मत्ती 2
2
ज्योतिसीरं येसुलाई याडोयो
1हेरोड राजालो ओपालालं यहुडियाला बेठलेहेमलं येसु ओजर्मिव, र:ङच्यो! पुर्बङाम राव ज्योतिसीराई यरुसलेमलं राडे हैयावारो, 2“यहुडीराई याराजा टाडे जर्मिव काङं उलिज़्याव? कडालेकं नोलो ओसोरो पुर्बडे गेरो:ङो होकाम होलाई ढो डोने गेरावची।”
3आव रो: ठैडे हेरोड राजा बनै ओआटिव, होकाम स्यान्टै यरुसलेमला मीरं पनि याछेव। 4होकाम होये स्यान्टै मुख्या सेवा डोने मीरं सोनो न्याम पैनेरंलाई डुप्डे ख्रीस्टलो ओजर्म काङं टाडे उलिज़्याव? वार्डे ओपंजोयोरं। 5राजालाई नोराई हैयाडोव, “यहुडियाला बेठलेहेम सहरलं, कडालेकं अगमबक्ताराई एटाव सर्डेनैरं।
6‘ए बेठलेहेम, सोनो यहुडा छेत्रला सहर, नङ कडि रो:टं पनि यहुडाला सासंकराई याखार्ल होरं भन्डा कम नमले, कडालेकं नङ लेवङामज़ टोबो सासंक राने ले, नोये इस्राएलला ङामीरंलाई र:ङनेले’।#मीका ५:२”
7होकाम हेरोडये हो ज्योतिसीरंलाई याबाठङकं खुलरंडे सोरो खाबलाकं ओरो:नो, नो होरंलाई पजैडे ठा ओसोनो। 8होये नोरंलाई ऐवार्डे बेठलेहेमलं उपरि:ङोरं, “नाच्यो होकाम, नो बाल्खलाई चावसं खिमच्यो। होलाई जेडैखे भने ङालाई सोर डाङच्यो, ङा पनि नोलाई ढो ङाडोना।”
9होकाम राजालो ओरो: ठैडे होरं यायेमडे यानाव। जो सोरोलाई होराई पुर्बडे यारोङो लेव, हो सोरो याङा:-याङा: ओनाव, होकाम हो सोरो बाल्ख उलिज़्याव पोकं केडे ओअडिव। 10होकाम नोरं हो सोरोलाई र:ङडे, बनै यारेङो। 11होकाम होराई ज़ी:मलं पसिडे बाल्खलाई वामा मरियमसं उलिज़्याव यारो:ङो, होकाम फुलुप्सिडे येसुलाई ढो याडोव। होकाम ओमहिमा डोडे बाकंसलाम सुन, मङ-मङ बासिव ढुपं सोनो अत्तरलो भेटी याचरोयो। 12होकाम होराई यामङलं हेरोड राजा लेवकं वोल्डे टानाच्यो वार्ने चेतावनि डैडे होरं टङडेङा येमलाग्यान्ट याडेसलं यानाव।
मिस्रलं यानाव
13नोरं यानाव छिन्डे, घ्योव प्रभुलो टोबो ओकटंवाल योसेफलो ओमङलं ओरो:नो होकाम होये हैओडोव, “गोसोङनके, आलिज़ा बाल्खसं वामालाई लाङडे ढोङ्डे मिस्र डेसलं गराङन्के, होकाम नङलाई हैङाम्डानया समं होलज़ लेच्यो। कडालेकं, हेरोडये बाल्खलाई सै:ने वार्डे खिम्नेले।”
14होकाम होये आलिज़ा बाल्खसं वामालाई लाङडे रिलंज़ मिस्र डेसलं ओनाव, 15नोरं हेरोड उम्सिया समं होलंज़ ओलेव। अगमबक्तारंलाम स्यान्टैराई भन्डा घ्योव प्रभुये ओपाङो बचन ऐझैडे पुरा ओटाव, “ङा खेपा ङाज़ालाई मिस्र डेसलाम ङाखुलो।”#होसे ११:१
हेरोडये बाल्खरं ओसो:योरं
16होकाम ज्योतिसीराई ओललाई ढोका यायोव रो: हेरोडये ठा सन्डे, उरिसिव। होकाम ज्योतिसीराई हैयावारो समय अनसार बेठलेहेम सोनो होलो आसै होसैका पोयाला नेबर्सकाम मेडेङा स्यान्टै बाल्ख भरिरंलाई सो:यो उपरि:ङोरं। 17होकाम यर्मिया अगमबक्ताये ओपाङो बचन पुरा ओटाव,
