१ कोरि 13
13
दुला़ड़ रेयाक् सोरोस तेत्
1मानवाकोवाक् आर दुतकोवाक् पा़रसि तेञ रोड़ ले रेहों दुला़ड़ बा़नुक् तिञ खान, राड़ाङ राड़ाङोक् कान पिता़र आर छाङ छाङोक् कान कोरताल इञ होय आकाना 2आर ना़क्बि रेयाक् दाया दान मेनाक् तिञ आर सानाम ओकोवाक् आर सानाम आकेल इञ बाडायले आर पुरा़ बिसवा़स मेनाक् तिञ खान, ओने ओनाते बुरुकोञ ओचोक् दाड़ेयाक्आ, मेनखान दुला़ड़ बा़नुक् तिञ खान, चेतात होंञ बाङ काना। 3आर जोतो मेनाक् तिञाक् रेङगेच् ओरेच्कोञ एमाको आर इञाक् होड़मो आतार गिडिक् ला़गित् इञ आलायलेरे हों, दुला़ड़ बा़नुक्तिञ खान चेत् पोरहो हों बा़नुक्तिञा। 4दुला़ड़ दो जावगेये जिवि हाताड़ा, दुला़ड़ दोए दायाक्आ, बाय हिसका़वा, बाय आदोपा, बाय फुला़उक्आ। 5दुला़ड़ दो बाय बिकोला, आच् दो बाय हा़र दोगोक्आ बाय कादरावक्आ, बा़ड़िच्आक् दो बाय हिसा़बा। 6बेधोरोमाक्ते दो बाय रा़सका़क्आ, मेनखान सा़रियाक् साँवतेये रा़सका़ सेलेदोक्आ। 7सानामाक्गेये साहावा, सानामाक् गेये पा़तिया़उक्आ, सानामाक्गेये आसाक्आ, सानामाक्गेये सुमभरा़वा।
8दुला़ड़ दो तिस हों बाङ डिगा़उक्आ, ना़बियाक्को मेनाक् खान, ओनाको दो मा़उता़क्आ, पा़रसिको मेनाक् खान, ओनाको दो आत् हापेक्आ, आकेल मेनाक् खान, ओना दो मा़उता़क्आ। 9आबो दो एनते तारागे बोन बाडाया, तारागे बोन ना़बिया। 10मेनखान पुरा़वाक् सेटेरलेन खान तारावाक् दो मा़उता़क्आ।
11गिदरा़ञ ताहेंकानरे दो गिदरा़ लेकाञ रोड़ेत् ताहेंकाना, गिदरा़ लेकाञ बुजहा़उ एत् ताहेंकाना, गिदरा़ लेकाञ हुदिस एत् ताहेंकाना मेनखान इञ सेंड़ा आकान खोन गिदरा़ रेयाक् नोवाको हेवा दोञ बा़गि आकादा। 12नितोक् दो एनते मित्टेच् आ़रसिते बोन ञेल एदा, पालाक् पोलोक् लेका, उनरे दो सामना सा़मनि बोन ञेल ञामा, नितोक् दो तारागेञ बाडाया, मेनखान उनरे दो पुरा़ इञ बाडाया, चेत् लेका पुरा़ इञ होंञ बाडायेन।
13मेनखान नितोक् दो बिसवा़स, आस, दुला़ड़, नोवाको पेनेगे ताहेन काना, आर ओनाको मोदरे सोरोसाक् दो दुला़ड़गे।
നിലവിൽ തിരഞ്ഞെടുത്തിരിക്കുന്നു:
१ कोरि 13: NTSPt25
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
The New Testament Books in Santhali Language © The Word for the World International and Santhali Translation Project, Nepal, 2025