Осија 11:1-8
Осија 11:1-8 Свето Писмо: Стандардна Библија 2006 (66 книги) (MK2006)
Кога Израел беше млад, Јас го сакав и од Египет го повикав како Мој син. Но колку повеќе ги повикував, толку повеќе се оддалечуваа од Мене, принесуваа жртви на Вааловци и им кадеа на идоли. Јас Самиот го учев Ефрем да оди, го носев на рацете Свои, а тие не сфаќаа дека се грижев за нив. Ги привлекував со нежност и со љубов, и Јас бев за нив како оној, што ја олабавува уздата од устата нивна, и кротко им подавав храна. Тие ќе се вратат во Египет; Ашур – ќе му биде цар, зашто тие не посакаа да се вратат кај Мене. И меч ќе беснее по нивниот град, ќе ги уништи неговите заштитници, и ќе ги проголта поради нивните сплетки. Народот Мој е наклонет кон отстапување од Мене. Кон Севишниот повикуваат, но никој не им помага. Како да те дадам, Ефреме? Како да те предадам, Израеле? Како да те направам како Адма? Да ти направам како што му направив на Цевоим? Срцето Ми се вознемирува, затреперува утробата Моја од жалост.
Осија 11:1-8 Библија: Стариот и Новиот Завет, Константинов (MKB)
Додека Израел беше младенец Јас го љубев, го повикав Мојот син од Египет. Но колку повеќе го викав, се подалеку одеа од Мене; им жртвуваа на вааловите идоли, им кадеа на киповите, а Јас го учев Ефрема да оди, држејќи го за неговите раце; но тие не сознаа дека се грижев за нив. Ги привлекував со човечки јажиња, со врските на љубовта; им бев како оној, кој во нивната челуст ја олабавува уздата; се наведнував над него и му давав да јаде. Тој ќе се врати во Египетската Земја, Асирецот ќе му биде цар, зашто не сакаше да се врати кај Мене. Мечот ќе почне да беснее низ неговите градови, ќе ги погуби неговите младенци; ќе голта заради неговите помисли. Мојот народ е наклонет кон отпаѓање, иако го повикуваат кон Вишниот, никој нема да го исправи. Како да постапам со тебе Ефреме, како да те предадам Израелу! Дали да постапам со тебе како со Адма? Дали да постапам со тебе како со Севоим? Моето срце Ми се врати во Мене, милосрдието Ми пламна