Mak 9
9
1Jisọs ama osuk aka iso ọdọhọ mbet Esie ete, “Ndusuk mbufo emi ededa mi idahaemi eyedu uwem ekut nte Obio Ubọñ Abasi edidide ye ọyọhọ odudu.”
2Ke usen itiokiet ema ekebe Jisọs ama ada Pita, Jems ye Jọn ọdọk aka enyọñ ñkoñkoñ obot, ebiet emi mmọ ekedude ikpọñ. Do, Enye ama ọkpuhọrede mbiet Esie ke iso mmọ. 3Ndien ọfọñidem Esie esem onyuñ afia eti eti onyuñ eye akan nte ubọk owo ndomokiet ke isọñ ekpeyetde. 4Ntem ke Elaiya ye Moses ekebiọñọrede enyuñ etọñọ nditiñ ikọ ye Jisọs.
5Pita ama ọdọhọ Jisọs ete, Andikpep, “Ọfọn ñnyin ndidu mi. Ñnyin iyebọp atayat ita mi, kiet enyene Fi, kiet enyene Moses, kiet onyuñ enyene Elaiya.”
6Enye ikọfiọkke se ekpetiñde koro ndik ama anam mmọ ata eti eti. 7Edi ke adañaemi enye osuk akade iso etiñ mme ikọ emi, obubit enyọñ ama ofuk mmọ, ndien uyo oto ke obubit ikpa enyọñ etiñ ọdọhọ ete, “Emi edi edima Eyen Mi. Ekpañ utọñ enọ Enye.”
8Ndien idaha oro mmọ ema ese ekanade, edi ikekwe baba owo ndomokiet ibọhọke Jisọs ikpọñ ọkọsuhọ ye mmọ.
9Nte mmọ ekesuhọrede ke obot, Jisọs ama oduri mmọ utọñ ete ekutiñ se mmọ ekekutde enọ owo ndomokiet tutu ekem ini emi Eyen owo edisetde ke ñkpa. 10Ntre ke mmọ ekemum Enye ekama — ke esit mmọ, edi ema eneme ke otu mmọ ebaña se ediset ke ñkpa emi Enye eketiñde abaña ọwọrọde.
11Mmọ ema ebup Enye ete, “Ntaha mme andikpep ibet edọhọde ete ke Elaiya enyene ndibem iso ndi, mbemiso Andinyaña edi-e?” 12Jisọs ama ọbọrọ mmọ ete. “Elaiya enyene ndibem iso ndi ke akpanikọ, ñnyuñ nditim kpukpru ñkpọ nnim. Edi nsidi ntak emi ewetde ete ke Eyen Owo enyene ndibọ ndodobi ufen, mme owo enyuñ esin Enye-e? 13Edi ntiñ nnọ mbufo nte ke Elaiya ededi, ndien mme owo ema enam ye enye kpukpru se mmọ ekemade, asaña ekekem nte Ñwed Abasi eketiñde abaña Enye.”
14Ke mmọ ema ekedisim mme mbet eken, mmọ ema ekut akamba otu owo ekanarede mbet usukkiet eken ekuk ye nte ndusuk mme andikpep ibet enenide eneni ye mmọ. 15Otu owo ese Jisọs ke ñkpaidem ke ini Enye akasañade ekpere mmọ ndien ntem ke mmọ ekefeñe ekekọm Enye. 16Jisọs ama obup mmọ ete, “Mbufo eneni eneni ye mmọ ebaña nso?”
17Owo kiet ke otu oro ama ọbọrọ ete, “Andikpep, ñkada eyen mi eren ndi emi ndedehe spirit omumde, anam enye ikemeke nditiñ ikọ. 18Mma mbeñe mme mbet Fo nte ebin enye ndedehe spirit oro esio, edi mmọ ikekemeke.”
19Jisọs ama ọdọhọ mbet Esie ete, “O! Emana unana mbuọtidem, adaña didie ke ndifiak ndu ye mbufo, ndien mbufo enim Mi ke akpanikọ! Adaña didie ke ndinyene ime ye mbufo! Emen ekpri eyen eren oro esọk Mi.”
20Ntre mmọ ema eda eyen oro esọk Jisọs, ndien ke adañaemi enye okokutde Jisọs, ndedehe spirit oro ama atuak eyen oro ke idem ata ọkpọsọñ ọkpọsọñ, ndien enye ama ọduọ ke isọñ amiañare onyuñ ọkọk efot ke inua.
