मत्ती 6
6
डान योने बारेलं सिछ्या
लुका ११:२-४
1“होस्यार लेच्यो, जे चाव ये:न जेडोकं मीराई घर:ङरंकं वार्डे चाव ये:न डोने टाझैसिच्यो। मानि स्वर्गटा लेने जेबाबुलो उकुइटाम कडि पनि इनाम जेम्डै।#मत्ती २३:५ 2हैजैडे जे डान जेडोकं, मीरंलाई बनै सठैने लागिटं भोङ्कोर टप्डे टायाच्योरं, कैफटिराईची यहुडीरं याडुप्सिने ज़ी:मयालं सोनो येमयालं मीराई याङा:कं घ्योव झैसिनेलो लागिटं डोरंये। डस्साज़, ङा जेलाई हैङाडाच्यो, नोराई याइनाम याडैडुरं। 3हैनि पनि डान नडोकं, वो:र्टा नकुइये कडि डोज़्याव हो डाबऱ्या नकुइये टासोनोकं। 4डान नडोकं काङ्कायेज़ टासनरंकं, होकाम गुप्तलं र:ङने नबाबुये नङलाई इनाम यानेले।”
प्रार्ठना डोने बारेलं सिछ्या
लुका ११:२-४
5नङ प्रार्ठना नडोकं कैफटिराई मान्टि टालेन, कडालेकं मीराई गर:ङरंकं वार्डे नोराई यहुडीरं याडुप्सिने ज़ी:मयालं सोनो येम छ्योयालं च्याङसिडे प्रार्ठना डोने युङ डोरंये। डस्साज़ ङा जेलाई हैङाडाच्यो, नोराई याइनाम याडैडुरं। 6हैजैडे नङ प्रार्ठना नडोकं, नकोठालं नान, होकाम झला रु:प्डे डो, होकाम गुप्तलं र:ङ्ने नबाबुये नङलाई इनाम यानेले। 7प्रार्ठना जेडोकं परमेस्वरलाई मासरे:ने मीराई मान्टि सोजोज़ झ्याउँ-झ्याउँ टालेच्यो। कडालेकं भ्या पाङकं परमेस्वरये ठोयो वार्ने नोराई याबिचारले। 8हैजैडे नोराई यालेव मान्टि टालेच्यो। कडालेकं जे परमेस्वरसं जेमनि:डेज़ जेलाई कडि ओचाहिज़्याव वार्डे जेबाबुलाई ठा ले। 9“बुरु जे एटाव किसिमये प्रार्ठना डोच्यो ‘ए स्वर्गटा लेने गेबाबु, नमिन चोखो ओटाकं। 10नराज्या ओराकं। नइछ्या स्वर्गटं खेटाव ले, हैटावज़ आव प्रिठीबीलं पनि पुरा ओटाकं। 11गेलाई आछिम ला भरिका गेज़्याव यासि। 12गेबिरोडलं पाप डोनेरंलाई छेमा गेडोवरं मान्टि गेपाप छेमा डोड्यासि।
13गेलाई परिछ्यालं परिवटायासि, बुरु माचाव ये:नटाम छुटैसि कडालेकं राज्या, सक्ति सोनो महिमा एकसप्ड्या नमिज़ ले, आमेन।’
14कडालेकं जे मीराई यापाप छेमा जेडोखे भने स्वर्गटा लेने जेबाबुये पनि जेलाई छेमा यानेले, 15हैजैडे जे उरुका मीराई यापाप छेमा जेम्डोड्योरंखे भने जेबाबुये पनि जेपाप छेमा डोड्याने माले।”
उपासिने बारेलं सिछ्या
16“जे जेउपासिकं कैफटिराई मान्टि जेङा: अन्ड्यारो टासटनच्यो। कडालेकं मीरंलाई उपासिसिव सटन्नेलो लागिटं नोराई याङा: अन्ड्यारो झैरंये। डस्साज़, ङा जेलाई हैङाडाच्यो, नोराई याइनाम याडैडुरं। 17बुरु नङ नउपासिकं नङै:टं ठी ठिसिन, होकाम नङा: हुर। 18होकाम नङ नउपासिव, मीराई माङ्क, बुरु मार:न्ने नबाबुये ओरो:ङोकं, होकाम मार:न्ने नबाबुये नङलाई इनाम यानेले।”
स्वर्गटा सम्पति
लुका १२:३३-३४; १६:१३
19“जेलागिटं प्रिठीबीलं ढन-सम्पति टाडुप्च्यो। आलं डुप्सिव सम्पति के रु:ये होसोनो खैये होकाम चोरराई ज़ी:म पाडे कुडे लाङरंये। 20बुरु जे जेसम्पति स्वर्गटंज़ डुप्च्यो, होलं मारु:ये, माखैइये, होकाम चोरये पनि माकुव। 21कडालेकं जोङं जेढन ले, होङज़ जियुङ पनि टानेले।”
क्याङलो ओभाङ
लुका ११:३४-३६
22“मिलङके क्यङलो भाङ ची। हैजैडे के नमिलंङ चाव यालेखे भने, स्यान्टै नक्याङ उज्यालो टानेले। 23होसोनो नमिलंङ माचाव यालेखे भने, स्यान्टै नक्याङ अन्ड्यारो टानेले। हैजैडे नयुङला लेव उज्यालो अन्ड्यारो याटाखे भने, खैटाव चुप्प अन्ड्यारो टाके!”