18“रामालं टोबो सप्ड ठैज़्या, याघर्ज़्याव सोनो बिलौना याडोज़्याव, राहेल ओज़ाराई यालागिटं घर्ज़्या। नोलाई कोइरं राडे यासभनो चाव माङप्सिये कडालेकं नोलो ओज़ारं स्यान्टै सिडे लेरं।”#यर्मिया ३१:१५
मिस्र डेसलाम यावोलो
19होकाम हेरोड उसिव छिन्डे, योसेफ मिस्रलं उलिज़्याकं ओमङलं स्यान्टैराई भन्डा घ्योव प्रभुलो टोबो स्वर्गटा ओकटंवाल र:नडे ऐओडोव, 20“सोङन, बाल्ख सोनो वामालाई लाङडे इस्राएल डेसलं वोल्डे नान, कडालेकं बाल्खलाई सै:ने पान्ज़्यावरं यासिडुरं।”#बाने ४:१९
21योसेफ सोडे बाल्खसं वामालाई लाङडे इस्राएल डेसलं ओवोलो। 22होकाम अर्खिलाउसये ओबाबु हेरोडलो ओपोलं यहुडियालं राज्या डोज़्याव वार्ने रो: ठैडे योसेफ ओछेव, होकाम ओमङलं आग्या डैडे गालील प्रडेसलं ओनाव। 23योसेफ नासरत वार्ने सहरलं नाडे ओलेव। ऐझैडे अगमबक्ताये ओपाङो बचन पुरा ओटाव, “येसुलाई नासरी हैडोनेलेसी।”#लुका २:३९; युहन्ना १:४५; यसैया ११:१; ५३:२; नियाडोनेरं १३:५,७
Селектирано:
मत्ती 2: NTWMK25
Нагласи
Сподели
Копирај
Дали сакаш да ги зачуваш Нагласувањата на сите твои уреди? Пријави се или најави се
The New Testament Books in Wale Magar Kham Language © The Word for the World International and Wale Magar Kham Translation Project, Nepal, 2025
मत्ती 2
2
ज्योतिसीरं येसुलाई याडोयो
1हेरोड राजालो ओपालालं यहुडियाला बेठलेहेमलं येसु ओजर्मिव, र:ङच्यो! पुर्बङाम राव ज्योतिसीराई यरुसलेमलं राडे हैयावारो, 2“यहुडीराई याराजा टाडे जर्मिव काङं उलिज़्याव? कडालेकं नोलो ओसोरो पुर्बडे गेरो:ङो होकाम होलाई ढो डोने गेरावची।”
3आव रो: ठैडे हेरोड राजा बनै ओआटिव, होकाम स्यान्टै यरुसलेमला मीरं पनि याछेव। 4होकाम होये स्यान्टै मुख्या सेवा डोने मीरं सोनो न्याम पैनेरंलाई डुप्डे ख्रीस्टलो ओजर्म काङं टाडे उलिज़्याव? वार्डे ओपंजोयोरं। 5राजालाई नोराई हैयाडोव, “यहुडियाला बेठलेहेम सहरलं, कडालेकं अगमबक्ताराई एटाव सर्डेनैरं।
6‘ए बेठलेहेम, सोनो यहुडा छेत्रला सहर, नङ कडि रो:टं पनि यहुडाला सासंकराई याखार्ल होरं भन्डा कम नमले, कडालेकं नङ लेवङामज़ टोबो सासंक राने ले, नोये इस्राएलला ङामीरंलाई र:ङनेले’।#मीका ५:२”
7होकाम हेरोडये हो ज्योतिसीरंलाई याबाठङकं खुलरंडे सोरो खाबलाकं ओरो:नो, नो होरंलाई पजैडे ठा ओसोनो। 8होये नोरंलाई ऐवार्डे बेठलेहेमलं उपरि:ङोरं, “नाच्यो होकाम, नो बाल्खलाई चावसं खिमच्यो। होलाई जेडैखे भने ङालाई सोर डाङच्यो, ङा पनि नोलाई ढो ङाडोना।”
