१ कोरि 12-ൽ നിന്നുള്ള പ്രശസ്ത ബൈബിൾ വചനങ്ങൾ

പങ്ക് വെക്കു

आर मिमित्‌ होड़ जिउ रेयाक्‌ सोदोराक्‌ए एमाको काना, सानाम कोवाक् पोरहो ला़गित्‌गे।

आदो आपे सानामको मिदुक्‌ते दो मा़सियाक्‌ होड़मो काना पे आर आपान आ़पिन दो ओना रेयाक्‌ होड़मो हा़टिञको काना

आर चाहे मित्‌ होड़मो हा़टिञगे दुकोक्‌, जोतो होड़मो हा़टिञ कोगे दुक सेलेदोक्‌आ आर चाहे मित्‌ होड़मो हा़टिञगे ठोनोक ओचोक्‌, जोतो होड़मो हा़टिञकोगे रा़सका़ सेलेदोक्‌आ

एनते मित्‌ होड़ दो जिउ होतेते आकेल रेयाक्‌ एमायकाना, आर एटागिच्‌ दो बाक्‌डाय रेयाक्‌ रोड़, इनि जिउ लेकातेगे। एटागिच्‌ दो इनि जिउ लेकातेगे पा़तिया़उक्‌, आर एटागिच्‌ दो बोक्‌गे रेयाक्‌ दाया दानको, इनि मित्‌ जिउरेगे। आर एटागिच्‌ दो हाहाड़ा का़मि रेयाक् दाड़े, आर एटागिच्‌ दो ना़क्‌बि, आर एटागिच्‌ दो जिउको पाक्‌छनाव, आर एटागिच्‌ दो जुदा़ जुदा़ पा़रसि रोरोड़, आर एटागिच्‌ दो पा़रसि तोरजोक्‌मागे।

मेनखान नोवाको सानाम दो उनि मित्‌ आर इनि जिउगेये का़मि ओचोयेदा, आर मिमित्‌ होड़े एम हा़टिञाको काना, आच्‌ए मेन जोङकान लेका।

होड़मो हा़टिञकोरे भिना़भिनिक्‌ दो आलो होयोक्‌ मा बिचकोम होड़मो हा़टिञको मित्‌ एटाक्‌ लेकागेको गोरोजोक्‌ मा।

दाया दानको मा जुदा़ जुदा़गे, मेनखान जिउ दो इनिगे। साप्‌दाप्‌ का़मिको मा जुदा़ जुदा़गे आर प्रोभु दो इनिगे। का़मिको मा जुदा़ जुदा़गे मेनखान इसोर दो इनिगे, ओने उनि सानामकोरे सानामाक्‌ए का़मि ओचोयेत्‌।

आर इसोर दो का़लिसिया़रे आदोम होड़ कोए बाहाल केत्‌कोवा, पा़हिल दो आपोसतोलको, दोसार दो ना़बिको, तेसार दो चेचेत्‌को, ओनाकाते दाड़े का़मि का़क्‌मिको, ओनाकाते दो बोक्‌गे रेयाक्‌ दाया दानको, गोक्‌ड़ोको, चाक्‌लावको, जुदा़ जुदा़ पा़रसि रोरोड़को।

होड़मो दो एनते मित्‌ होड़मो हा़टिञ दो बाङ काना, मेनखान आयमावा।

हें बिचकोम होड़मो रेयाक्‌ ओकाको हा़टिञ बा़ड़ति निजोर आटकारोक्‌ काना, ओनकागे जा़रुड़ा

गोटा होड़मो मेंत्‌गे ताहेन खान आँजोमाक् दो ओकोरआनेच्‌? आर गोटा होड़मोगे आँजोमाक्‌ ताहेन खान जिजिआक्‌ दो ओकोरआनेच्‌? मेनखान इसोर दो मिमित्‌ होड़मो हा़टिञ होड़मोरेये दोहोकेदा, आयाक्‌ कुसिलेकागे। आर ओनाको सानाम दो मित्‌ होड़मो हा़टिञगे ताहेन खान, होड़मोतेत्‌ दो ओकोरआनेच्‌?