1 aKorinto 13
13
Osivela
1Hata miyo kuulumaka muulumo a atthu ni a andyelo, mene kaahikhalano osivela, nkikhale ntoko eyuuma ennyakula, hoye hoye esiimbi enruma. 2Hata miyo kikhalanaka yamahala yoothaliha otthuna wa Muluku, ni kisuwelaka matikhinelo ni soosuwela sootheene, nitho kikhalanaka nroromelo noowera osusiha nyaako, mene kaahikhalano osivela, nkinkhala etthu. 3Hata miyo kivahaka sootheene kiraakano, ni kinnyereraka erutthwaaka weera ehisiwe, mene kaahikhalano osivela, sootheene seiyo nsikhale sa siiyo. 4Osivela ongweherera ni ovilela, osivela ti wooreera, khoonono nrima, khooniixoona, khooniixunnuwiha 5khoonghasula, khooniisaasa sawayaru, khoonnyoonyiwa woowaakuveya, khoonuupuwelela yoonanara. 6Osivela khoonghakalalela yootakhala, mene onghakalalela ekhaikhai. 7Osivela onghaawa sootheene, onroromela sootheene, ongweherera sootheene, omvilela sootheene. 8Osivela khoonriheya, mene soothaliha sa otthuna wa Muluku nsimale, muulumo eniimaale, ni osuwela onuumale. 9Vano osuwelawahu khoonkwanela, ni othaliherawahu otthuna wa Muluku khoonkwanelatho. 10Wa soothesene, yaarwaaka yeeyo eri yookwanela, yoohikwanela eniimale. 11Miyo kaaraaka mmiravo, kuuluma ntoko mmiravo, kuupuwela ntoko mmiravo ni kaataphulela itthu ntoko mmiravo. Vano, kithatuwakaru mulopwana, kaahiya ottuli itthu sa enamwane. 12Vekhaihai, vaanaano nnoona ntoko muloolani ni mmaxiripuloni, mene ohoolowaya, nnoone ekhove ni ekhove. Vaanaano va kinsuwela vakhaani, mene ohoolowaya nkisuwele nnenesene, ntoko kiraaka oosuweliwa nnenesene. 13Hiiho singhala vaanaano iya tthaaru: nroromelo, oweherera, ni osivela. Vaheera yootthuneyaxa wa itthu seiya, ti osivela.
നിലവിൽ തിരഞ്ഞെടുത്തിരിക്കുന്നു:
1 aKorinto 13: VMK2021
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
Makhua Shirima Bible © Christelike Lektuurmaatskappy NPC, 2021.