1 aKorinto 12-ൽ നിന്നുള്ള പ്രശസ്ത ബൈബിൾ വചനങ്ങൾ

പങ്ക് വെക്കു

Munepa Wootteela onimvaha khula mutthu yoowiixoonihera emoha eerelaka mpuha wa atthu ootheene.

Vano, nyuwo muri erutthu ya Kristu ni mpatta wa erutthweene yeeyo.

Mpatta mmoha wahaawa, mipatta sootheene sikina sinoohaawa ni yoowo; mpatta mukina wattittimihiwa, sootheene sikina sinoohakalalela yoowo.

Mukina omvahiwa ni Munepa nsu na miruku, ni wa mukina nsu na yoosuweliha ni Munepeene Yoowo mmoharu. Wa mukina, nroromelo ni Munepeene Yoowo, ni wa mukinatho, yamahala yoolamiha ni Munepa mmoharu. Wa mukina omvahiwa ikuru sa opaka sootikhiniha, wa mukina onthaliha otthuna wa Muluku, wa mukina ongwera omwalamwaxa ekhaikhai ni yoolokottha, wa mukina muulumo oohiyanahiyana, wa mukinatho ongwera otaphulela muulumo.

Itthusene seiya sootheene simpakiwa ni Munepeene Yoowo mmoharu. Ni Owo onkawa samahalasaya wa mutthu ti mutthu, ntoko ontthunaaya.

weera ohikhale ohiiwanana mweerutthuni, mene weera mipatta sootheene sikhale soolikana, sipasoopanaka mikina ni mikhwaaya.

Sookhala samahala soohiyanahiyana, mene Munepa ori mmoharu. Sookhala miteko soohiyanahiyana, mene Apwiya ari amoharu. Sookhala soopakiwa soohiyanahiyana, mene ori Muluku mmoharu ongwera sootheene mwa ootheene.

Hiiho Muluku ohaakhaliha mukerexani vanipuroni noopacera arummwa, nanaaveeli maprofeeti, nanaararu ahusiha, vahoolowaya yaawo ampaka sootikhiniha nitho yaawo arino yamahala yoolamiha, vahoolowaya yaawo arino yamahala yookhavihera, yaawo arino yamahala yoolamula, ni yaawo anuuluma muulumo makina.

Erutthu kheenono mpatta mmoha paahi, mene mipatta sincipale.

Ohiyanawaya, mipatta sa erutthu sinkhala ntoko soohilipa, ti sootthuneyaxa.

Erutthu yootheene yaari niitho, naakhala woowi naaru? Erutthu yootheene yaari naaru, naahiimureke hai? Mwa yeeyo Muluku ohiikaathi khula mpatta mweerutthuni ntoko ontthunaawe. Vano, sootheene saari mpatta mmoha, yaakhala woowi erutthu?