21Jisọs ama obup ete eyen oro ete, “Ebighi adaña didie tọñọ ñkpọ emi ọkọtọñọ ndinam enye ntem?” Ndien enye ama ọbọrọ ete, “tọñọ ke ini emi enye ekedide ata ekpri eyen. 22Kpukpru ini ndedehe spirit emi esinam enye ọduọ oduk ikañ mme mmọñ man owot enye. Tua ñnyin mbọm nyuñ nam ñkpọ ndiñwam ñnyin edieke Afo ekemede.”
23Jisọs ama ọdọhọ ete, “Edieke ekemede? Ñkpọ kiet ekededi ekeme nditibe nnọ owo ekededi emi enyenede mbuọtidem.”
24Ete esie idaha oro ama ọbọrọ ete, “Ami mmenyene mbuọtidem, O ñwam mi man ñnyene mbuọtidem emi okponde akan emi.”
25Ke ini Jisọs okokutde nte otu owo ekade iso nditọt, Enye ama asua ọnọ ndedehe spirit oro, onyuñ ọdọhọ ete, “Afo spirit imum ye inan, mmowuk fi nte wọrọ kpọñ eyen emi, ndien kuduk enye idem aba.”
26Ntem ke idiọk spirit oro akaduari ata ọkpọsọñ onyuñ osio enye ọduọk ndien ọwọrọ ọkpọñ enye, ndien eyen oro ana do suñ-ñ inyuñ isioroke uyo, ke enyin kpukpru owo eketie nte enye akpa, kpa nte mmọ eketiñde. 27Edi Jisọs ama omum enye ke ubọk onyuñ añwam enye ndineñede nda ke ikpat esie mbiba, enye ama eneñede ada. 28Ke Jisọs ama okoduk esit ufọk, mme mbet Esie ema ebup Enye ete “Nsidi ntak emi ñnyin mikekemeke ndibin ndedehe spirit oro nsio?”
29Jisọs ama ọbọrọ ete, mme utọ ñkpọ ntem oyom akam ye utreudia.
30Mmọ ema ekpọñ ñkañ oro, enyuñ esaña ebe ke Kalili. Jisọs ikeyomke owo ndomokiet ọfiọk ebiet emi mmọ ekedude. 31Koro Enye ekekpepde mbet Esie ete, “Eyesana Eyen Owo eyak esin mme owo ke ubọk, mmọ eyewot Enye, ndien ke ọyọhọ usen ita, Enye eyeset ke ñkpa onyuñ odu uwem.”
32Ikọ oro ikeñwañake mmọ, edi mmọ ema ekop ndik ndibup Enye se ikọ Esie ọwọrọde.
33Mmọ ema edisim Kapanọm. Ke ini Enye okodude ke esit ufọk, Enye ama obup mmọ ete, “Nso ke mbufo ekeneni ke usuñ ebabaña?”
34Edi but ama anam mmọ ndibọrọ Enye, koro mmọ ekenenide ebaña Enye emi okponde akan ke otu mmọ.
35Enye ama ọsuhọde etetie ndien okot mmọ esaña ekpere, onyuñ ọdọhọ mmọ ete, “Enye emi oyomde ndidi andikpon ñkan enyene ndidi andikpri ñkan, asañutom kpukpru owo.”
36Ntem ke Enye okosio ekpri eyenọwọñ enim ke ufọt mmọ, ndien Enye omum eyen oro ke ubọk akama, onyuñ ọdọhọ mmọ ete, 37“Owo ekededi emi edidarade ekpri eyenọwọñ ntem ke enyiñ Mi adara Mi, ndien owo eke adarade Mi adara Ete Mi emi ọkọdọñde Mi.”
38Kiet ke otu mbet Esie, Jọn, ama ọdọhọ Enye usen kiet ete, “Andikpep ñnyin ima ikut nte owo adade enyiñ Fo ebin mme ndedehe spirit edi ñnyin ima idọhọ enye ite okunam, koro enye midighe kiet ke otu ñka ñnyin.”
39Jisọs ama ọdọhọ mmọ ete, “Ekukpan enye, koro iduhọ baba owo kiet emi anamde mme utibe ñkpọ ke enyiñ Mi, emi ekemede ndisọp ntiñ idiọk ikọ ndian Mi. 40Koro owo emi mibiọñọke ñnyin ada ye ñnyin. 41Koro owo ekededi emi edinọde mbufo kọb mmọñ kiet eñwọñ koro mbufo edide eke Kraist iditreke ndibọ utib. Ntiñ emi ke ata ofuri akpanikọ nte ke enye iditreke ndibọ utib esie.” 42Edi, edieke owo edinamde kiet ke otu ñkpri nditọ emi, emi ebuọtde idem ye Ami eduọk mbuọtidem, ọkpọfọn ye enye akan edieke ekpedade akwa itiat ukọkñkpọ ebọp eyiri enye ke itọñ enyuñ etop enye esin ke inyañ.
