A-pûn Awang 15
15
Garai Gasang, Abram Eq Dangshikaq Tô É Hkyô
1Shí hkyô dùt é htâng má, haû Yhûmsîng Garaî é mungdang gi, Abram chyáng shing-rán dông jé mù,
“Abram ê, hkâgyùq.
Ngò gi, náng é gòlong#15:1 Gòlong lé, ahko ahkáng lhúnglháng wó Sû le wó gâ lhê. nghut lhê;
Nàng gi, chyûnghuq mó wó yû#15:1 Chyûnghuq mó wó yû gâ é lé, Ngò gi, náng é chyûnghuq mó nghut lhê ga le wó taî lhê. râ nghut lhê.” ga taî ri.
2Nghut kôlhang, Abram gi, “Ahko Ahkáng lhúnglháng wó Sû Yhûmsîng Garai ê, ngò gi, zo wó sû yuq a nghut le nhîng, Nàng, ngo lé haî wá byi râ lhú? Ngá é i-kun hkûngxoq râ sû gi, Damasikuq wà mâ é Eli-ezera nghut lhê, a nghut lhú?” ga taî ri. 3Hau htâng, Abram gi, “Nàng, ngo lé zoshâng a byi nghut ri; haû mù, ngá é yhûm mâ é duìnhâng zoshâng rayùq gi, ngá é muìzè sîng sû dùt râ nghut lhê.” ga xoq taî ri.
4Haú hkûn, haû Yhûmsîng Garaî é mungdang yhâng chyáng jé é gi, “Haú yùq gi, náng é muìzè sîng sû dùt râ a nghut; náng é gùng mai gyó é yùqzo yhang shèq, náng é muìzè sîng sû dùt râ nghut lhê.” gâ ri. 5Yhang gi, Abram lé shinggan shut shuî htoq ê mù, “Mauhkûng shut tu wú mù, nàng wó nghap é nghut jáng, kyî pé lé nghap aq; náng é awùt ashín pé gi, haû eq rajung za myo râ nghut lhê.” ga taî ri.
6Abram gi, haû Yhûmsîng Garai lé lùmjíng é nghut mù, haû Yhûmsîng Garai gi, yhang lé díngmán sû ga són byi bê nghut ri.
7Xoq luî, Yhang gi, Abram lé, “Ngò gi, maumyî shí lé nàng sing yù râ matú, nang lé byi râ nghû, Hkalade byu pê é Ura wà mai nang lé shuî htoq lo é Sû, haû Yhûmsîng Garai nghut lhê.” ga taî ri.
8Nghut kôlhang, Abram gi, “Ahko Ahkáng lhúnglháng wó sû Yhûmsîng Garai ê, maumyî haú lé ngò sing yù râ nghut lhê nghû, ngò hkâsu wó sé râ lhú?” ga myî ri.
9Haû mù, haû Yhûmsîng Garai gi, yhang lé, “Sum zân zân bo é no-pyá radu, bainám zîng zo radu eq saulo zo radu lé le, nghoqmyhû radu eq hpûngkyui radu lé le, Ngá chyáng yu lé aq.” ga taî ri.
10Abram gi, haú pé bànshoq yu lé mù, í hkyam byak byak hkoq luî, rashut rahkyam hkyam kut mù tô yán tô ri; nghoq lé kúm gi, í hkyam kut a hkoq nghut ri. 11Langda pé gi, màng haú pê htoq má dâng gyó lé lo ri; nghut kôlhang, Abram gi, lhom hkat pyâm ri.
12Buì wang ló nyi é u lé, Abram gi, yhup mó myí byùq ri; haú hkûn, gyùq chiq nhô zâ é, tîng tîng nòq é mauchut gi, yhang lé nghop pyâm ri. 13Haú hkûn, haû Yhûmsîng Garai gi, Abram lé, “Shí hkyô sê to aq: náng é awùt ashín pé gi, yhûmsing é mau a nghut é jang má byù bíng dùt kôrâ nghut mù, yhángmòq gi, myi shô zàn yhang, jùn dut é eq rhoî zô é hui kôrâ nghut lhê. 14Nghut kôlhang, Ngò gi, yhángmòq lé lhom jùn zô é a-myû haú lé, mhoqshit râ nghut luî, yhángmòq gi, sùtzè mó eq htoq lô kôrâ nghut lhê. 15Nàng kúm gi, náng é îchyí îwâ pê chyáng nguì ngón é èq ló râ nghut mù, u hpyû zuì nè shoq nyì luî, myhup yhûm kat é hui râ nghut lhê. 16Náng é awùt ashín pé gi, byùxik myi xik nghut jáng shèq, shî má dum taû lò kôrâ nghut lhê; hkâsu mù gâ le, Amori byu pê é yubàk mara gi, laké a byíng shi nghut ri.” ga taî ri.
17Buì wàng mù, mauchut byùq é hkun, myihkau htoq é myi au eq myi duq é myihu gi, sho hkyam gyoro mai laî ló ri. 18-21Haú nyí má, haû Yhûmsîng Garai, Abram eq dangshikaq tô é gi, “Keni byù, Kenizi byù, Katmoni byù, Hiti byù, Perizi byù, Rehpim byù, Amori byù, Hkanan byù, Girigashi byù, Yebusi byu pé nyi é mau nghut é, Egutuq mau mâ é Wuìlàng mai Uhprat gâ é Wuìlàng mó jé shoq é maumyî shî lé, Ngò, náng é awùt ashîn pé lé byi râ nghut lhê.” gâ ri.
Селектирано:
A-pûn Awang 15: znot
Нагласи
Сподели
Копирај
Дали сакаш да ги зачуваш Нагласувањата на сите твои уреди? Пријави се или најави се
© 2025, Wycliffe Bible Translators, Inc.
