Rm 4
4
Xikombiso ha Abrahamu
1Xana hita kuyini hitatana weru Abrahamu? Kuhumeleli yini ku yene xana? 2Hikusa loko Abrahamu ahlayiwile kululama hinkonta ya mintiro, a faneli kutikulisa, kambe kunge mahlweni ka Xikwembu Nkulukumba. 3#Lavisa Gn 15:6. Ke, Tralwa driliyini? Abrahamu avi ni kupfumela ku Xikwembu Nkulukumba, hileswo-ke ahlayeliwa kululama. 4Swatwala, lweyi a tiraka ayamukela hakelo drakwe. Leswo aswifani ni xihanano, kambe wa kuva nandru. 5Kambe, lweyi wakuka angatiri, apfumela ku Xikwembu Nkulukumba lweyi ayamukelaka mudohi, amuyentxa nakulobye wakwe hi kupfumela kwake na kunge hi mintiho. 6Swanga hileswi na yene Davida akhensaka ku kateka ka mhunu lweyi Xikwembu Nkulukumba ximunyikaka kululama, na kunge hi mintiho:
7Vakatekile lava a swihono swavu swidrivaleliwiki hi Xikwembu Nkulukumba,
Volavo a swidoho swavu swidrivaleliwiki!
8 # Lavisa Mps 32:1-2. Akatekile a mhunu lweyi a Hosi yingamuhlayelikiki a swidoho.
9A kukateka loko, xana kufanekela lava vasokiki, kumbe xana ni lava vangasokangakiki? Hi tiyisa leswaku a kupfumela kunyikiwile Abrahamu akuva ahlayiwa lweyi wakululama. 10Kutani, anyikisiwi kuyini? Xana hi loko asokile, kumbe hi loko anga si soka? Akuvanga hi nkama lowo a sokiwiki, Ka kuva loko angasisoka. 11#Lavisa Gn 17:10. Mfuri anyikiwi xikombiso xa kusoka, swanga xifungo xa kululama loku kuhumaka kupfumeleni loku angapfumelela na angasina soka; akuva ava tatana wa hinkwavu lava vapfumelaka na vangasokanga, akuva vatahlayeliwa akululama, 12#Lavisa Gl 3:6-18. ni kuva tatana wa lava vasokiki vange vakusoka ntsena, kambe na vafamba hi ndlela ya kupfumela ka Abrahamu, tatana weru na angasina sokiwa.
A xidumbiso xa Xikwembu Nkulukumba ni kupfumela ka Abrahamu
13Akuvanga hikola ka nawu lowu Abrahamu, kumbe vatukulu vakwe vayamukeliki axidumbiso xa leswi swaku vatava vadi vapfindla dra misava, kambe swive hikupfumela loku kupfaka kululameni. 14Xileswo, loko lava vayingisetaka nawu a vali vone vadi vapfindla, a kupfumela afa kutava ka kuka ndlela ni xidumbiso xa Xikwembu Nkulukumba afa xinga tiva na lisima. 15Hikusa a nawu wu koka mahlundru, kambe ni laha ku ngeke na nawu akuna kutlula nawu. 16Leswi hiswone leswi swibuyisaka kupfumela, akuva swiva hi timpswalu, leswaku a xidumbiso xiva lexi xitiyisiwiki a tinxakeni hinkwatu, na ange ntsena leswi swinga nawini, kambe na swone swiva hikupfumela loko kuviki na Abrahamu hikusa Abrahamu i tatana wa hinkweru, 17#Lavisa Gn 17:5. swanga hi leswi kutraliwiki: Nikuyentxi kuva tatana wa matiko lawa manyingi a mahlweni ka lweyi apfumeliki ku Yene, Xikwembu Nkulukumba lweyi a hanyisaka vafi na ayentxa miva kone a mintxhumu leyi mingeke kone. 18#Lavisa Gn 15:5. Nambi loko kungahali na kulavisela, Abrahamu afa apfumelile leswaku atava tatana wa matiko lamanyingi, swanga hi laha Xikwembu Nkulukumba angahlaya ha kone: Wu tava xileswi a ntrengo wa tinxaka taku. 19#Lavisa Gn 17:17. Kutani angavanga na gome akupfumeleni kwake, nambi loko a yanakanya amiri yake mifiki khale, afa ali kusuhi ni dzana dra malembe, leswaku Sara angehe na kuva na vana. 20Anga ganaganekanga, hi kukala kupfumela ku xidumbiso xa Xikwembu Nkulukumba, kambe hi kupfumela atitiyisile, atwalisi Xikwembu Nkulukumba, 21afa ani kudumba ka kutiya ka leswaku Xikwembu Nkulukumba ani ntamu wa kuhetisa leswi aswidumbisiki. 22Hi ndlela leyo, Xikwembu Nkulukumba amuhlayi mululami. 23Kambe a switraliwanga hikola kwake ntsena leswaku a hlayeliwile kululama. 24Matraliwi na kone hinkonta yeru. Hikusa Xikwembu Nkulukumba na kone awahiyamukela swanga valulami, ku hine lava vapfumeliki ku lweyi apfukiki ku vafi aya vuton'wini, inga Yesu, Hosi yeru. 25Lweyi anyiketiwiki kufeni hinkonta ya swidoho sweru ni kumupfuxa, ni kuhlayiwa kweru a vululami.
നിലവിൽ തിരഞ്ഞെടുത്തിരിക്കുന്നു:
Rm 4: NTX2007
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
Xironga New Testament with Psalms © Bible Society in Mozambique, 2007.
