Римјаните 7:7-9
Римјаните 7:7-9 Динамичен превод на Новиот завет на македонски јазик (MNT)
Што значи тоа? Дали Божјиот Закон е лош? Се разбира, не! Зашто да не беше Законот, јас немаше да знам дека сум грешен. Ако Законот не кажуваше: „Не посакувај туѓо!“ немаше да знам дека е лошо да се посакува туѓото. Од друга страна, гревот ја искористи можноста, па преку таа заповед во мене поттикна најразлични грешни желби. Значи, без Законот гревот не би бил делотворен! И јас порано живеев без Законот. Но кога се соочив со заповедта, наеднаш, гревот оживе!
Римјаните 7:7-9 Свето Писмо: Стандардна Библија 2006 (66 книги) (MK2006)
Што да речеме пак? Зар Законот е грев? Никако! Но јас го разбрав гревот преку Законот, зашто и похотата не би ја познал, ако Законот не велеше: „Не биди похотлив!“ Но гревот, поттикнат од заповедта, предизвика во мене секаква похота; бидејќи гревот без Законот е мртов. Некогаш живеев без Законот; но кога дојде заповедта, гревот оживеа.
Римјаните 7:7-9 Библија: Стариот и Новиот Завет, Константинов (MKB)
И така, што да речеме? Дали е Законот грев? Далеку од тоа! Сепак, јас го запознав гревот само преку Законот, зашто не би ја запознал страсната желба, ако Законот не рече: „Не ќе пожелуваш!“ А гревот најде повод во заповедта и предизвика во мене секаква желба, зашто без Закон - гревот е мртов. И јас живеев некогаш без Законот; но кога дојде заповедта гревот оживе, а јас умрев