Псалми 128:1-6
Псалми 128:1-6 Свето Писмо: Стандардна Библија 2006 (66 книги) (MK2006)
Блажени се оние, кои се бојат од Господ, кои одат по Неговите патишта! Ќе јадеш од плодовите на рацете свои: блазе тебе и добро ќе живееш. Жената во домот твој ќе биде како лоза плодовита, синовите твои – како новонасадени маслини околу трпезата твоја. Ете, така ќе биде благословен оној човек кој се бои од Господ. Господ ќе ги благослови од Сион; и ти ќе ги гледаш добрата ерусалимски во сите дни на твојот живот; и ќе ги видиш синовите на синовите твои. Мир нека е на Израел!
Псалми 128:1-6 Библија: Стариот и Новиот Завет, Константинов (MKB)
Блажен е секој, кој се бои од Господа, кој оди по Неговите патеки! Ти ќе го уживаш плодот на твоите раце, блажен ќе си, и ќе ти биде добро. Твојата жена ќе биде како плодна лоза во внатрешноста на твојот дом. Твоите синови како млади маслинови гранчиња, околу твојот стол. Ете, така ќе биде благословен човекот, кој се бои од Господа. Господ да те благослови од Сион, да уживаш во среќата на Ерусалим, низ сите денови на Твојот живот! Да ги видиш синовите на Твоите синови. Мир на Израел!