43Edieke ubọk fo anamde fi anam idiọkñkpọ, sibe enye fep; ọfọn afo ndiduk ke uwem ye ndo akan afo ndinyene ubọk ke itie ikañ ndutuhọ, ebiet emi ikañ minyeneke ndinime. 44Do, mme utuñ mmọ inyeneke edikpaña, ikañ inyuñ inimeke. 45Onyuñ edieke edide ukot fo esin fi anam idiọkñkpọ, sibe enye fep, ọfọn afo ndidi mbuñọ nduk ke uwem akan ndinyene ukot mbiba ndien eduọk fi ke itie ndutuhọ. 46Do, mme utuñ mmọ idikpañake, owo idinyuñ inimeke ikañ.
47“Onyuñ edieke enyin fo esinde fi anam idiọk, wubede enye duọk. Ọfọn afo ndiduk ke Obio Ubọñ Abasi ye enyin kiet akan ndinyene enyin mbiba ndien etop fi eduọk ke itie ndutuhọ (hell), 48ebiet emi utuñ mikemeke ndikpa ndien ikañ ikemeke ndinime. 49Ebiet emi edidade ikañ enam ñnyin isana kpa nte edade inuñ enam unam uwa asana.
50Inuñ edi eti ñkpọ, edi edieke enye ọduọkde inem esie, edikeme didie nditọñọ ntak nnam enye enyene inem? Enyene inuñ ke otu mbufo, enyuñ edu ke emem ye kiet eken.”
Селектирано:
Mak 9: OOÑE
Нагласи
Сподели
Копирај
Дали сакаш да ги зачуваш Нагласувањата на сите твои уреди? Пријави се или најави се
Biblica® Open Efik Living New Testament™
Copyright © 1995 by Biblica, Inc.
“Biblica” is a trademark registered in the United States Patent and Trademark Office by Biblica, Inc. Used with permission.
Mak 9
9
1Jisọs ama osuk aka iso ọdọhọ mbet Esie ete, “Ndusuk mbufo emi ededa mi idahaemi eyedu uwem ekut nte Obio Ubọñ Abasi edidide ye ọyọhọ odudu.”
2Ke usen itiokiet ema ekebe Jisọs ama ada Pita, Jems ye Jọn ọdọk aka enyọñ ñkoñkoñ obot, ebiet emi mmọ ekedude ikpọñ. Do, Enye ama ọkpuhọrede mbiet Esie ke iso mmọ. 3Ndien ọfọñidem Esie esem onyuñ afia eti eti onyuñ eye akan nte ubọk owo ndomokiet ke isọñ ekpeyetde. 4Ntem ke Elaiya ye Moses ekebiọñọrede enyuñ etọñọ nditiñ ikọ ye Jisọs.
5Pita ama ọdọhọ Jisọs ete, Andikpep, “Ọfọn ñnyin ndidu mi. Ñnyin iyebọp atayat ita mi, kiet enyene Fi, kiet enyene Moses, kiet onyuñ enyene Elaiya.”
6Enye ikọfiọkke se ekpetiñde koro ndik ama anam mmọ ata eti eti. 7Edi ke adañaemi enye osuk akade iso etiñ mme ikọ emi, obubit enyọñ ama ofuk mmọ, ndien uyo oto ke obubit ikpa enyọñ etiñ ọdọhọ ete, “Emi edi edima Eyen Mi. Ekpañ utọñ enọ Enye.”
8Ndien idaha oro mmọ ema ese ekanade, edi ikekwe baba owo ndomokiet ibọhọke Jisọs ikpọñ ọkọsuhọ ye mmọ.
9Nte mmọ ekesuhọrede ke obot, Jisọs ama oduri mmọ utọñ ete ekutiñ se mmọ ekekutde enọ owo ndomokiet tutu ekem ini emi Eyen owo edisetde ke ñkpa. 10Ntre ke mmọ ekemum Enye ekama — ke esit mmọ, edi ema eneme ke otu mmọ ebaña se ediset ke ñkpa emi Enye eketiñde abaña ọwọrọde.
