Броеви 2:1-34

Сподели

Броеви 2:1-34 Свето Писмо: Стандардна Библија 2006 (66 книги) (MK2006)

И им рече Господ на Мојсеј и на Арон, велејќи: „Синовите израелски треба да лого­руваат секој кај своето знаме со озна­ките на предците свои; и да се настанат околу скинијата на собранието на пристојна оддалеченост. Најнапред, на исток, ќе се настанат легионите Јудини со војниците свои, и началникот на Јудините потомци Наасон, синот на Аминадав. Силата на неговата војска изнесува седумдесет и четири илјади и шестотини војници. По него да се распореди племето Исахарово, и началникот на Исахаро­вите потомци Натанаил, синот на Цуар, чија сила е изброена на педесет и четири четиристотини војници. Понатаму племето Завулоново, и началникот на потомците Завулонови Елијав, синот Хелонов; бројот на неговата војска изнесува педесет и седум илјади и четиристотини војници. Сите изброени во Јудиниот табор се сто осумдесет и шест илјади и четиристотини војници; тие први да тргнат. Кон југ да бидат распоредени Руви­мовите легиони со војниците свои и началникот на потомците на Рувим Ели­цур, синот на Шедеур; бројот на неговите војници, влезени во пребројувањето негово, е четириесет и шест илјади и петстотини. До него да се настани племето Симеоново, и началникот на потомците на Симеон Шелумиел, синот на Цури­шадај; а неговите војници изброени беа педе­сет и девет илјади и триста. Потоа да се настани племето Гадо­во, и началникот на потомците Гадови Елјасаф, синот на Рагуил; неговата војска беше на број четириесет и пет илјади шестотини и педесет војници. Сета сила влезена во пребројувањето на Рувимовиот табор изнесува сто педесет и една илјада четиристотини и педесет војници; тие втори да појдат. Кога ќе се крене скинијата на собранието, таборот на левитите да биде во средината на другите табори. Како што се разместени, така и да одат, секој на своето место и кај своето знаме. Откај запад да биде војската на Ефремовиот табор, и началникот на потомците Ефремови Елишама, синот Амиудов; во неговата војска изброени беа четириесет илјади и петстотини војници. До него да се смести племето Манасиево, и началникот на потомците Манасиеви Гамалиил, синот на Педа­цур. Со неговата војска која брои триесет и две илјади и двесте војници. Потоа да се смести племето Вени­јаминово, и началникот на потомците Венијаминови Авидан, синот Гидониев, заедно со неговите војници, чиј број е триесет и пет илјади и четиристотини. Сите изброени војници од Ефре­мо­виот табор се сто осум илјади и сто; тие трети да поаѓаат. Откај север да биде таборот на Да­но­вата војска, и началникот на потомците Данови Ахиезер, синот на Ами­шадај; неговата војска, според пребројувањето изнесува шеесет и две илјади и седумстотини војници. А до него да се смести племето Асирово, и началникот на потомците Асирови Пагиил, синот Охранов, заедно со неговите војници на број, четириесет и една илјада и петстотини. Потаму племето Нефталимово, и началникот на потомците Нефтали­мо­ви Ахира, синот Енанов, и неговите педесет и три илјади и четиристотини војници.“ Сите, влезени во пребројувањето на Дановиот табор, се сто педесет и седум илјади и шестотини; тие последни да се креваат со знамињата свои. Тоа се изброените синови израел­ски според фамилиите нивни. Сите изброени во таборите, според четите им, се шестотини и три илјади петстотини и педесет. А левитите не се броени со другите синови на Израел, како што му беше заповедал Господ на Мојсеј. И направија синовите израелски сѐ што му беше заповедал Господ на Мој­сеј; така се распоредуваа при знамињата свои, и така одеа секој според племето свое и според семејствата свои.

Броеви 2:1-34 Библија: Стариот и Новиот Завет, Константинов (MKB)

Господ им рече на Мојсеја и Арона: „Израелците нека ги оптегнуваат своите шатори секој при своето знаме, под знаците на својот татковски дом; нека ги поставуваат околу Шаторот на средбата, но малку подалеку. Однапред, на источната страна, знамето на Јудиниот логор, по нивните чети. Главатар на Јудините потомци е Насон, синот Аминадавов. Неговата војска брои седумдесет и четири илјади и шест стотини избројани. Исахаровото племе нека ги постави шаторите до него. Началник на Исахаровите потомци е Натанаил, синот Согаров. Неговата војска брои педесет и четири илјади и четири стотини запишани. Натаму Завулоновото племе. Началник на Завулоновите потомци е Елијав, синот Хелонов. Неговото воинство брои педесет и седум илјади и четири стотини запишани. По нивните чети, сите запишани во Јудиниот логор се сто осумдесет и шест илјади и четири стотини. Тие нека тргнуваат први! На југ е знамето на Рувимовиот логор, по нивните чети. Главатар на Рувимовите потомци е Елисур, синот Седнуров. Неговата војска брои четириесет и шест илјади и пет стотини запишани. До него нека ги оптегнува шаторите Симеоновото племе. Началник на Симеоновите потомци е Саламил, синот Сурисадаев. Неговата војска брои педесет и девет илјади и три стотини запишани. Потоа Гадовото племе. Началник на Гадовите потомци е Елисаф, синот Рагуилов. Неговото воинство брои четириесет и пет илјади и шест стотини и педесет запишани. По нивните чети, сите избројани во Рувимовиот логор се сто педесет и една илјада и четири стотини и педесет. Тие нека тргнуваат втори! Потоа нека оди Шаторот на средбата, така што левитскиот логор да биде во средина на другите логори. Како што ги оптегнуваат шаторите, така се должни и да одат: секој под своето знаме. На запад, знамето на Ефремовиот логор, по нивните чети. Главатар на Ефремовите потомци е Елисам, синот Емиудов. Неговата војска брои четириесет илјади и пет стотини запишани. До него е Манасиевото племе. Главатар на Манасиевите потомци е Гамалиил, синот Федасуров. Неговата војска брои триесет и две илјади и двеста избројани. Потоа Венијаминовото колено. Главатар на Венијаминовите потомци е Авидан, синот Гадеониев. Неговата војска брои триесет и пет илјади и четири стотини избројани. По нивните чети, сите избројани во Ефремовиот логор се сто и осум илјади и сто. Тие нека тргнуваат трети! На север, знамето на Дановиот логор, по нивните чети. Главатар на Дановите потомци е Ахиезер, синот Амисадаев. Неговата војска брои шеесет и две илјади и седум стотини. До него нека постави логор Асировото племе. Началник на Асировите потомци е Фагаил, синот Ехранов. Неговата војска брои четириесет и една илјада и пет стотини запишани. Потоа Нефталимовото племе. Началник на Нефталимовите потомци е Ахиреј, синот Енанов. Неговата војска брои педесет и три илјади и четири стотини запишани. Сите запишани во Дановиот логор се сто педесет и седум илјади и шест стотини. Тие нека тргнуваат последни под своите знамиња.“ Тоа се избројаните Израелци според татковските домови. Сите избројани во логорите, по нивните чети, се шест стотини и три илјади и пет стотини и педесет. Левитите не беа избројани со Израелците, како што Господ му нареди на Мојсеја. Израелевите синови направија сѐ како што Господ му нареди на Мојсеја. Така ги поставуваа логорите при своите знамиња и така одеа, секој по својот род и по своите семејства.