प्रेरितों रा कांम 11
11
पतरस रौ यरुसलेम आवणौ
1पछै प्रेरितों अर विसवासी लोगां नै जिकौ यहूदिया में हा सुण्यौ, की दूजी जातियो नै भी परमेसर रौ वचन मांन लियौ है। 2अर जद पतरस यरुसलेम में आयौ, तो खतना कियोड़े यहूदी लोग उण ऊं वाद-विवाद करनै लागा, 3उणौ पतरस री निंदा करते हुए कयौ, “थूं बिना खतना कियोड़े लोगां रै घर जायनै उणौरै साथै खायौ।”
4तद पतरस उणौनै सरूआत ऊं क्रमानुसार केन सुणाणै लागौ की, 5“म्हैं याफा नगरी में पराथना कर रियौ हो, अर एक दरसण देख्यौ की एक चीज, मोटी चादर रै ज्यूं च्यांरू कोनों ऊं लटकती होई, आकास ऊं उतरनै म्हारै खनै आई। 6जद म्हैं उण माथै ध्यांन कियो, तो उणमे धरती रा जिनावर अर वन पसु अर रेंगनेवाळा जीव अर आकास रा पंखेरू देख्यां, 7अर ओ सबद भी सुण्यौ, ‘हे पतरस, उठ, मार अर खा।’
8“म्हैं कयौ, ‘नीं, परभु, नीं। क्यूंकै कोई बिना पवितर या बिना सुद्ध चीज म्हारै मूंडै मांय कदैई नीं गी।’
9“इणरै उतर में आकास ऊं दूजी बार सबद होयौ, ‘जिकौ कीं परमेसर नै सुद्ध ठैरायौ है, उणनै असुद्ध मती कैह।’ 10तीन बार ऐड़ौ इज होयौ तो पछै सगळौ पाछौ आभै ऊपर खींच लियौ गियौ।
11“अर देखौ, तुरत तीन मिनख जिकौ कैसरिया ऊं म्हारै खनै भेज्या गिया हा, उण घर जिण में म्हौ हा, आयनै ऊभा होया। 12तद पवितर आतमा नै म्हारै ऊं उणौरै साथै नि:संकोच जांणै रौ कयौ, अर ऐ छह भाई भी म्हारै साथै हो गिया, अर म्हौ उण मिनख रै घर गिया।
13“उणै म्हौ नै बतायौ, की उणै एक सरगदूत नै आपरै घर में ऊभौ देख्यौ, जिणै उण ऊं कयौ, ‘याफा में मिनख भेजनै समौन जिकौ पतरस कहीजै है, बुला ले। 14वो थौरे ऊं ऐड़ी बातां कैवैला, जिणरै जरियै थूं अर थारौ सगळौ घराणौ उद्धार पावैला।’
15“जद म्हैं बातां करनै लागौ, तो पवितर आतमा उण माथै उणीज रीत ऊं उतरियौ जिण रीत ऊं सरूआत में म्हौ माथै उतरियौ हो। 16#प्रेरि 1:5तद म्हनै परभु रौ ओ वचन याद आयौ, जिकौ उणै कयौ हो, ‘यूहन्ना नै तो पांणी ऊं बतिस्मो दियौ, पण थै पवितर आतमा ऊं बतिस्मो पावौला।’ 17अतस जद परमेसर नै उणनै भी वोहीज वरदान दियौ, जिकौ म्हौ नै परभु यीसु मसीह माथै विसवास करनै ऊं मिळियौ हो, तो म्हैं कुण हूं जिकौ परमेसर नै रोक सकूं?” 18ओ सुणनै वे चुप रिया, अर परमेसर री बड़ाई करनै कैवण लागा, “तद तो परमेसर दूजी जातियो नै भी जीवन रै खातर मन फिराव रौ दांन दियौ है।”
अन्ताकिया री कलीसिया
19 #
प्रेरि 8:1–4
जिकौ विसवासी लोग उण दुख रै मारे जिकौ स्तिफनुस रै कारण पड़ियौ हो, तितर-बितर हो गिया हा, वे फिरता फिरता फीनीके, साइप्रस अर अन्ताकिया में पूगा। पण यहूदियो नै छोड़नै किणी और नै वचन नीं सुणाता हा। 20पण उणमे ऊं कीं साइप्रसवासी अर कुरेनी हा, जिकौ अन्ताकिया में आयनै यूनानियो नै भी परभु यीसु रा सुभ संदेस री बातां सुणाण लागा। 21परभु रौ हाथ उण ऊपर हो, अर घणाहारा लोग विसवास करनै परभु री तरफ फिरया।