A-pûn Awang 15
15
Garai Gasang, Abram Eq Dangshikaq Tô É Hkyô
1Shí hkyô dùt é htâng má, haû Yhûmsîng Garaî é mungdang gi, Abram chyáng shing-rán dông jé mù,
“Abram ê, hkâgyùq.
Ngò gi, náng é gòlong#15:1 Gòlong lé, ahko ahkáng lhúnglháng wó Sû le wó gâ lhê. nghut lhê;
Nàng gi, chyûnghuq mó wó yû#15:1 Chyûnghuq mó wó yû gâ é lé, Ngò gi, náng é chyûnghuq mó nghut lhê ga le wó taî lhê. râ nghut lhê.” ga taî ri.
2Nghut kôlhang, Abram gi, “Ahko Ahkáng lhúnglháng wó Sû Yhûmsîng Garai ê, ngò gi, zo wó sû yuq a nghut le nhîng, Nàng, ngo lé haî wá byi râ lhú? Ngá é i-kun hkûngxoq râ sû gi, Damasikuq wà mâ é Eli-ezera nghut lhê, a nghut lhú?” ga taî ri. 3Hau htâng, Abram gi, “Nàng, ngo lé zoshâng a byi nghut ri; haû mù, ngá é yhûm mâ é duìnhâng zoshâng rayùq gi, ngá é muìzè sîng sû dùt râ nghut lhê.” ga xoq taî ri.
4Haú hkûn, haû Yhûmsîng Garaî é mungdang yhâng chyáng jé é gi, “Haú yùq gi, náng é muìzè sîng sû dùt râ a nghut; náng é gùng mai gyó é yùqzo yhang shèq, náng é muìzè sîng sû dùt râ nghut lhê.” gâ ri. 5Yhang gi, Abram lé shinggan shut shuî htoq ê mù, “Mauhkûng shut tu wú mù, nàng wó nghap é nghut jáng, kyî pé lé nghap aq; náng é awùt ashín pé gi, haû eq rajung za myo râ nghut lhê.” ga taî ri.
6Abram gi, haû Yhûmsîng Garai lé lùmjíng é nghut mù, haû Yhûmsîng Garai gi, yhang lé díngmán sû ga són byi bê nghut ri.
7Xoq luî, Yhang gi, Abram lé, “Ngò gi, maumyî shí lé nàng sing yù râ matú, nang lé byi râ nghû, Hkalade byu pê é Ura wà mai nang lé shuî htoq lo é Sû, haû Yhûmsîng Garai nghut lhê.” ga taî ri.
8Nghut kôlhang, Abram gi, “Ahko Ahkáng lhúnglháng wó sû Yhûmsîng Garai ê, maumyî haú lé ngò sing yù râ nghut lhê nghû, ngò hkâsu wó sé râ lhú?” ga myî ri.
9Haû mù, haû Yhûmsîng Garai gi, yhang lé, “Sum zân zân bo é no-pyá radu, bainám zîng zo radu eq saulo zo radu lé le, nghoqmyhû radu eq hpûngkyui radu lé le, Ngá chyáng yu lé aq.” ga taî ri.
10Abram gi, haú pé bànshoq yu lé mù, í hkyam byak byak hkoq luî, rashut rahkyam hkyam kut mù tô yán tô ri; nghoq lé kúm gi, í hkyam kut a hkoq nghut ri. 11Langda pé gi, màng haú pê htoq má dâng gyó lé lo ri; nghut kôlhang, Abram gi, lhom hkat pyâm ri.
12Buì wang ló nyi é u lé, Abram gi, yhup mó myí byùq ri; haú hkûn, gyùq chiq nhô zâ é, tîng tîng nòq é mauchut gi, yhang lé nghop pyâm ri. 13Haú hkûn, haû Yhûmsîng Garai gi, Abram lé, “Shí hkyô sê to aq: náng é awùt ashín pé gi, yhûmsing é mau a nghut é jang má byù bíng dùt kôrâ nghut mù, yhángmòq gi, myi shô zàn yhang, jùn dut é eq rhoî zô é hui kôrâ nghut lhê. 14Nghut kôlhang, Ngò gi, yhángmòq lé lhom jùn zô é a-myû haú lé, mhoqshit râ nghut luî, yhángmòq gi, sùtzè mó eq htoq lô kôrâ nghut lhê. 15Nàng kúm gi, náng é îchyí îwâ pê chyáng nguì ngón é èq ló râ nghut mù, u hpyû zuì nè shoq nyì luî, myhup yhûm kat é hui râ nghut lhê. 16Náng é awùt ashín pé gi, byùxik myi xik nghut jáng shèq, shî má dum taû lò kôrâ nghut lhê; hkâsu mù gâ le, Amori byu pê é yubàk mara gi, laké a byíng shi nghut ri.” ga taî ri.
17Buì wàng mù, mauchut byùq é hkun, myihkau htoq é myi au eq myi duq é myihu gi, sho hkyam gyoro mai laî ló ri. 18-21Haú nyí má, haû Yhûmsîng Garai, Abram eq dangshikaq tô é gi, “Keni byù, Kenizi byù, Katmoni byù, Hiti byù, Perizi byù, Rehpim byù, Amori byù, Hkanan byù, Girigashi byù, Yebusi byu pé nyi é mau nghut é, Egutuq mau mâ é Wuìlàng mai Uhprat gâ é Wuìlàng mó jé shoq é maumyî shî lé, Ngò, náng é awùt ashîn pé lé byi râ nghut lhê.” gâ ri.
Селектирано:
:
Нагласи
Сподели
Копирај
Дали сакаш да ги зачуваш Нагласувањата на сите твои уреди? Пријави се или најави се
© 2025, Wycliffe Bible Translators, Inc.