اِنجیل مَرقُس 13-ൽ നിന്നുള്ള പ്രശസ്ത ബൈബിൾ വചനങ്ങൾ

പങ്ക് വെക്കു

گِرد مردم چِمِن نومی واسی شِمَه کا بیزار بَبین، امّا هَر کسی که تا آخِر تاو بواَرِه، نِجات پِیدا بَکَردی.

بَس ویرا و آگا بِبییَه، چوم شِمَه نیمَزنَه که اَ زمان کَینی آرَستِه.

هَر وخت شِمَه بِگِرِن و بِبَرِن مَحکمَه، پیش، پیش نِگران مَبییَه که چِه بوآجَه، بَلکَم هَر چیی که اَ موقع شِمَه نَه واتَه بَبی، اَیی بوآجَه؛ چوم شِمَه نیرونَه که گف ژَنَه، بَلکَم روح ‌القدسَه که گف ژَنِه.

آسِمون و زمین اَز بین بَشین، امّا چِمِن گفِن هَرگز اَز بین نِشون.

«آسِمونی یَه دَده غیراز، هیچکس اَ روز و اَ ساعتی نیمَزنِه؛ حتّی آسِمونی ملائیکه اِن و زوعَه نی اَیی کا خَوَر نیشونَه.

وختی جَنگون خَوَری دَرَسَه و جَنگون شایعه شِمَه گوش آرَستِه، تَشویش مَبییَه، بَسی اِم چییِن اِتِفاقِن دَلَکِن، امّا حَلا دنیا آخِر نییَه.

بَس شِمَه نی آگا بِبییَه، چوم نیمَزنَه کَ صاحیب کَینی بومَی، شَو یا نِصبِ شَو، سوکی خَندِه موقع یا صِبی زو. نَبادا که اَ ایی دفعه با و بِوینِه شِمَه خِتیرونَه. اَ چیی که شِمَه نَه بَواتیم، گِردی نَه بَواتیم: آگا بِبییَه!»

چوم که میلَّتی دییَر میلَّتی نَه و مَملکتی دییَر مَملکتی نَه جنگ بَکَردین و جور بَه جوره جِگا اون کا زلزله بومَی و قحطی بَبی. امّا اِم چییِن فقط زَندِه داجی شروع بییِه اِستَه که داجون فاصله هِی کمتر و کمتر بَبی.

اوّل بَسی خِدا پاُتشایی شادَه خَوَر گِردِ میلتون را اِعلام بِبو.

وِر کَسِن چِمِن نومی نَه بومَین، و بَواتین، ”اَز هَ مسیح موعود اِستیمَه“ و وِر کَسون گمراه بَکَردین.

«امّا شِمَه اِشتَن ویرا بِبییَه، چوم اَوِن شِمَه مَحکمَه اون تحویل بَداین و عِبادتگاه اون کا شِمَه ژَنِن. شِمَه چِمِن واسی فرماندارون و پاُتشا اون حضوری کا بَمَندیرون تا چَوون پیشی کا شهادتی بِدییَه.

چوم دروعَه مسیح اِن و دروعَه پیغمبرِن بومَین، و اِنتَه رَه نیشونه اونی بواَردین و معجزه اونی بَکَردین که اَگم بِشان، اِنتخاب بییَه اون گمراه بِکَرِن.

«امّا اَ روزون کا، اَ مصیبتَ پَش، «‌”آفتاو تاریک آبو و مانگ دِ نور نِدَه. ستاره اِن آسِمونی کا وِیبون و اَ قدرتِنی که آسِمونی محکم غَم بَردین، لَرزِن.“