Исус Навин 6:24-27
Исус Навин 6:24-27 Свето Писмо: Стандардна Библија 2006 (66 книги) (MK2006)
А градот и сѐ што беше во него, го изгореа со оган; само среброто и златото, бакарот и железото ги предадоа за да се внесат во ризницата Господова. Блудницата, пак, Раав и целото семејство на нејзиниот татко, Исус ги остави живи, и таа живее меѓу синовите Израелови до денес, зашто ги сокри извидниците што ги испрати Исус за да го разгледаат Ерихон. Во тој ден Исус проколна и рече: „Проклет да биде пред Господ оној што ќе го издигне и изгради овој град Ерихон; врз првородениот син свој тој ќе ги положи основите негови и врз најмалиот син свој ќе ги постави портите негови!“ И Господ беше со Исус, и славата Негова се рашири по целата земја.
Исус Навин 6:24-27 Библија: Стариот и Новиот Завет, Константинов (MKB)
Го изгореа градот и сѐ што беше во него: зедоа само сребро, злато, бронзени и железни садови, и ги ставија во ризницата на Господовиот Дом. Ама Исус ги поштеди: блудницата Рава, и сето нејзино семејство и сѐ нивно. Таа остана меѓу Израелците до денес, зашто ги скри гласниците кои ги испрати Исус за да го извидат Ерихон. Тогаш Исус ја изрече оваа клетва: „Проклет да биде пред Господовото лице човекот, кој ќе се обиде да го изгради наново Ерихон: да ги гради неговите основи врз својот првенец, да ги крева неговите врати врз својот љубимец!“ Господ беше со Исуса, па се пронесе глас за него по целата земја.