परमेस्वर सोनो ढन
लुका १६:१३; १२:२२-३४
24काङ्कायेज़ नेबऱ्याङ साहुनि नेसेवा माडोडुव। कडालेकं नोये टोबोलाई हेला डोडे टोबोलाई मया डोने ले। होमान्टिज़ नोये टोबोलो ओसेवा डोडे टोबोलाई हेला डोने ले। जे परमेस्वर सोनो ढनलो ओसेवा जेम्डोडु।
25“हैजैडे ङा जेलाई हैङाडाच्यो, ‘कडि ङाज़्योके, कडि ङाओँके’ वार्डे बान्चिनेलो ओलागिटं सोनो ‘कडि ङाक्वाइसिके वार्डे जेक्याङलो ओलागिटं चिन्ता टाडोच्यो।’ जीबनके ज़्याने ओँने बस्त सोनो क्वा भन्डा घ्योव माङ्क डोरो?” 26नमटा बाज़ारंलाई र:ङच्योरं। नोराई न ढुर वारंये, न क्यारंये न ढनसारलं डुपरंये, बुरु स्वर्गटा जेबाबुये नोरंलाई ज़्याव योवरंये। जे नोरं भन्डा भ्या ओये:लारं माङ्करंडोरो? 27जेलाम काङ्काये ची चिन्ता डोडे उजीउनिटं टघंरि पनि ठप्डुवडं? 28“कडि क्वाइसिने टाके वार्डे जे कडाने चिन्ता जेडोज़्याव? बाङला वैरंलाई याघ्योज़्याव र:ङच्योरं, नोरंके ये:न पनि माडोरं, क्वाइसिने क्वा पनि मार:रं। 29हैनि पनि ङा जेलाई हैङाडाच्यो, सोलोमन राजालो हाढङ ओसम्पति लेडे पनि हो नो वैरंकाम टोबो हाढङका पनि सिङ्गारिसिव मालेव।#१राजा १०:४-७; २ङाडेङा रो:रं ९:३-६ 30परमेस्वरये आछिम लेने सोनो पराटि मुटालं ख्यासिने छिलाई के चाव र:न्ने झोयो भने जिबिस्वास ठोकोज़ा लेवरं, जेलाई परमेस्वरये झन भ्या चाव माक्वाइच्योवके डोरो? 31हैजैडे जे ‘कडि गेज़्योके?’ सै ‘कडि गेओँके?’ सै ‘कडि गेक्वाइसिके?’ वार्डे चिन्ता टाडोच्यो। 32कडालेकं परमेस्वरलाई मासरे:ने यहुडीरंकाम उरुका मीराई ची आव स्यान्टै खिमरंये, होकाम स्वर्गटा लेने जेबाबुये जेलाई एटाव चाहिज़्या वार्ने सन्डेनोयो। 33बुरु ङा:डे परमेस्वरलो ओराज्य चाव ये:नलाई सोनो ओसत्यलाई खिम्च्यो। होकाम आव स्यान्टै जेलाईज़ यानेले। 34हैजैडे पराटिका चिन्ता टाडोच्यो, कडालेकं पराटिका डिनये उचिन्ता ओलज़ डोवये। आछिमलाई आछिमका डुखंज़ भ्या लिज़्या।”
Селектирано:
मत्ती 6: NTWMK25
Нагласи
Сподели
Копирај
Дали сакаш да ги зачуваш Нагласувањата на сите твои уреди? Пријави се или најави се
The New Testament Books in Wale Magar Kham Language © The Word for the World International and Wale Magar Kham Translation Project, Nepal, 2025
मत्ती 6
6
डान योने बारेलं सिछ्या
लुका ११:२-४
1“होस्यार लेच्यो, जे चाव ये:न जेडोकं मीराई घर:ङरंकं वार्डे चाव ये:न डोने टाझैसिच्यो। मानि स्वर्गटा लेने जेबाबुलो उकुइटाम कडि पनि इनाम जेम्डै।#मत्ती २३:५ 2हैजैडे जे डान जेडोकं, मीरंलाई बनै सठैने लागिटं भोङ्कोर टप्डे टायाच्योरं, कैफटिराईची यहुडीरं याडुप्सिने ज़ी:मयालं सोनो येमयालं मीराई याङा:कं घ्योव झैसिनेलो लागिटं डोरंये। डस्साज़, ङा जेलाई हैङाडाच्यो, नोराई याइनाम याडैडुरं। 3हैनि पनि डान नडोकं, वो:र्टा नकुइये कडि डोज़्याव हो डाबऱ्या नकुइये टासोनोकं। 4डान नडोकं काङ्कायेज़ टासनरंकं, होकाम गुप्तलं र:ङने नबाबुये नङलाई इनाम यानेले।”
