SALMOS 122
122
1Bebéḻenla' tẕen benne' ka' góžgake' neda':
“Le cho'o ḻo yodo' che X̱anžo Dios.”
2Na'a zoažo nga.
Zežo lo'ole ze'e da' nyechjlen yež Jerusalén.
3Jerusalén naken to yež da' béngake',
na' naken x̱tanḻe'e, na' že'ḻe'en chawe'.
4Ḻo yežen' za'gak yógo'te kwe' benne' ka', benne' zej nake' che X̱anžo Dios.
We ḻáwgake' La la'y che X̱anžo Dios,
kan wnnakze' Ḻe' gongak benne' Israel ka'.
5Ẕdobgak benne' ka' ḻo yežen' nich wchi'a ḻáže'gake' benách Israel ka'
benne' ka' zej nbabe' ẕa'só Dabí, bennen' wnná bi'e.
6Le nnable Dios wka'ne' chawe' benne' Jerusalén ka'.
Ḻe' gon chawe'e benne' ka' zej nži'ile' yežen'.
7Ẕnnablto'-ne' gone' ga soa yeḻa' ẕga'n chawe' lo'ole ze'e dan' nyechjlen yež Jerusalén.
Gon chawe'e benne' ka' zej yoe'e yo'o ẕen ka' chen.
8Na'a, dan' nži'ila' bi' ljéža'do' ka', na' lježa' ka', ẕnnia':
“Gata' yeḻa' ẕga'n chawe' chele ḻo yež Jerusalén.”
9Dan' nži'ila' yodo' che X̱anžo Dios žon byena' gak chawe' chen.
Селектирано:
SALMOS 122: zty
Нагласи
Копирај
Спореди
Сподели
Дали сакаш да ги зачуваш Нагласувањата на сите твои уреди? Пријави се или најави се
© 2002, Wycliffe Bible Translators, Inc. All rights reserved.