhlomulo ku hinkwavu lava yentxaka leswakubiha, kusungula hi va-Yuda ni le ku van'wana. 10Kambe kutava ni lidrumo, kutwala kurula ku hinkwavu lava vayentxaka vunene, kusungula ku va-Yuda ni ku va-Matiko. 11#Lavisa Mlw 10:17. Hikusa ku Xikwembu Nkulukumba akuna kuyavanyisiwa ka vhanu. 12Hinkwavu lava vadohaka na vangativi nawu, vatalahleka na vangativi nawu, Kambe hinkwavu lava vadohaka na vativa nawu, vatayavanyisiwa hi nawu. 13Hikusa avayingeli ntsena va nawu, a hi valulami mahlweni ka Xikwembu Nkulukumba, kambe ntsena lava vayentxaka leswi swileletiwaka hi nawu hi vone vatakahlayiwa valulami. 14Ke loko ava-matiko, lava vangeke na nawu vayentxa swa nawu hi ntumbuluko, lavo nambi vange na nawu, vone i nawu ha swavu. 15Volavo, hi mayentxela yavu, vakombisa leswaku atimbilwini tavu kutraliwi a nawu. Alipfalu dravu drivahambela vumboni, ni miyanakanyu yavu mivarambela kumbe kuvayimela. 16Hi siku ledri Xikwembu Nkulukumba, hikola ka Kriste Yesu, atayavanyisa leswi swifihliwiki swa vhanu, swanga hileswi a Ivangeli leyi yinene yingahlayaka;
Nandru wa va-Yuda
17Wene utihlayaka mu-Yuda, utiseketelaka nawini utikukumuxaka hi kutiva Xikwembu Nkulukumba. 18U tivaka kurandra kwake ni kudringa mintxhumu leminene, na u dondrisiwa hi nawu. 19U tihlaya swanga lweyi afambisaka a vakufa-mahlu, a livaningo dra lava vafambaka munyameni. 20U tiyanakanya mudondrisi wa lava vakuka vangativi, ni mululeki wa vatrongwana, utivona lweyi ataliki hivutivi ni xihlayelamfuri. 21Wene lweyi adondrisaka van'wana, hayini ungatidondrisi na wene? Wene Ureraka leswaku vangayivi, hikola ka yini wene uyiva? 22Uli kungayentxiwe vumbuye, hikolahu kayini ubyiyentxa? Wene lweyi asandraka swikwembu leswi swakuka ndlela. Hikolahu kayini utipfuna hi leswi va swinyikaka? 23Utikulisa hikuva ni nawu, kambe udrela Xikwembu Nkulukumba hi kuyentxa leswi hambaniki ni kuleleta ka nawu. 24#Lavisa Ezy 52:5. Hikusa, swanga hileswi kutraliwi: A vito dra Xikwembu Nkulukumba drisandriwa amakari ka va-Matiko hinkonta yenu.
Hi drini a lisima dra kusoka?
25Hikusa akusoka ka londrovoteka hakunene loko wene ubekisa nawu; kambe loko uli mutluli wa nawu switava swanga hi loko ungasokanga. 26Hikolahu ka leswo, lweyi waku ka angasokanga abekisa swileleto swa nawu, xana lweyo angaka angahlayiwi lweyi asokiki? 27Lweyi angasokangakiki a mirini kambe abekisa nawu atakuyavanyisa wene u wutluliki, nambi utiva nawu lowu traliwiki ni kuva usokile. 28Ahi mu-Yuda lweyi atikombisaka hi le handle hi kusoka loku nga mirini yake; 29Kambe mu-Yuda hi lweyi anga yene andreni, ni loko asokiwi ambilwini, ni le Moyeni kunge hi nawu wa kutraliwa. Hi yelweyo anganikukhenseka loko kungapfiki vhanwini, kambe ku Xikwembu Nkulukumba.
നിലവിൽ തിരഞ്ഞെടുത്തിരിക്കുന്നു:
Rm 2: NTX2007
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
Xironga New Testament with Psalms © Bible Society in Mozambique, 2007.
