မႃႇ​ၵူႉ 2-ൽ നിന്നുള്ള പ്രശസ്ത ബൈബിൾ വചനങ്ങൾ

പങ്ക് വെക്കു

ယေႇသူႉ ​ၼၼ်ႉ မိူဝ်ႈ​ဢၼ်​ငိၼ်း​ၸိုင် လၢတ်ႈ​တီႈ​ၶဝ်​ၼၼ်ႉ​လႄႈ​ဝႃႈ၊ ၶဝ်​ၸိူဝ်း​ဢၼ်​ယူႇ​လီ​ၼၼ်ႉ ဢမ်ႇ​လူဝ်ႇ​မေႃ​ယႃ​ဢေႃႈ။ ၶဝ်​ၸိူဝ်း​ဢၼ်​မီး​တၢင်း​ၶႆႈ​တၢင်း​ပဵၼ်​ၼၼ်ႉ​ၵူၺ်း လူဝ်ႇ​မေႃ​ယႃ​ဢေႃႈ။ ၵဝ်​မႃး​ႁႂ်ႈ​လႆႈ​ႁွင်ႉ​ဢဝ် ၵူၼ်း​သိုဝ်ႈ​တေႃႇ​တင်း​လၢႆ​ဢမ်ႇ​ၸႂ်ႈ။ ၵဝ်​မႃး​ႁႂ်ႈ​လႆႈ​ႁွင်ႉ​ဢဝ်​ၵူၼ်း​ႁၢႆႉ​တင်း​လၢႆ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။

ယေႇသူႉ ​ႁၼ်​တၢင်း​ဢၼ်​ယုမ်ႇ​မၢတ်ႈ​ၶဝ်​သေ​ယဝ်ႉ၊ လၢတ်ႈ​တီႈ​ၵေႃႉ​ဢၼ်​တိၼ်​တၢႆ​မိုဝ်း​တၢႆ​ၼၼ်ႉ​လႄႈ​ဝႃႈ၊ လုၵ်ႈ​ၵဝ်​ဢိူၺ်း၊ ဢပႅတ်ႈ​မႂ်း​ၸိုင် ပွႆႇ​လွတ်ႈ​ယဝ်ႉ၊ ဝႃႈ​ၼင်ႇ​ၼႆ​ဢေႃႈ။

လိူဝ်​သေ​ၼၼ်ႉ၊ ဝၼ်း​ၵမ်​သိၼ်​ပဵၼ်​ပုၼ်ႈ​ၵူၼ်း​ဢေႃႈ။ ၵူၼ်း​ပဵၼ်​ပုၼ်ႈ​ဝၼ်း​ၵမ်​သိၼ်​ဢမ်ႇ​ၸႂ်ႈ။

ၵွပ်ႈ​ပိူဝ်ႈ​ဢၼ် မီး​ၵူၼ်း ဢၼ်​ၸူႉ​ဢၼ်​တုမ်​ၼမ်​ၼႃႇ​လႄႈ ၶဝ်​ဢမ်ႇ​သုတ်ႉ​မႃး​တီႈ​မၼ်း​ၸဝ်ႈ​လႆႈ​လႄႈ ၶုတ်း​ယႃႉ​ဢၼ်​မုင်း​ႁိူၼ်း ဢၼ်​မီး​ၵႃႈ​ၼိူဝ်​မၼ်း​ၸဝ်ႈ​ၼၼ်ႉ​ယဝ်ႉ​ၸင်ႇ၊ ဢဝ်​ၵူႇ​တီႈ​ၼွၼ်း တင်း​ၵေႃႉ​ဢၼ် တိၼ်​တၢႆ​မိုဝ်း​တၢႆ​ၼၼ်ႉ ယွၼ်ႇ​တူၵ်း​ၵူပ်ႉ​ၵၼ်​ဢေႃႈ။

ၼင်ႇ​ႁိုဝ်​သူ​တၵ်း​ႁူႉ​လွင်ႈ​ဢၼ် လုၵ်ႈ​ၵူၼ်း​ပိူင်ႇ​ပွႆႇ​လွတ်ႈ​ဢပႅတ်ႈ ၵႃႈ​ၼိူဝ်​လိၼ်​မိူင်း​ဝႃႈ​ၼႆ၊ မၼ်း​ၸဝ်ႈ​သမ်ႉ​လၢတ်ႈ​တီႈ​ၵေႃႉ​ဢၼ် တိၼ်​တၢႆ​မိုဝ်း​တၢႆ​ၼၼ်ႉ​ထႅင်ႈ​လႄႈ​ဝႃႈ၊- ၵဝ်​ဝႃႈ​တီႈ​မႂ်း၊ လုၵ်ႉ​ဢဝ်​တီႈ​ၼွၼ်း​မႂ်း​လႄႈ မိူဝ်း​ၵႂႃႇ​ၵႃႈ​တီႈ​ႁိူၼ်း​မႂ်း​ပုၼ်ႉ​တႃႉ၊ ဝႃႈ​ၼင်ႇ​ၼႆ​ဢေႃႈ။

ၵႂၢမ်း​ဢၼ်​လႂ်​ယဵင်ႈ​ၶႅၼ်း​လၢတ်ႈ​ငၢႆႈ တီႈ​ၵေႃႉ​ဢၼ်​တိၼ်​တၢႆ​မိုဝ်း​တၢႆ​ၼၼ်ႉ။ ဢပႅတ်ႈ​မႂ်း​ၸိုင်​ပွႆႇ​လွတ်ႈ​ယဝ်ႉ၊ ဢၼ်​ဝႃႈ​ၼင်ႇ​ၼႆ​ၼၼ်ႉ​လၢတ်ႈ​ငၢႆႈ​ႁိုဝ်။ မႂ်း​လုၵ်ႉ​ဢဝ်​တီႈ​ၼွၼ်း​မႂ်း​လႄႈ ပႆ​တၢင်း​ၵႂႃႇ​တႃႉ၊ ဢၼ်​ဝႃႈ​ၼင်ႇ​ၼႆ​ၼၼ်ႉ၊ လၢတ်ႈ​ငၢႆႈ​ႁိုဝ်။

ၵေႃႉ​ၼၼ်ႉ​ၵေႃႈ လုၵ်ႉ​ဢဝ်​တီႈ​ၼွၼ်း​မၼ်း ဢွၵ်ႇ​ၵႂႃႇ​ၵႃႈ​တီႈ​ၽၢႆႇ​ၼႃႈ​ၵူၼ်း​တင်း​သဵင်ႈ​တင်း​လူင်​ၵမ်း​လဵဝ်​လႄႈ ၵူၼ်း​တင်း​သဵင်ႈ​တင်း​လူင်​ၸိူဝ်း​ၼၼ်ႉ ထၼ်ႈ​ပေႃး​ၵႂင်​ၸႂ်​ယုင်ႈ​ၸႂ်​သေ​လႄႈ ယွင်ႈ​ယေႃး​ၽြႃး​ပဵၼ်​ၸဝ်ႈ​လႄႈ​ဝႃႈ၊ ဢမ်ႇ​တွၼ်ႉ​ႁၼ်​ၸိူဝ်ႉ​ၼင်ႇ​ၼႆ​သေ​ပွၵ်ႈ၊ ဝႃႈ​ၼင်ႇ​ၼႆ​ဢေႃႈ။