Jonás 3
3
Nínivichö täraq nunakuna jutsata jaqiriyanqan
1Tsëpitanam Jonásta Teyta Dios yapë kënö nirqan: 2<<Nínive jatun markaman ëwar noqa ninqaqta willakï>>.
3Tsënam Teyta Dios ninqannö Nínive jatun markaman Jonás ëwarqan. Tsë markataqa kima junaqtaran pipis purir ushayaq.
4Níniviman chëkurmi Jonásqa juk junaqninpi willakur purirqan. Willakurmi nirqan: <<¡Manaraq chusku chunka (40) junaq kaptinmi kë markata Teyta Dios ushakätsinqa!>>
5Tsënö willakunqanta wiyëkurmi Nínive nunakuna creyikurnin rïcupis waktsapis lütu ratashta yakakurkur ayunayarqan.#Mat. 12.41; Luc. 11.32.
6Jonás willakunqanta wiyëkurmi Nínivichö reypis lütu ratashta yakakurir uchpaman tëkur Teyta Diosta mañakurqan. 7Tsëpitanam Nínive nunakuna ayunayänanpaq autoridäninkunawan kënö willakatsiyarqan: <<Pipis ama mikuyätsuntsu ni yakutapis ama upuyätsuntsu. Wätankunatapis ama qarayätsuntsu ni yakutapis ama uputsiyätsuntsu. 8Sinöqa llapan nunakunapis lütu ratashta yakakurkur llapan shonqunkunawan Teyta Diosta mañakuyätsun. Tsënölla jutsa rurëta y wanutsinakïta jaqirir allina kawakuyätsun. 9Tsënö rurashqaqa capazchi Teyta Dios ankupämarnintsik ushakätsimäshunnatsu>>.
10Nínive nunakuna jutsa rurayashqanta jaqiriyaptinmi ushakätsinanpaq willakatsishqa këkarpis Teyta Dios ushakätsirqannatsu.
Селектирано:
Jonás 3: qwhB
Нагласи
Копирај
Спореди
Сподели
Дали сакаш да ги зачуваш Нагласувањата на сите твои уреди? Пријави се или најави се
© 2018, Wycliffe Bible Translators, Inc. All rights reserved.
Jonás 3
3
Nínivichö täraq nunakuna jutsata jaqiriyanqan
1Tsëpitanam Jonásta Teyta Dios yapë kënö nirqan: 2<<Nínive jatun markaman ëwar noqa ninqaqta willakï>>.
3Tsënam Teyta Dios ninqannö Nínive jatun markaman Jonás ëwarqan. Tsë markataqa kima junaqtaran pipis purir ushayaq.
4Níniviman chëkurmi Jonásqa juk junaqninpi willakur purirqan. Willakurmi nirqan: <<¡Manaraq chusku chunka (40) junaq kaptinmi kë markata Teyta Dios ushakätsinqa!>>
5Tsënö willakunqanta wiyëkurmi Nínive nunakuna creyikurnin rïcupis waktsapis lütu ratashta yakakurkur ayunayarqan.#Mat. 12.41; Luc. 11.32.
6Jonás willakunqanta wiyëkurmi Nínivichö reypis lütu ratashta yakakurir uchpaman tëkur Teyta Diosta mañakurqan. 7Tsëpitanam Nínive nunakuna ayunayänanpaq autoridäninkunawan kënö willakatsiyarqan: <<Pipis ama mikuyätsuntsu ni yakutapis ama upuyätsuntsu. Wätankunatapis ama qarayätsuntsu ni yakutapis ama uputsiyätsuntsu. 8Sinöqa llapan nunakunapis lütu ratashta yakakurkur llapan shonqunkunawan Teyta Diosta mañakuyätsun. Tsënölla jutsa rurëta y wanutsinakïta jaqirir allina kawakuyätsun. 9Tsënö rurashqaqa capazchi Teyta Dios ankupämarnintsik ushakätsimäshunnatsu>>.
10Nínive nunakuna jutsa rurayashqanta jaqiriyaptinmi ushakätsinanpaq willakatsishqa këkarpis Teyta Dios ushakätsirqannatsu.
Селектирано:
:
Нагласи
Копирај
Спореди
Сподели
Дали сакаш да ги зачуваш Нагласувањата на сите твои уреди? Пријави се или најави се
© 2018, Wycliffe Bible Translators, Inc. All rights reserved.