SALMOS 128

128

1Ba nez ẕen naken chegak yógo'te benne' ka' žápegake' X̱anžo Dios ba' la'ne,

benne' ka' žóntezgake' kan ẕnnakze Dios.

2Kate' žawo' da' žezi'o che žin da' beno',

gak chio' yeḻa' ba nez ẕen, na' gak chawe' chio'.

3Gak ẕo'lo' ka to lba uba da' ẕbian da' ẕix̱ kwit ližo',

na' ẕi'no' ka' gákgakbe' ka yag olibo ka' zej zen žoa'a gan žawo'.

4Ki gon chawe' X̱anžon' bennen' žape' Ḻe' ba la'ne.

5Ẕnnabla' X̱anžon', Bennen' zoe' Ya'a Sión, gon chawe'e le',

nich ḻe'elo' gak chawe' che yež Jerusalén yógo'te ža so' nbano',

6na' nich ḻe'elo' ẕa'só' ka'.

Ẕnnabla' Dios gone' ga gata' yeḻa' ẕga'n chawe' chegak benne' Israel ka'.

Селектирано:

SALMOS 128: zty

Нагласи

Копирај

Спореди

Сподели

Дали сакаш да ги зачуваш Нагласувањата на сите твои уреди? Пријави се или најави се

Популарни Библиски стихови од
SALMOS 128