SALMOS 97
97
1Nak X̱anžon' Benne' Wnná Bia' Ẕen.
¡Le yebele, ḻe'e zoale yežlyó!
¡Le yebele, ḻe'e zoale žoa'a nisdo'!
2Zej nyechjle bejw, na' da' choḻ Ḻe'.
Ḻo da' naken dot da' li, na' da' chawe' ẕnna bi'e.
3Ẕnežw yi' gan žeje' Ḻe',
da' wzeyen benne' ka' bi ẕḻé'egekle' Ḻe' chawe'.
4Yes wzió' chie' ka' žsa'ní'gaken yežlyó.
Yežlyó nga ẕḻe'elen, na' žẕon'.
5Želángak ya'a ka' ka china' bez ḻaw X̱anžon',
ḻaw X̱angak benne' ka' nníta'gake' dot yežlyó nga.
6Ẕḻoe'e ḻaw ya'abá da' chawe' chie',
na' benne' yógo'te yež ẕḻé'egekle' yeḻa' ẕen chie'.
7Yedoé'egekle benne' ka' ẕka'n ẕéngake' lo'a ka',
benne' ka' ẕka'n ẕen kwíngake' ni'a chegak lo'a ka' chégake'.
Yógo'te dios chegak benne' ka' wzóa ẕíbgaken ḻaw X̱anžo Dios.
8Béngekle benne' ka' nníta'gake' yež Sión, na' bebégekle'.
Bebégekle benne' ka' nníta'gake' yežlyó Judá,
ni'a che da' bchi'a ḻažo'o Le', X̱anto' Dios.
9Ẕente nako' Le', X̱anto' Dios, ḻawle dot yežlyó.
Ẕenže nako' Le' ka yógo'te dios chegak benách ka'.
10Nol-le ḻe'e nží'ilele X̱anžon', le ža'a da' ẕinnj.
Ḻe' žape chi'e yeḻa' nban chegak benne' chie' ka'.
Žeslé' ḻégake' ḻo na'gak benne' wen da' ẕinnj ka'.
11Yeḻa' baní' chie' zóaḻenen benne' chawe' ka',
na' yeḻa' žebele chie' zóaḻenen benne' ḻi ḻaže' ka'.
12Le yebele ḻe'e, benne' chawe' ka', ḻaw X̱anžon'.
Le wsá' ḻaže' da' ẕen da' ben Dios,
na' le wká'n ẕen La la'y chie'.
Селектирано:
SALMOS 97: zty
Нагласи
Копирај
Спореди
Сподели
Дали сакаш да ги зачуваш Нагласувањата на сите твои уреди? Пријави се или најави се
© 2002, Wycliffe Bible Translators, Inc. All rights reserved.