Romanos Kjibokwo ëre sorë
Kjibokwo ëre sorë
Domer shäng kjl̈ara ko Pablo. E Sbö tjl̈õkwo l̈aga Jesús ãska wl̈eniyo. Eshkoshko ga Jesús tjl̈õkwo kjragaga l̈öng Roma kjokyo ara. Epga ara judío l̇l̇ëm wl̈eniyo, gueniyo kjone kjone judío. Judíoga l̈i wotjl̈ĩno ga epga kjrara Sbörë bäm go kjĩshko ga epga tjwl̈õ ara, nopga judío l̇l̇ëm wl̈eniyo l̈i kjinmo. Eni ga Pablo jek woydë ba ĩk jl̈õkoyo, gueniyo dbar jek eshko wl̈o wl̈ẽyde l̇l̇ëm obi. Eni ga kjibokwo ëre tara ba kong, l̇l̇ëbo l̈i l̇l̇gweya wl̈o, l̇l̇ëbo shäryara Jesucristorë ba kong l̈i miyde pjl̈ú wl̈o bakoe. Woyotjl̈ĩkoba ga kjibokwo ëre tara, sök no shdũzl̈ong uyo roshko Corinto kjokyo l̈ishko.
Roma kjokyo ga judíoga l̈i wotjl̈ĩno ga epga äär ber pjl̈o bek Sbö bokso, kjok l̇l̇gwekkl̈o tara Moisésdë l̈i söya bëy kjĩshko, gueniyo kjibokwo ëre go ga l̇l̇ëbo pina Pablorë ba kong ara. Judíoga, nopga judío l̇l̇ëm wl̈eniyo, e tjwl̈õ bek Sbö bokso. Nopga uunkong l̇l̇ëbo owa shäryono, ga beno l̈öng shdũya Sbörë wl̈o. Gueniyo ëye mär Jesús go ga ie Sbörë ber pjl̈o bek ba bokso, ga ber shdungko ame. Shärye eni nopga uunkong kong, judíoga kong, nopga judío l̇l̇ëm wl̈eniyo kong bakoe. Kjibokwo ëre go ga l̇l̇ëbo ëre pina ba kong eni.
Селектирано:
Romanos Kjibokwo ëre sorë: tfr
Нагласи
Копирај
Спореди
Сподели
Дали сакаш да ги зачуваш Нагласувањата на сите твои уреди? Пријави се или најави се
© 2008, Wycliffe Bible Translators, Inc. All rights reserved.