မႃႇ​ၵူႉ 3-ൽ നിന്നുള്ള പ്രശസ്ത ബൈബിൾ വചനങ്ങൾ

പങ്ക് വെക്കു

ၽူႈ​လႂ်​သေ​ဢမ်ႇ​ဝႃႈ၊ ၵေႃႉ​ဢၼ်​ႁဵတ်း​ၸွမ်း​ဢလူဝ်ႇ​ၽြႃး​ပဵၼ်​ၸဝ်ႈ​ၼၼ်ႉ၊ ၵေႃႉ​ၼၼ်ႉ ပဵၼ်​ၼွင်ႉ​ၸၢႆး​ၵဝ်၊ ၼွင်ႉ​ယိင်း​ၵဝ်၊ မႄႈ​ၵဝ်​ဢေႃႈ၊ ဝႃႈ​ၼင်ႇ​ၼႆ​ဢေႃႈ။

ၵဝ်​ဝႃႈ​တီႈ​ၸိုဝ်ႈ​တီႈ​ၸႂ်ႈ​ၸမ်ႉ၊ လုၵ်ႈ​ၵူၼ်း​တင်း​လၢႆ တၵ်း​ႁွတ်ႈ​ထိုင် တၢင်း​ဢၼ်​ပွႆႇ​လွတ်ႈ​ဢပႅတ်ႈ ဢၼ်​ၽိတ်း​ပိူင်ႈ​ၵူႈ​ၸိူဝ်ႉ​ၵူႈ​ပိူင် တင်း​ဢပႅတ်ႈ​ဢၼ်​သႄႉ​သွမ်း​ၽြႃး​ပဵၼ်​ၸဝ်ႈ ၵူႈ​ၸိူဝ်ႉ​ၵူႈ​ပိူင်​ၵႃႈ​မီး​ၸိူဝ်း​ၼၼ်ႉ​လႆႈ​ယူႇ​ဢေႃႈ။- ၵူၺ်း​ၵႃႈ ၽူႈ​လႂ်​သေ​ဢမ်ႇ​ဝႃႈ၊ ၵေႃႉ​ဢၼ်​သႄႉ​သွမ်း​ဝီႉၺိၺ်ႇ​ဢၼ်​မူတ်း​ၸၢင်ႇ​ၸဝ်ႈ​ၼၼ်ႉ၊ ၵေႃႉ​ၼၼ်ႉ ၶိင်ႇ​လႂ်​သေ​ဢမ်ႇ​ဝႃႈ၊ တၵ်း​ဢမ်ႇ ႁွတ်ႈ​ထိုင်​တၢင်း​ဢၼ် ပွႆႇ​လွတ်ႈ​ဢပႅတ်ႈ​လႆႈ။ ပဵၼ်​ၵေႃႉ​ဢၼ်​လႆႈ​ၶၢမ်ႇ​ဢပႅတ်ႈ​တၢမ်ႇ​ထႃႇဝရႃႉ​ယဝ်ႉ၊ ဝႃႈ​ၼင်ႇ​ၼႆ​ဢေႃႈ။

ပေႃး​မိူင်း​ဢမ်ႇ​ထုၵ်ႇ​ဢမ်ႇ​ပေႃး​ၵၼ် ၽၢတ်ႇ​ၽႄ​ၵၼ်​တင်း​တူဝ်​ၸဝ်ႈ​ၵဝ်​ယူႇ​ၸိုင် မိူင်း​ၼၼ်ႉ ဢမ်ႇ​မၼ်ႈ​ဢမ်ႇ​ၶိူင်ႇ​လႆႈ။- ႁိူၼ်း​ၵေႃႈ​ပေႃး​ဢမ်ႇ​ထုၵ်ႇ​ဢမ်ႇ​ပေႃး​ၵၼ် ၽၢတ်ႇ​ၽႄ​ၵၼ်​တင်း​တူဝ်​ၸဝ်ႈ​ၵဝ်​ယူႇ​ၸိုင် ႁိူၼ်း​ၼၼ်ႉ ဢမ်ႇ​မၼ်ႈ​ဢမ်ႇ​ၶိူင်ႇ​လႆႈ။

ၽီ​ႁၢႆႉ​ဢၼ်​ၵူဝ်ႈ​ၵိူၵ်ႇ​တင်း​လၢႆ​ၵေႃႈ မိူဝ်ႈ​ဢၼ်​ႁၼ်​မၼ်း​ၸဝ်ႈ​ၸိုင်၊ ၶုပ်ႉ​မူပ်ႇ​သေ​လႄႈ ႁွင်ႉ​သႅၼ်ႇ​လႄႈ​ဝႃႈ၊ ၸဝ်ႈ​ႁဝ်း​ပဵၼ်​လုၵ်ႈ​ၽြႃး​ပဵၼ်​ၸဝ်ႈ​ၶႃႈ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။