Mark 13-ൽ നിന്നുള്ള പ്രശസ്ത ബൈബിൾ വചനങ്ങൾ

പങ്ക് വെക്കു

Katezlɛ mbeli pɛtɛ va gheyɛ tewəmbəreke 'ya, ama wəndə nya kehwepete ghə pa te keɗaŋe ta və ne, pələsə nza ŋkɛ.

Ntsehwele mə, mba yɛ kedzete hɛ ŋayɛ, kwa nza ŋkɛ ne, keɗepe se ta vəa shɛ yɛ we.

Ma kefəghe ŋayɛ mbeli kalə kadzete ghwə ne, yirəma yɛ yitea ghena nya tesla yɛ ya nya tegeze yɛ ma. Te ŋkwa shɛnyɛ tedzembe ghəa ŋayɛ ghena nyi hi yɛ kageze. Kwa nza ŋkɛ va gheyɛ se ŋkɛ ghena shɛ we, ama va Sefəa Shala.

Kateza yɛ ghweme le hɛɗi, ama kateza ghena ta ɗa tɛape we.

Ma gɛ, wəndə shɛ keɗepe se ta vecia shɛ, ya ka ghwene ta Shala nyi pelɛ ghweme, ya Wəzege we, deke Yita nde ɗepe.

Katefa gaka ta mpa nyi dekwe dekwe keɗema nyi cakeɗa cakeɗa yɛ. Ghazlənəma yɛ ma: nda wəshia shɛhɛ kamenete geva kaba, ama kenaka kiɗi ta hɛɗi we.

Nza mə le ntsə gɛ, kwa nza ŋkɛ keɗepe və nya tese wəndə ke ghɛ yɛ te we: nda kwete katenza ŋkɛ hetɛhwɛɗi, keɗema te tepe ta viɗi, keɗema hekama ta ŋələ, keɗema masheke. Ma kese ŋkɛ vəkə ne, mba ŋkɛ kesləyi ŋayɛ yitea hɛ. Ma ghena nya geze ŋayɛ nya 'ya ne, gheŋkɛ yageze nda 'ya ke mbeli pɛtɛ: nza mə le ntsə!»

Katempa kwete hwelefe le kwete, kateha nda mpa kwete hɛɗi meghe ke kwete. Kategaŋkəɗə geva hɛɗi te kweci ŋkwa, katemene geva ma. Kala kwa ghate ta heha ta male nda teya wəzege nde tenza wəshia shɛhɛ.

Nda Ghena kwatenca nya ganyɛ kazlapete nda geva ke pɛtɛa hwelefefi kaba.

Katese mbeli kwele kwele te sləa ɗa, ma ke hɛ sha tegeze: 'Ya ya kaMɛsi. Kwele kwele mbeli nyi teghwete hɛ.

Ama ntsehwele mə yitea ghəa ŋayɛ. Katekese ŋayɛ mbeli kalə kadzete ghwə, kateɗa ŋayɛ mbe cɛ kesəkwə ghə ta ka Zhəwif, katekele ŋayɛ mbeli kadzete kema ta ka ŋgwamna ba'a ka meghea kɛfi tewəmbəreke 'ya, yitea negha fete yɛ te 'ya kwa kema ta mbeli.

Kwa nza ŋkɛ katese ka tseŋwəa Mɛsi ba'a ka tseŋwəa ka mɛ ŋkwa, katemene wəshi kencɛ wəshi ba'a wəshi meŋele hɛ kezha ghwete ŋkwa. Ma ya kapesle hɛ yite ne, pa le mbeli nyi ntave Shala ɗe hɛ kazamte hɛ.

Ama te vecia shɛ, kwa sebe ta yaka shɛ ne, kateɓele veci we, katezhɛne tere kaɓele we, katebete yɛ saseregwa sawa pelɛ ghweme, kategaŋkəɗə berete nyi pelɛ ghweme.