१ कोरि 13-ൽ നിന്നുള്ള പ്രശസ്ത ബൈബിൾ വചനങ്ങൾ

പങ്ക് വെക്കു

दुला़ड़ दो जावगेये जिवि हाताड़ा, दुला़ड़ दोए दायाक्‌आ, बाय हिसका़वा, बाय आदोपा, बाय फुला़उक्‌आ। दुला़ड़ दो बाय बिकोला, आच्‌ दो बाय हा़र दोगोक्‌आ बाय कादरावक्‌आ, बा़ड़िच्‌आक्‌ दो बाय हिसा़बा।

सानामाक्‌गेये साहावा, सानामाक्‌ गेये पा़तिया़उक्‌आ, सानामाक्‌गेये आसाक्‌आ, सानामाक्‌गेये सुमभरा़वा।

बेधोरोमाक्‌ते दो बाय रा़सका़क्‌आ, मेनखान सा़रियाक्‌ साँवतेये रा़सका़ सेलेदोक्‌आ।

मेनखान नितोक्‌ दो बिसवा़स, आस, दुला़ड़, नोवाको पेनेगे ताहेन काना, आर ओनाको मोदरे सोरोसाक्‌ दो दुला़ड़गे।

दुला़ड़ दो तिस हों बाङ डिगा़उक्‌आ, ना़बियाक्‌को मेनाक् खान, ओनाको दो मा़उता़क्‌आ, पा़रसिको मेनाक्‌ खान, ओनाको दो आत्‌ हापेक्‌आ, आकेल मेनाक्‌ खान, ओना दो मा़उता़क्‌आ।

मानवाकोवाक्‌ आर दुतकोवाक्‌ पा़रसि तेञ रोड़ ले रेहों दुला़ड़ बा़नुक्‌ तिञ खान, राड़ाङ राड़ाङोक्‌ कान पिता़र आर छाङ छाङोक्‌ कान कोरताल इञ होय आकाना

आर ना़क्‌बि रेयाक्‌ दाया दान मेनाक्‌ तिञ आर सानाम ओकोवाक्‌ आर सानाम आकेल इञ बाडायले आर पुरा़ बिसवा़स मेनाक्‌ तिञ खान, ओने ओनाते बुरुकोञ ओचोक्‌ दाड़ेयाक्‌आ, मेनखान दुला़ड़ बा़नुक् तिञ खान, चेतात होंञ बाङ काना।

आर जोतो मेनाक्‌ तिञाक्‌ रेङगेच् ओरेच्‌कोञ एमाको आर इञाक्‌ होड़मो आतार गिडिक्‌ ला़गित्‌ इञ आलायलेरे हों, दुला़ड़ बा़नुक्‌तिञ खान चेत्‌ पोरहो हों बा़नुक्‌तिञा।

गिदरा़ञ ताहेंकानरे दो गिदरा़ लेकाञ रोड़ेत्‌ ताहेंकाना, गिदरा़ लेकाञ बुजहा़उ एत्‌ ताहेंकाना, गिदरा़ लेकाञ हुदिस एत्‌ ताहेंकाना मेनखान इञ सेंड़ा आकान खोन गिदरा़ रेयाक्‌ नोवाको हेवा दोञ बा़गि आकादा।