Излез 19:1-6

Сподели

Излез 19:1-6 Свето Писмо: Стандардна Библија 2006 (66 книги) (MK2006)

Во првиот ден од третиот месец, откако излегоа синовите израелски од египетската земја, во ден на мла­да месечина, стигнаа во Синајската Пустина. Поаѓајќи од Рефидим, дојдоа во Си­нај­ската Пустина, и се улогори Израел таму спроти гората. И Мојсеј се искачи кај Бога, и му се јави Господ, велејќи: „Кажи му на домот Јаковов, и извести ги синовите на Израел: ‚Сами видовте што им направив на Египќаните и како ве изнесов на крилја орлови, ве прибрав кај Себе. Па сега, ако го слушате гласот Мој и го пазите заветот Мој, ќе Ми бидете избран народ меѓу сите народи, зашто Моја е целата земја. И вие ќе Ми бидете царство на свеш­теници и свет народ.‘ Тоа се збо­ровите, што ќе им ги кажеш на си­новите израелски.“

Излез 19:1-6 Библија: Стариот и Новиот Завет, Константинов (MKB)

Три месеци по излезот од Египетската Земја, на истиот ден, Израелците стигнаа во Синајската Пустина. Идејќи од Рафидин, дојдоа во Синајската Пустина и се влогорија во пустината. Израелците го поставнја логорот тука пред гората, а Мојсеј се искачи кон Господа. Господ го повика од планината и му рече: „Кажи му вака на Јакововиот дом, разгласи им на Израелевите деца: ‘Вие видовте што им направив на Египетците; како ве носев на орелски крилја и ве доведов при Себе. Затоа, ако Ми се покорувате верно и го држите Мојот Завет, вие ќе Ми бидете посебна сопственост, покрај сите народи - па Мој е целиот свет! - вие ќе Ми бидете царство, свештеници, свет народ.’ Кажи им ги тие зборови на Израелците.“