Марк 13-ൽ നിന്നുള്ള പ്രശസ്ത ബൈബിൾ വചനങ്ങൾ

പങ്ക് വെക്കു

Ме понда тійӧ син вылӧ одӧ пондӧ ковны быдӧнныслӧ. Кин медбӧрӧдз вермас видзсьыны, сія мезмас».

Видзӧтӧ, лоӧ лӧсьӧтчӧмӧсь, кеймӧ, тійӧ эд одӧ тӧдӧ, кӧр локтас сія кадыс.

Кӧр тіянӧс вайӧтасӧ судитанінӧ, одзлань эд тӧждісьӧ, юраныт эд видзӧ, мый пондат баитны. Сія кадӧ тіянлӧ лоас сетӧм, мый висьтавны. Сэк тійӧ одӧ пондӧ баитны асьныт, тіян пытшкын пондас баитны Вежа Лолыс.

Муыс енӧжнас ӧшасӧ, а Менам кыввезӧ кольччасӧ вынаӧсь.

«Этӧ лунсӧ да кадсӧ некин оз тӧд. Озӧ тӧдӧ енӧжын ангеллэс, оз тӧд Зоныс, тӧдӧ ӧтнас Айыс.

Тійӧ кылат тышкасьӧммез йылісь, уналаись кывсяс тышкасьӧмыс. Сэк тійӧ эд повзьӧ. Сідз и колӧ лоны. Но сія абу на векпон.

Сідзкӧ, лоӧ лӧсьӧтчӧмӧсь! Тійӧ эд одӧ тӧдӧ, кӧр локтас кӧзяиныс: рытнас, ойшӧрнас, петук китсасикӧ али югдандорӧ. Видзчисьтӧг локтӧм коста ась оз адззы тіянӧс узиссезӧн! Мый тіянлӧ баита, сійӧ и быдӧнныслӧ висьтала: лоӧ лӧсьӧтчӧмӧсь!»

Отир отир вылӧ лэбтісяс, ӧксу ─ ӧксу вылӧ. Уналаын пондасӧ тшыгьявны. Уналаын муыс пондас зэгавны. Отирыс лоасӧ кыдз ӧшӧмӧсь. А эта эд дзир кага вайисьлӧн зубытыс пондӧтчӧ.

Но сія кадӧдз колӧ Бур Юӧрсӧ висьтасьны быд отирпӧлӧслӧ.

Уна локтасӧ Менам нимӧн да шуасӧ, сія пӧ Ме, да унаӧс ылӧтасӧ.

Тійӧ видзӧтӧ ас сьӧраныт. Тіянӧс пондасӧ вайӧтны судитаніннэзӧ, синагогаэзын тіянӧс пондасӧ вартлыны. Тіянӧс Ме понда сувтӧтасӧ юраліссез да ӧксуэз одзӧ, медбы тійӧ висьтасит нылӧ Ме йылісь.

Сэк локтасӧ отир, кӧдна асьнысӧ пондасӧ пуктыны Кристосӧ да Енсянь юӧртіссезӧ. Нія ыджыт пассэз да адззывлытӧммез пондасӧ керны, медбы и бӧрйӧммесӧ ылӧтны, вермасӧ кӧ.

«Ӧддьӧн сьӧкыт луннэз бӧрын сэтӧн жӧ шондіыс пемдас. Тӧлісьыс кусас, енӧжсис кӧдзуввес усяласӧ, енӧжись выннэс зэгаласӧ.