22जद उणरी चरचा यरुसलेम री कलीसिया रै सुणणै में आई, तो उणौ बरनबास नै अन्ताकिया भेज्यौ। 23वो उठै पूगनै अर परमेसर रै अनुग्रह देखनै खुस होयौ, अर सगळौ नै उपदेस दियौ की तन मन लगायनै परभु ऊं लिपटया रैवौ। 24वो एक भलौ मिनख हो, अर पवितर आतमा अर विसवास ऊं भरपूर हो, अर दूजा घणाहारा लोग परभु माथै विसवास कियो।
25तद बरनबास साऊल नै सौधण रै वास्तै तरसुस चाल दियौ। 26जद वो उण ऊं मिळियौ तो उणनै अन्ताकिया लायौ, अर ऐड़ौ होयौ की वे एक बरस तांई कलीसिया रै साथै मिळता अर घणाहारा लोगां नै उपदेस देता रिया। अर चेला सबां ऊं पैला अन्ताकिया ही में मसीह कहीजिया।
27उणीज दिनां मांय कई भविसयदाता यरुसलेम ऊं अन्ताकिया आया। 28#प्रेरि 21:10उणमे ऊं अगबुस नाम रौ एक ऊभौ होयनै आतमा री प्रेरणा ऊं ओ बतायौ की सगळै जगत में घणौहारौ अकाळ पड़ैला। वो अकाळ राजा क्लौदियुस रै वगत में पड़ियौ। 29तद चेलौ नै फैसलो कियो की हरैक अपणी अपणी पूंजी रै मुजब यहूदिया में रैवणवाळौ भाइयो री मदद रै वास्तै कीं भेजौ। 30उणौ ऐड़ौ ही कियो अर बरनबास अर साऊल रै हाथ कलीसिया रै मुखियौ रै खनै कीं उपहार भेज्या।
Селектирано:
प्रेरितों रा कांम 11: RWR
Нагласи
Копирај
Спореди
Сподели
Дали сакаш да ги зачуваш Нагласувањата на сите твои уреди? Пријави се или најави се
© NLCI CC BY-NC-ND 4.0
प्रेरितों रा कांम 11
11
पतरस रौ यरुसलेम आवणौ
1पछै प्रेरितों अर विसवासी लोगां नै जिकौ यहूदिया में हा सुण्यौ, की दूजी जातियो नै भी परमेसर रौ वचन मांन लियौ है। 2अर जद पतरस यरुसलेम में आयौ, तो खतना कियोड़े यहूदी लोग उण ऊं वाद-विवाद करनै लागा, 3उणौ पतरस री निंदा करते हुए कयौ, “थूं बिना खतना कियोड़े लोगां रै घर जायनै उणौरै साथै खायौ।”
4तद पतरस उणौनै सरूआत ऊं क्रमानुसार केन सुणाणै लागौ की, 5“म्हैं याफा नगरी में पराथना कर रियौ हो, अर एक दरसण देख्यौ की एक चीज, मोटी चादर रै ज्यूं च्यांरू कोनों ऊं लटकती होई, आकास ऊं उतरनै म्हारै खनै आई। 6जद म्हैं उण माथै ध्यांन कियो, तो उणमे धरती रा जिनावर अर वन पसु अर रेंगनेवाळा जीव अर आकास रा पंखेरू देख्यां, 7अर ओ सबद भी सुण्यौ, ‘हे पतरस, उठ, मार अर खा।’
8“म्हैं कयौ, ‘नीं, परभु, नीं। क्यूंकै कोई बिना पवितर या बिना सुद्ध चीज म्हारै मूंडै मांय कदैई नीं गी।’
9“इणरै उतर में आकास ऊं दूजी बार सबद होयौ, ‘जिकौ कीं परमेसर नै सुद्ध ठैरायौ है, उणनै असुद्ध मती कैह।’ 10तीन बार ऐड़ौ इज होयौ तो पछै सगळौ पाछौ आभै ऊपर खींच लियौ गियौ।
11“अर देखौ, तुरत तीन मिनख जिकौ कैसरिया ऊं म्हारै खनै भेज्या गिया हा, उण घर जिण में म्हौ हा, आयनै ऊभा होया। 12तद पवितर आतमा नै म्हारै ऊं उणौरै साथै नि:संकोच जांणै रौ कयौ, अर ऐ छह भाई भी म्हारै साथै हो गिया, अर म्हौ उण मिनख रै घर गिया।
