1 aKorinto 13-ൽ നിന്നുള്ള പ്രശസ്ത ബൈബിൾ വചനങ്ങൾ

പങ്ക് വെക്കു

Osivela ongweherera ni ovilela, osivela ti wooreera, khoonono nrima, khooniixoona, khooniixunnuwiha khoonghasula, khooniisaasa sawayaru, khoonnyoonyiwa woowaakuveya, khoonuupuwelela yoonanara.

Osivela onghaawa sootheene, onroromela sootheene, ongweherera sootheene, omvilela sootheene.

Osivela khoonghakalalela yootakhala, mene onghakalalela ekhaikhai.

Hiiho singhala vaanaano iya tthaaru: nroromelo, oweherera, ni osivela. Vaheera yootthuneyaxa wa itthu seiya, ti osivela.

Osivela khoonriheya, mene soothaliha sa otthuna wa Muluku nsimale, muulumo eniimaale, ni osuwela onuumale.

Hata miyo kuulumaka muulumo a atthu ni a andyelo, mene kaahikhalano osivela, nkikhale ntoko eyuuma ennyakula, hoye hoye esiimbi enruma.

Hata miyo kikhalanaka yamahala yoothaliha otthuna wa Muluku, ni kisuwelaka matikhinelo ni soosuwela sootheene, nitho kikhalanaka nroromelo noowera osusiha nyaako, mene kaahikhalano osivela, nkinkhala etthu.

Hata miyo kivahaka sootheene kiraakano, ni kinnyereraka erutthwaaka weera ehisiwe, mene kaahikhalano osivela, sootheene seiyo nsikhale sa siiyo.

Miyo kaaraaka mmiravo, kuuluma ntoko mmiravo, kuupuwela ntoko mmiravo ni kaataphulela itthu ntoko mmiravo. Vano, kithatuwakaru mulopwana, kaahiya ottuli itthu sa enamwane.