प्रार्ठना डोने बारेलं सिछ्या
लुका ११:२-४
5नङ प्रार्ठना नडोकं कैफटिराई मान्टि टालेन, कडालेकं मीराई गर:ङरंकं वार्डे नोराई यहुडीरं याडुप्सिने ज़ी:मयालं सोनो येम छ्योयालं च्याङसिडे प्रार्ठना डोने युङ डोरंये। डस्साज़ ङा जेलाई हैङाडाच्यो, नोराई याइनाम याडैडुरं। 6हैजैडे नङ प्रार्ठना नडोकं, नकोठालं नान, होकाम झला रु:प्डे डो, होकाम गुप्तलं र:ङ्ने नबाबुये नङलाई इनाम यानेले। 7प्रार्ठना जेडोकं परमेस्वरलाई मासरे:ने मीराई मान्टि सोजोज़ झ्याउँ-झ्याउँ टालेच्यो। कडालेकं भ्या पाङकं परमेस्वरये ठोयो वार्ने नोराई याबिचारले। 8हैजैडे नोराई यालेव मान्टि टालेच्यो। कडालेकं जे परमेस्वरसं जेमनि:डेज़ जेलाई कडि ओचाहिज़्याव वार्डे जेबाबुलाई ठा ले। 9“बुरु जे एटाव किसिमये प्रार्ठना डोच्यो ‘ए स्वर्गटा लेने गेबाबु, नमिन चोखो ओटाकं। 10नराज्या ओराकं। नइछ्या स्वर्गटं खेटाव ले, हैटावज़ आव प्रिठीबीलं पनि पुरा ओटाकं। 11गेलाई आछिम ला भरिका गेज़्याव यासि। 12गेबिरोडलं पाप डोनेरंलाई छेमा गेडोवरं मान्टि गेपाप छेमा डोड्यासि।
13गेलाई परिछ्यालं परिवटायासि, बुरु माचाव ये:नटाम छुटैसि कडालेकं राज्या, सक्ति सोनो महिमा एकसप्ड्या नमिज़ ले, आमेन।’
14कडालेकं जे मीराई यापाप छेमा जेडोखे भने स्वर्गटा लेने जेबाबुये पनि जेलाई छेमा यानेले, 15हैजैडे जे उरुका मीराई यापाप छेमा जेम्डोड्योरंखे भने जेबाबुये पनि जेपाप छेमा डोड्याने माले।”
उपासिने बारेलं सिछ्या
16“जे जेउपासिकं कैफटिराई मान्टि जेङा: अन्ड्यारो टासटनच्यो। कडालेकं मीरंलाई उपासिसिव सटन्नेलो लागिटं नोराई याङा: अन्ड्यारो झैरंये। डस्साज़, ङा जेलाई हैङाडाच्यो, नोराई याइनाम याडैडुरं। 17बुरु नङ नउपासिकं नङै:टं ठी ठिसिन, होकाम नङा: हुर। 18होकाम नङ नउपासिव, मीराई माङ्क, बुरु मार:न्ने नबाबुये ओरो:ङोकं, होकाम मार:न्ने नबाबुये नङलाई इनाम यानेले।”
स्वर्गटा सम्पति
लुका १२:३३-३४; १६:१३
19“जेलागिटं प्रिठीबीलं ढन-सम्पति टाडुप्च्यो। आलं डुप्सिव सम्पति के रु:ये होसोनो खैये होकाम चोरराई ज़ी:म पाडे कुडे लाङरंये। 20बुरु जे जेसम्पति स्वर्गटंज़ डुप्च्यो, होलं मारु:ये, माखैइये, होकाम चोरये पनि माकुव। 21कडालेकं जोङं जेढन ले, होङज़ जियुङ पनि टानेले।”
क्याङलो ओभाङ
लुका ११:३४-३६
22“मिलङके क्यङलो भाङ ची। हैजैडे के नमिलंङ चाव यालेखे भने, स्यान्टै नक्याङ उज्यालो टानेले। 23होसोनो नमिलंङ माचाव यालेखे भने, स्यान्टै नक्याङ अन्ड्यारो टानेले। हैजैडे नयुङला लेव उज्यालो अन्ड्यारो याटाखे भने, खैटाव चुप्प अन्ड्यारो टाके!”