11Mmọ ema ebup Enye ete, “Ntaha mme andikpep ibet edọhọde ete ke Elaiya enyene ndibem iso ndi, mbemiso Andinyaña edi-e?” 12Jisọs ama ọbọrọ mmọ ete. “Elaiya enyene ndibem iso ndi ke akpanikọ, ñnyuñ nditim kpukpru ñkpọ nnim. Edi nsidi ntak emi ewetde ete ke Eyen Owo enyene ndibọ ndodobi ufen, mme owo enyuñ esin Enye-e? 13Edi ntiñ nnọ mbufo nte ke Elaiya ededi, ndien mme owo ema enam ye enye kpukpru se mmọ ekemade, asaña ekekem nte Ñwed Abasi eketiñde abaña Enye.”
14Ke mmọ ema ekedisim mme mbet eken, mmọ ema ekut akamba otu owo ekanarede mbet usukkiet eken ekuk ye nte ndusuk mme andikpep ibet enenide eneni ye mmọ. 15Otu owo ese Jisọs ke ñkpaidem ke ini Enye akasañade ekpere mmọ ndien ntem ke mmọ ekefeñe ekekọm Enye. 16Jisọs ama obup mmọ ete, “Mbufo eneni eneni ye mmọ ebaña nso?”
17Owo kiet ke otu oro ama ọbọrọ ete, “Andikpep, ñkada eyen mi eren ndi emi ndedehe spirit omumde, anam enye ikemeke nditiñ ikọ. 18Mma mbeñe mme mbet Fo nte ebin enye ndedehe spirit oro esio, edi mmọ ikekemeke.”
19Jisọs ama ọdọhọ mbet Esie ete, “O! Emana unana mbuọtidem, adaña didie ke ndifiak ndu ye mbufo, ndien mbufo enim Mi ke akpanikọ! Adaña didie ke ndinyene ime ye mbufo! Emen ekpri eyen eren oro esọk Mi.”
20Ntre mmọ ema eda eyen oro esọk Jisọs, ndien ke adañaemi enye okokutde Jisọs, ndedehe spirit oro ama atuak eyen oro ke idem ata ọkpọsọñ ọkpọsọñ, ndien enye ama ọduọ ke isọñ amiañare onyuñ ọkọk efot ke inua.
21Jisọs ama obup ete eyen oro ete, “Ebighi adaña didie tọñọ ñkpọ emi ọkọtọñọ ndinam enye ntem?” Ndien enye ama ọbọrọ ete, “tọñọ ke ini emi enye ekedide ata ekpri eyen. 22Kpukpru ini ndedehe spirit emi esinam enye ọduọ oduk ikañ mme mmọñ man owot enye. Tua ñnyin mbọm nyuñ nam ñkpọ ndiñwam ñnyin edieke Afo ekemede.”
23Jisọs ama ọdọhọ ete, “Edieke ekemede? Ñkpọ kiet ekededi ekeme nditibe nnọ owo ekededi emi enyenede mbuọtidem.”
24Ete esie idaha oro ama ọbọrọ ete, “Ami mmenyene mbuọtidem, O ñwam mi man ñnyene mbuọtidem emi okponde akan emi.”
25Ke ini Jisọs okokutde nte otu owo ekade iso nditọt, Enye ama asua ọnọ ndedehe spirit oro, onyuñ ọdọhọ ete, “Afo spirit imum ye inan, mmowuk fi nte wọrọ kpọñ eyen emi, ndien kuduk enye idem aba.”
26Ntem ke idiọk spirit oro akaduari ata ọkpọsọñ onyuñ osio enye ọduọk ndien ọwọrọ ọkpọñ enye, ndien eyen oro ana do suñ-ñ inyuñ isioroke uyo, ke enyin kpukpru owo eketie nte enye akpa, kpa nte mmọ eketiñde. 27Edi Jisọs ama omum enye ke ubọk onyuñ añwam enye ndineñede nda ke ikpat esie mbiba, enye ama eneñede ada. 28Ke Jisọs ama okoduk esit ufọk, mme mbet Esie ema ebup Enye ete “Nsidi ntak emi ñnyin mikekemeke ndibin ndedehe spirit oro nsio?”
29Jisọs ama ọbọrọ ete, mme utọ ñkpọ ntem oyom akam ye utreudia.
30Mmọ ema ekpọñ ñkañ oro, enyuñ esaña ebe ke Kalili. Jisọs ikeyomke owo ndomokiet ọfiọk ebiet emi mmọ ekedude. 31Koro Enye ekekpepde mbet Esie ete, “Eyesana Eyen Owo eyak esin mme owo ke ubọk, mmọ eyewot Enye, ndien ke ọyọhọ usen ita, Enye eyeset ke ñkpa onyuñ odu uwem.”