13“उणै म्हौ नै बतायौ, की उणै एक सरगदूत नै आपरै घर में ऊभौ देख्यौ, जिणै उण ऊं कयौ, ‘याफा में मिनख भेजनै समौन जिकौ पतरस कहीजै है, बुला ले। 14वो थौरे ऊं ऐड़ी बातां कैवैला, जिणरै जरियै थूं अर थारौ सगळौ घराणौ उद्धार पावैला।’
15“जद म्हैं बातां करनै लागौ, तो पवितर आतमा उण माथै उणीज रीत ऊं उतरियौ जिण रीत ऊं सरूआत में म्हौ माथै उतरियौ हो। 16#प्रेरि 1:5तद म्हनै परभु रौ ओ वचन याद आयौ, जिकौ उणै कयौ हो, ‘यूहन्ना नै तो पांणी ऊं बतिस्मो दियौ, पण थै पवितर आतमा ऊं बतिस्मो पावौला।’ 17अतस जद परमेसर नै उणनै भी वोहीज वरदान दियौ, जिकौ म्हौ नै परभु यीसु मसीह माथै विसवास करनै ऊं मिळियौ हो, तो म्हैं कुण हूं जिकौ परमेसर नै रोक सकूं?” 18ओ सुणनै वे चुप रिया, अर परमेसर री बड़ाई करनै कैवण लागा, “तद तो परमेसर दूजी जातियो नै भी जीवन रै खातर मन फिराव रौ दांन दियौ है।”
अन्ताकिया री कलीसिया
19 #
प्रेरि 8:1–4
जिकौ विसवासी लोग उण दुख रै मारे जिकौ स्तिफनुस रै कारण पड़ियौ हो, तितर-बितर हो गिया हा, वे फिरता फिरता फीनीके, साइप्रस अर अन्ताकिया में पूगा। पण यहूदियो नै छोड़नै किणी और नै वचन नीं सुणाता हा। 20पण उणमे ऊं कीं साइप्रसवासी अर कुरेनी हा, जिकौ अन्ताकिया में आयनै यूनानियो नै भी परभु यीसु रा सुभ संदेस री बातां सुणाण लागा। 21परभु रौ हाथ उण ऊपर हो, अर घणाहारा लोग विसवास करनै परभु री तरफ फिरया।
22जद उणरी चरचा यरुसलेम री कलीसिया रै सुणणै में आई, तो उणौ बरनबास नै अन्ताकिया भेज्यौ। 23वो उठै पूगनै अर परमेसर रै अनुग्रह देखनै खुस होयौ, अर सगळौ नै उपदेस दियौ की तन मन लगायनै परभु ऊं लिपटया रैवौ। 24वो एक भलौ मिनख हो, अर पवितर आतमा अर विसवास ऊं भरपूर हो, अर दूजा घणाहारा लोग परभु माथै विसवास कियो।
25तद बरनबास साऊल नै सौधण रै वास्तै तरसुस चाल दियौ। 26जद वो उण ऊं मिळियौ तो उणनै अन्ताकिया लायौ, अर ऐड़ौ होयौ की वे एक बरस तांई कलीसिया रै साथै मिळता अर घणाहारा लोगां नै उपदेस देता रिया। अर चेला सबां ऊं पैला अन्ताकिया ही में मसीह कहीजिया।
27उणीज दिनां मांय कई भविसयदाता यरुसलेम ऊं अन्ताकिया आया। 28#प्रेरि 21:10उणमे ऊं अगबुस नाम रौ एक ऊभौ होयनै आतमा री प्रेरणा ऊं ओ बतायौ की सगळै जगत में घणौहारौ अकाळ पड़ैला। वो अकाळ राजा क्लौदियुस रै वगत में पड़ियौ। 29तद चेलौ नै फैसलो कियो की हरैक अपणी अपणी पूंजी रै मुजब यहूदिया में रैवणवाळौ भाइयो री मदद रै वास्तै कीं भेजौ। 30उणौ ऐड़ौ ही कियो अर बरनबास अर साऊल रै हाथ कलीसिया रै मुखियौ रै खनै कीं उपहार भेज्या।
Селектирано:
:
Нагласи
Копирај
Спореди
Сподели
Дали сакаш да ги зачуваш Нагласувањата на сите твои уреди? Пријави се или најави се
© NLCI CC BY-NC-ND 4.0