Mak 13-ൽ നിന്നുള്ള പ്രശസ്ത ബൈബിൾ വചനങ്ങൾ

പങ്ക് വെക്കു

Ɗufal shak si wa ɗanggwya tu ɓur sun, yis ima ka' agung wa dala ma wa mupwet.

Tehun mweret! Tehun ti shingat! Hu shang myan ima ɗamam mii si wa mufur kwa.

Myan ima si ka'u si watu ta fo ɓurti, ka hu tirim ti aɗeng ima hu wa laki kwa. Lak hun aɗeng ima DeeƁwe kinui ta mulwat tasi myani, ɓurti a hun hu wa findel kwa, a Rin Masapai.

Fit hu fisha si wa mumbit, findel amen ma wa mumbit kwa.

“Ɗeng shang mweni hu myani kwa. Som lu' i DeeƁwe hu Al i DeeƁwe shak si shang myani kwa, a DeeƁwe je shangi.

Myan ima hu hal ɓwol hu mangga' i ɓwol nati, hu te'i, kan hu mwen kwa. A kanggang ɗamam si te andi, shak ta andi, dala i naya ti ti yes kwa.

“Ɓurti andi, tehun ti shingat, ɓurti hu shang myan ima mawuri ma wa muhumkyel kwa. A myan ima korong tutol, ahun a tamwen, ahun a tango, ahun a sai fo' ɗak. Kan hum kyel kaciwa' shangi amu, u wisu hun yu ɗarak kwa. Aɗeng ima i laksu, i lak ti ɗufal shak, ‘Tehun ti shingat!’ ”

Ɓin ti wa muluk fit ta' hu ta' hai, ti luk fit kaitat hu kaitat hai. Fisha ma wa muro ta kikyal akat-akat, si mas hwem hwak. Mii shak a mahalal i shum.

A kpak Muro Maɗesi mai u tong ta shak ramam i naya wi ti bya'.

Hyang si wa yes ti asum amen. Sin nyai, ‘Ayin ayis,’ ɗak si dang ɗufal hyang ya.

“A kpak hu te ti shingat i haisu, si wa kolsu ta wei i kaya, si ndash shu ta mare i DeeƁwe. Si wa kolsu ta wei i som i kunggul hu kaya ɓur ti hun a som koltifai amen. Mai ma wa mute i fisel tima hu lakus Muro Maɗesi amen.

Ɓurti som ima si nyai sin a Kristi, hu som i shit i fyarat si wa mulangya. Si wa masti ɗamam i kofiti, hu ɗamam i shok na fwai, ɓa si dang ta ima DeeƁwe benusi hwak, na yis wa matwis.

“Tasi mukonan ani, takfai ti shum mahyangi, “ ‘Ɓwe ti yut wa kikyawat, ture hwak u fa kweneng kwa. Ɓyar si wa ndakan ta fit, mbayai i ɗamam ta fit si wa gicik hwak.’