A-pûn Awang 13
13
Abram Eq Lot Gâng Lhûm É Hkyô
1Haû mù, Abram gi, yhâng é yhûmsîng myhí le, yhang wó é lhúnglháng le kut mù, Egutuq mai Maupyî Mau shut dòq ló ri; Lot le, yhang eq rahá bo dòq ló bê nghut ri. 2Abram gi, shigu gaunyhaú le, ngùn hîng le gyai wó sû dùt byùq bê nghut ri.
3Maupyî Mau mai, yhang gi, rawò mai rawò htòt dòq ló luî, Behtela mau má, yhang, zúm saî wú jang nghut é, Behtela eq Ai wà mó gyoro má dòq jé ló bê nghut ri. 4Jowò haû gi, yhang, sânghî dàm kaúgyàp saî é jang nghut ri. Haú má, Abram gi, haû Yhûmsîng Garaî é myìng lé lâng ri.
5Haû Abram eq bo htòt jón wún é Lot le, sau pé, bainám pé, no myang pé eq zúm pé wó ri. 6Nghut kôlhang, yhángmòq rahá chôm nyi le, jowò haû a ngô byùq lo nghut ri. Hkâsu mù gâ le, yhángmòq é sùtzè lûm myo kô é nghut mù, rahá a wó chôm nyì lo kó nghut ri. 7Haû mù, Abram é shigu zúng bang eq Lot é shigu zúng bang byòq lhûm lo akô nghut ri. Haú hkûn lé, Hkanan byu pé eq Perizi byu pé le, maumyî haú má nyi tô akô nghut ri.
8Haû mù, Abram gi, Lot lé, “Ngáhpe gi, gu-mang nghut é yánmai, nàng eq ngáhpê é gyoro má le, náng é shigu zúng bang eq ngá é shigu zúng bâng é gyoro má le, byòq lhûm é hkyô haî a bò sháng. 9Ra-mau gón gi, náng é hí má nghut nyi lhê a nghut lhú? Gótû tû kut nyì gòq. Nàng, lòqpai shut e ló é nghut jáng, ngò, lòqyò shut ê râ; nàng, lòqyò shut e ló é nghut jáng, ngò, lòqpai shut e ló râ nghut lhê.” ga taî ri.
10Lot wú kat le, Yodan làng yàm jang dâm pá gón mai Zora jé shoq gi, wuì rago bâm tô é nghut mù, haû Yhûmsîng Garaî é hkyâm su le, Egutuq mîng é maumyî su le dùt tô é lé myang ri. (Haû gi, Sodom wà mó eq Gomora wà mó lé, Yhûmsîng Garaî èq a lhoqhtên pyám shî é hkûn nghut ri.) 11Haû mù, Lot gi, Yodan làng yàm jang dâm pá gón lé hkyin yù mù, buìhtoq hkyam shut htoq é ló bê nghut ri. Yhánghpe gi, gâng lhum bekô nghut ri. 12Abram gi, Hkanan mau má nyi tô ri; haú u, Lot gi, jang dâm pá mâ é wà mó pé má bo nyi tô é nghut mù, Sodom wà mó nàm má, yhâng é zúm pé saî tô ri. 13Haû Sodom wà mó byu pé gi, ashop kô é nghut mù, haû Yhûmsîng Garaî é hí má mara mó kut shut nyi bum akô nghut ri.
14Haû Yhûmsîng Garai gi, Abram chyáng mai Lot gâng ló byùq é htâng, Abram lé, “Haû nàng nyi tô é jang mai, buìhtoq buìwàng maupyî mautsûng shut tu wú kat àq. 15Nàng byu myang é maumyî haû bànshoq lé, Ngò, nàng eq náng é a-myû hkûngxoq lé#13:15 Náng é a-myû hkûngxoq lé gâ é lé, náng é a-myui le wó nghu lhê. Bunzo 16 mâ é le rajung za nghut lhê. ahtum abyùq byi râ nghut lhê. 16Ngò gi, náng é a-myû hkûngxoq lé, myìdàm htoq mâ é hpuílhup su dùt shoq lhoqmyo byi râ nghut lhê; haú hkûn, hpuílhup lé wó nghap é sû nyi é nghut le gi, náng é a-myû hkûngxoq lé le wó nghap râ nghut lhê. 17Toq mù, maumyî haú mâ é hîng hpyang làm hpyang ê sô ròt àq; hkâsu mù gâ le, Ngò gi, nang lé, maumyî haû byî lhê.” ga taî ri.
18Haû mù, Abram gi, yhâng é zúm pé lé htòt chûng mù, Hebron wa é, Mamre gâ é jowò mâ é wàqmyòq gàm mó pê é nàm má ló htòt nyi ri; yhang gi, jowò haú má, haû Yhûmsîng Garaî é matú kaúgyàp ralhum saí bê nghut ri.
Селектирано:
A-pûn Awang 13: znot
Нагласи
Сподели
Копирај
Дали сакаш да ги зачуваш Нагласувањата на сите твои уреди? Пријави се или најави се
© 2025, Wycliffe Bible Translators, Inc.