9होकाम राजालो ओरो: ठैडे होरं यायेमडे यानाव। जो सोरोलाई होराई पुर्बडे यारोङो लेव, हो सोरो याङा:-याङा: ओनाव, होकाम हो सोरो बाल्ख उलिज़्याव पोकं केडे ओअडिव। 10होकाम नोरं हो सोरोलाई र:ङडे, बनै यारेङो। 11होकाम होराई ज़ी:मलं पसिडे बाल्खलाई वामा मरियमसं उलिज़्याव यारो:ङो, होकाम फुलुप्सिडे येसुलाई ढो याडोव। होकाम ओमहिमा डोडे बाकंसलाम सुन, मङ-मङ बासिव ढुपं सोनो अत्तरलो भेटी याचरोयो। 12होकाम होराई यामङलं हेरोड राजा लेवकं वोल्डे टानाच्यो वार्ने चेतावनि डैडे होरं टङडेङा येमलाग्यान्ट याडेसलं यानाव।
मिस्रलं यानाव
13नोरं यानाव छिन्डे, घ्योव प्रभुलो टोबो ओकटंवाल योसेफलो ओमङलं ओरो:नो होकाम होये हैओडोव, “गोसोङनके, आलिज़ा बाल्खसं वामालाई लाङडे ढोङ्डे मिस्र डेसलं गराङन्के, होकाम नङलाई हैङाम्डानया समं होलज़ लेच्यो। कडालेकं, हेरोडये बाल्खलाई सै:ने वार्डे खिम्नेले।”
14होकाम होये आलिज़ा बाल्खसं वामालाई लाङडे रिलंज़ मिस्र डेसलं ओनाव, 15नोरं हेरोड उम्सिया समं होलंज़ ओलेव। अगमबक्तारंलाम स्यान्टैराई भन्डा घ्योव प्रभुये ओपाङो बचन ऐझैडे पुरा ओटाव, “ङा खेपा ङाज़ालाई मिस्र डेसलाम ङाखुलो।”#होसे ११:१
हेरोडये बाल्खरं ओसो:योरं
16होकाम ज्योतिसीराई ओललाई ढोका यायोव रो: हेरोडये ठा सन्डे, उरिसिव। होकाम ज्योतिसीराई हैयावारो समय अनसार बेठलेहेम सोनो होलो आसै होसैका पोयाला नेबर्सकाम मेडेङा स्यान्टै बाल्ख भरिरंलाई सो:यो उपरि:ङोरं। 17होकाम यर्मिया अगमबक्ताये ओपाङो बचन पुरा ओटाव,
18“रामालं टोबो सप्ड ठैज़्या, याघर्ज़्याव सोनो बिलौना याडोज़्याव, राहेल ओज़ाराई यालागिटं घर्ज़्या। नोलाई कोइरं राडे यासभनो चाव माङप्सिये कडालेकं नोलो ओज़ारं स्यान्टै सिडे लेरं।”#यर्मिया ३१:१५
मिस्र डेसलाम यावोलो
19होकाम हेरोड उसिव छिन्डे, योसेफ मिस्रलं उलिज़्याकं ओमङलं स्यान्टैराई भन्डा घ्योव प्रभुलो टोबो स्वर्गटा ओकटंवाल र:नडे ऐओडोव, 20“सोङन, बाल्ख सोनो वामालाई लाङडे इस्राएल डेसलं वोल्डे नान, कडालेकं बाल्खलाई सै:ने पान्ज़्यावरं यासिडुरं।”#बाने ४:१९
21योसेफ सोडे बाल्खसं वामालाई लाङडे इस्राएल डेसलं ओवोलो। 22होकाम अर्खिलाउसये ओबाबु हेरोडलो ओपोलं यहुडियालं राज्या डोज़्याव वार्ने रो: ठैडे योसेफ ओछेव, होकाम ओमङलं आग्या डैडे गालील प्रडेसलं ओनाव। 23योसेफ नासरत वार्ने सहरलं नाडे ओलेव। ऐझैडे अगमबक्ताये ओपाङो बचन पुरा ओटाव, “येसुलाई नासरी हैडोनेलेसी।”#लुका २:३९; युहन्ना १:४५; यसैया ११:१; ५३:२; नियाडोनेरं १३:५,७
Селектирано:
:
Нагласи
Сподели
Копирај
Дали сакаш да ги зачуваш Нагласувањата на сите твои уреди? Пријави се или најави се
The New Testament Books in Wale Magar Kham Language © The Word for the World International and Wale Magar Kham Translation Project, Nepal, 2025