परमेस्वर सोनो ढन
लुका १६:१३; १२:२२-३४
24काङ्कायेज़ नेबऱ्याङ साहुनि नेसेवा माडोडुव। कडालेकं नोये टोबोलाई हेला डोडे टोबोलाई मया डोने ले। होमान्टिज़ नोये टोबोलो ओसेवा डोडे टोबोलाई हेला डोने ले। जे परमेस्वर सोनो ढनलो ओसेवा जेम्डोडु।
25“हैजैडे ङा जेलाई हैङाडाच्यो, ‘कडि ङाज़्योके, कडि ङाओँके’ वार्डे बान्चिनेलो ओलागिटं सोनो ‘कडि ङाक्वाइसिके वार्डे जेक्याङलो ओलागिटं चिन्ता टाडोच्यो।’ जीबनके ज़्याने ओँने बस्त सोनो क्वा भन्डा घ्योव माङ्क डोरो?” 26नमटा बाज़ारंलाई र:ङच्योरं। नोराई न ढुर वारंये, न क्यारंये न ढनसारलं डुपरंये, बुरु स्वर्गटा जेबाबुये नोरंलाई ज़्याव योवरंये। जे नोरं भन्डा भ्या ओये:लारं माङ्करंडोरो? 27जेलाम काङ्काये ची चिन्ता डोडे उजीउनिटं टघंरि पनि ठप्डुवडं? 28“कडि क्वाइसिने टाके वार्डे जे कडाने चिन्ता जेडोज़्याव? बाङला वैरंलाई याघ्योज़्याव र:ङच्योरं, नोरंके ये:न पनि माडोरं, क्वाइसिने क्वा पनि मार:रं। 29हैनि पनि ङा जेलाई हैङाडाच्यो, सोलोमन राजालो हाढङ ओसम्पति लेडे पनि हो नो वैरंकाम टोबो हाढङका पनि सिङ्गारिसिव मालेव।#१राजा १०:४-७; २ङाडेङा रो:रं ९:३-६ 30परमेस्वरये आछिम लेने सोनो पराटि मुटालं ख्यासिने छिलाई के चाव र:न्ने झोयो भने जिबिस्वास ठोकोज़ा लेवरं, जेलाई परमेस्वरये झन भ्या चाव माक्वाइच्योवके डोरो? 31हैजैडे जे ‘कडि गेज़्योके?’ सै ‘कडि गेओँके?’ सै ‘कडि गेक्वाइसिके?’ वार्डे चिन्ता टाडोच्यो। 32कडालेकं परमेस्वरलाई मासरे:ने यहुडीरंकाम उरुका मीराई ची आव स्यान्टै खिमरंये, होकाम स्वर्गटा लेने जेबाबुये जेलाई एटाव चाहिज़्या वार्ने सन्डेनोयो। 33बुरु ङा:डे परमेस्वरलो ओराज्य चाव ये:नलाई सोनो ओसत्यलाई खिम्च्यो। होकाम आव स्यान्टै जेलाईज़ यानेले। 34हैजैडे पराटिका चिन्ता टाडोच्यो, कडालेकं पराटिका डिनये उचिन्ता ओलज़ डोवये। आछिमलाई आछिमका डुखंज़ भ्या लिज़्या।”
Селектирано:
:
Нагласи
Сподели
Копирај
Дали сакаш да ги зачуваш Нагласувањата на сите твои уреди? Пријави се или најави се
The New Testament Books in Wale Magar Kham Language © The Word for the World International and Wale Magar Kham Translation Project, Nepal, 2025