A-pûn Awang 13
13
Abram Eq Lot Gâng Lhûm É Hkyô
1Haû mù, Abram gi, yhâng é yhûmsîng myhí le, yhang wó é lhúnglháng le kut mù, Egutuq mai Maupyî Mau shut dòq ló ri; Lot le, yhang eq rahá bo dòq ló bê nghut ri. 2Abram gi, shigu gaunyhaú le, ngùn hîng le gyai wó sû dùt byùq bê nghut ri.
3Maupyî Mau mai, yhang gi, rawò mai rawò htòt dòq ló luî, Behtela mau má, yhang, zúm saî wú jang nghut é, Behtela eq Ai wà mó gyoro má dòq jé ló bê nghut ri. 4Jowò haû gi, yhang, sânghî dàm kaúgyàp saî é jang nghut ri. Haú má, Abram gi, haû Yhûmsîng Garaî é myìng lé lâng ri.
5Haû Abram eq bo htòt jón wún é Lot le, sau pé, bainám pé, no myang pé eq zúm pé wó ri. 6Nghut kôlhang, yhángmòq rahá chôm nyi le, jowò haû a ngô byùq lo nghut ri. Hkâsu mù gâ le, yhángmòq é sùtzè lûm myo kô é nghut mù, rahá a wó chôm nyì lo kó nghut ri. 7Haû mù, Abram é shigu zúng bang eq Lot é shigu zúng bang byòq lhûm lo akô nghut ri. Haú hkûn lé, Hkanan byu pé eq Perizi byu pé le, maumyî haú má nyi tô akô nghut ri.
8Haû mù, Abram gi, Lot lé, “Ngáhpe gi, gu-mang nghut é yánmai, nàng eq ngáhpê é gyoro má le, náng é shigu zúng bang eq ngá é shigu zúng bâng é gyoro má le, byòq lhûm é hkyô haî a bò sháng. 9Ra-mau gón gi, náng é hí má nghut nyi lhê a nghut lhú? Gótû tû kut nyì gòq. Nàng, lòqpai shut e ló é nghut jáng, ngò, lòqyò shut ê râ; nàng, lòqyò shut e ló é nghut jáng, ngò, lòqpai shut e ló râ nghut lhê.” ga taî ri.
10Lot wú kat le, Yodan làng yàm jang dâm pá gón mai Zora jé shoq gi, wuì rago bâm tô é nghut mù, haû Yhûmsîng Garaî é hkyâm su le, Egutuq mîng é maumyî su le dùt tô é lé myang ri. (Haû gi, Sodom wà mó eq Gomora wà mó lé, Yhûmsîng Garaî èq a lhoqhtên pyám shî é hkûn nghut ri.) 11Haû mù, Lot gi, Yodan làng yàm jang dâm pá gón lé hkyin yù mù, buìhtoq hkyam shut htoq é ló bê nghut ri. Yhánghpe gi, gâng lhum bekô nghut ri. 12Abram gi, Hkanan mau má nyi tô ri; haú u, Lot gi, jang dâm pá mâ é wà mó pé má bo nyi tô é nghut mù, Sodom wà mó nàm má, yhâng é zúm pé saî tô ri. 13Haû Sodom wà mó byu pé gi, ashop kô é nghut mù, haû Yhûmsîng Garaî é hí má mara mó kut shut nyi bum akô nghut ri.
14Haû Yhûmsîng Garai gi, Abram chyáng mai Lot gâng ló byùq é htâng, Abram lé, “Haû nàng nyi tô é jang mai, buìhtoq buìwàng maupyî mautsûng shut tu wú kat àq. 15Nàng byu myang é maumyî haû bànshoq lé, Ngò, nàng eq náng é a-myû hkûngxoq lé#13:15 Náng é a-myû hkûngxoq lé gâ é lé, náng é a-myui le wó nghu lhê. Bunzo 16 mâ é le rajung za nghut lhê. ahtum abyùq byi râ nghut lhê. 16Ngò gi, náng é a-myû hkûngxoq lé, myìdàm htoq mâ é hpuílhup su dùt shoq lhoqmyo byi râ nghut lhê; haú hkûn, hpuílhup lé wó nghap é sû nyi é nghut le gi, náng é a-myû hkûngxoq lé le wó nghap râ nghut lhê. 17Toq mù, maumyî haú mâ é hîng hpyang làm hpyang ê sô ròt àq; hkâsu mù gâ le, Ngò gi, nang lé, maumyî haû byî lhê.” ga taî ri.
18Haû mù, Abram gi, yhâng é zúm pé lé htòt chûng mù, Hebron wa é, Mamre gâ é jowò mâ é wàqmyòq gàm mó pê é nàm má ló htòt nyi ri; yhang gi, jowò haú má, haû Yhûmsîng Garaî é matú kaúgyàp ralhum saí bê nghut ri.
Селектирано:
:
Нагласи
Сподели
Копирај
Дали сакаш да ги зачуваш Нагласувањата на сите твои уреди? Пријави се или најави се
© 2025, Wycliffe Bible Translators, Inc.