Матеј 26:51-54
Матеј 26:51-54 Динамичен превод на Новиот завет на македонски јазик (MNT)
Наеднаш, еден од оние што беа со Исус извлече нож и, замавнувајќи, му го отсече увото на слугата на Првосвештеникот. Но Исус му рече: „Врати го ножот во ножницата! Кој посегнува по нож, од нож и ќе загине! Мислиш дека Јас не можам да побарам од Мојот небесен Татко за миг да испрати повеќе од дванаесет армии од ангели да ни заштитат? Но, како ќе се исполни претскажаното во Светото Писмо, според кое ова мора да се случи!?“
Матеј 26:51-54 Свето Писмо: Стандардна Библија 2006 (66 книги) (MK2006)
И ете, еден од оние што беа до Исус, протегна рака и извади нож, па го удри слугата на првосвештеникот, и му го отсече увото. Тогаш Исус му рече: „Врати го ножот во ножницата. Зашто сите што се фаќаат за нож, од нож ќе загинат; или мислиш дека не можам да Го помолам сега Својот Отец да Ми прати повеќе од дванаесет легиони ангели? Но, како ќе се исполнат Писмата, ако ова не стане?“
Матеј 26:51-54 Библија: Стариот и Новиот Завет, Константинов (MKB)
И ете, еден од оние, кои беа со Исуса, извади нож и го удри слугата на првосвештеникот и му го отсече увото. Тогаш Исус му рече: „Врати го твојот нож на неговото место; зашто сите, кои се фаќаат за нож - од нож ќе загинат. Или мислиш дека не можам да Го помолам Мојот Татко, и ќе Ми испрати веднаш повеќе од дванаесет легии ангели? Но, како би се исполниле Писмата, дека така треба да биде?“