Marko 13-ൽ നിന്നുള്ള പ്രശസ്ത ബൈബിൾ വചനങ്ങൾ

പങ്ക് വെക്കു

Ni yamuye wakuwipilika ni woha ndawa ya lihina lyangu: leka wakuyumalakila mpaka pa kumalakila, yuyu yayokoleke.

Mulolaye wicho, mutame miho ni kusali: pakuya mumanya lepa lukumbi lwake.

Na pala yawawatole kuwafumbula, mukotoke kuholangana palongolo kiki yamulongele: koma kiyi kyoha yakipelewe kwinu saa yiyila, iki yamulongelage: pakuya nukuya mwenga wa kulongela, koma Roho Mbalafu.

Kunani nu ndima yakulutile ngani: koma malowe gangu yagalutile ngani lepa.

Leka ligono lililalila na saa yiyilayila pa waka mundu amanya, haka wamalaika kunani, haka Mwana, lema Dadi.

Leka mwaka yamuyufwane ngondo nu mbili sya ngondo, musihumbusika: ifi ngafipatiti kuya; koma pa kumalakisa pakona.

Mumu mutame miho: pakuya mumanya lepa lukumbi wuli mwene nyumba yayiche, pangi kimihi, pangi kilo pagati, pangi ngunguluko, pangi lukela; asihicha pa kupwitukila ni kuwakolela mugona lugono. Leka iki niwajowela mwenga niwajowela woha, Mutame miho.

Pakuya mhuku yauwuke kupindika mhuku, ni utwa kupindika utwa: yafiye finyukunyuku pandu pangi pangi; yauye ulali: ifi fifi ndumbulo ya mahumbuso.

Na evangel nakulekeka pakutumbula kuwandasika pa mihuku yoha.

Wingi yawayiche pa lihina lyangu, kujowa, Nenga niyii; na yawasowese wingi.

Leka mwenga mwilolele pa mwawene: pakuya yawawafumbule pa machengo; ni pa masunagoge yamutoweke; na yamuyime pa miho ga manduna na watwa ndawa ya nenga, kwa ulungamakiso kwawe.

pakuya yawawuke waKristo wa mageya, ni wakulweta wa mageya, na yawalase fiwalalilo ni finyantiti, mpaka kuwasowesa, ngati ihotoleka, haka wala wakuhagulika.

Leka pa magono gagalagala, panyuma pa mahumbuso gala, lijuwa yalipilale, nu mwesi yaupeleke lepa lulangalila lwake, ni ndondo kigwilile kuhumila kunani, ni mbafu sya kunani yasinyukunyuke.