32Ikọ oro ikeñwañake mmọ, edi mmọ ema ekop ndik ndibup Enye se ikọ Esie ọwọrọde.
33Mmọ ema edisim Kapanọm. Ke ini Enye okodude ke esit ufọk, Enye ama obup mmọ ete, “Nso ke mbufo ekeneni ke usuñ ebabaña?”
34Edi but ama anam mmọ ndibọrọ Enye, koro mmọ ekenenide ebaña Enye emi okponde akan ke otu mmọ.
35Enye ama ọsuhọde etetie ndien okot mmọ esaña ekpere, onyuñ ọdọhọ mmọ ete, “Enye emi oyomde ndidi andikpon ñkan enyene ndidi andikpri ñkan, asañutom kpukpru owo.”
36Ntem ke Enye okosio ekpri eyenọwọñ enim ke ufọt mmọ, ndien Enye omum eyen oro ke ubọk akama, onyuñ ọdọhọ mmọ ete, 37“Owo ekededi emi edidarade ekpri eyenọwọñ ntem ke enyiñ Mi adara Mi, ndien owo eke adarade Mi adara Ete Mi emi ọkọdọñde Mi.”
38Kiet ke otu mbet Esie, Jọn, ama ọdọhọ Enye usen kiet ete, “Andikpep ñnyin ima ikut nte owo adade enyiñ Fo ebin mme ndedehe spirit edi ñnyin ima idọhọ enye ite okunam, koro enye midighe kiet ke otu ñka ñnyin.”
39Jisọs ama ọdọhọ mmọ ete, “Ekukpan enye, koro iduhọ baba owo kiet emi anamde mme utibe ñkpọ ke enyiñ Mi, emi ekemede ndisọp ntiñ idiọk ikọ ndian Mi. 40Koro owo emi mibiọñọke ñnyin ada ye ñnyin. 41Koro owo ekededi emi edinọde mbufo kọb mmọñ kiet eñwọñ koro mbufo edide eke Kraist iditreke ndibọ utib. Ntiñ emi ke ata ofuri akpanikọ nte ke enye iditreke ndibọ utib esie.” 42Edi, edieke owo edinamde kiet ke otu ñkpri nditọ emi, emi ebuọtde idem ye Ami eduọk mbuọtidem, ọkpọfọn ye enye akan edieke ekpedade akwa itiat ukọkñkpọ ebọp eyiri enye ke itọñ enyuñ etop enye esin ke inyañ.
43Edieke ubọk fo anamde fi anam idiọkñkpọ, sibe enye fep; ọfọn afo ndiduk ke uwem ye ndo akan afo ndinyene ubọk ke itie ikañ ndutuhọ, ebiet emi ikañ minyeneke ndinime. 44Do, mme utuñ mmọ inyeneke edikpaña, ikañ inyuñ inimeke. 45Onyuñ edieke edide ukot fo esin fi anam idiọkñkpọ, sibe enye fep, ọfọn afo ndidi mbuñọ nduk ke uwem akan ndinyene ukot mbiba ndien eduọk fi ke itie ndutuhọ. 46Do, mme utuñ mmọ idikpañake, owo idinyuñ inimeke ikañ.
47“Onyuñ edieke enyin fo esinde fi anam idiọk, wubede enye duọk. Ọfọn afo ndiduk ke Obio Ubọñ Abasi ye enyin kiet akan ndinyene enyin mbiba ndien etop fi eduọk ke itie ndutuhọ (hell), 48ebiet emi utuñ mikemeke ndikpa ndien ikañ ikemeke ndinime. 49Ebiet emi edidade ikañ enam ñnyin isana kpa nte edade inuñ enam unam uwa asana.
50Inuñ edi eti ñkpọ, edi edieke enye ọduọkde inem esie, edikeme didie nditọñọ ntak nnam enye enyene inem? Enyene inuñ ke otu mbufo, enyuñ edu ke emem ye kiet eken.”
Селектирано:
:
Нагласи
Сподели
Копирај
Дали сакаш да ги зачуваш Нагласувањата на сите твои уреди? Пријави се или најави се
Biblica® Open Efik Living New Testament™
Copyright © 1995 by Biblica, Inc.
“Biblica” is a trademark registered in the United States Patent and Trademark Office by Biblica, Inc. Used with permission.