Yawhaas 7
7
Yexus Has Niz Cob Kwb
1Tod qaas qhai, Yexus muz muz luz luz hub xeeb Kalilais; niz tsi xaab muz nraaz lus xeeb Yudais, tu qhob cob Yudais tuabhub yiad muas niz tua laidtaa. 2Thaws yiad txug lus caij kwg cob Yudais ua Kebcai nyos Tseb Pheessuab, 3Yexus cob kwb has tu Yexus has tas, “Koj ca ni muz tu nraaz xeeb Yudais, kuas koj cob thwjtid kwg rias koj qaas ha ni pud tej kwg koj ua. 4Tsi muaj tuz twg muas tej kwg niz ua zais, yog has tas niz xaab kuas lag paws txug niz. Yog koj ua tej txujci tseedcees qhai, ca ni ua qha kuas neeg ntajtes paws koj.” 5(Txiad yog Yexus cob kwb los cud tseed tsi ntseeg Yexus has.)
6Yexus has tu cud tas, “Tseed tsi taw txug kud lus sijhiad, tadsis mej ni lus sijhiad twg los yeej taw. 7Neeg ntajtes tsi heed mej, tadsis neeg ntajtes heed kud, tu qhob kud pheej qha cud tej keb phed keb qas tu cud. 8Mej yiad muz ua kebcai, mej muz mej. Kud tsi muz,#7.8 kud tsi muz; tej phaw qus has tas kud tsi taw muz. tu qhob tsi taw txug kud lus sijhiad.” 9Tod qaas kwg Yexus has ni qhai tu cud taaz liad, Yexus tseed nyos hub lus xeeb Kalilais.
Yexus Muz Ua Kebcai Nyos Tseb Pheessuab
10Thaws Yexus cob kwb ua ntej muz ua kebcai liad, tod qaas qhai Yexus txiad rias qaas muz has; tadsis niz tsi taasmeeg muz, tu qhob niz tsi xaab kuas tuz twg paws. 11Yog ni qhai, cob Yudais tej nudtswb nrhab Yexus hnoos kwg ua kebcai qhai, cud sis noog has tas, “Niz nyos qhob twg?”
12Cob neeg coos coos qhai sis ntxhi zus ziaz has txug Yexus, muaj istxha has tas, “Niz yog neeg zoo,” muaj istxha has tas, “Tsi yog ni qhai, niz yog tuz kwg daag ntxaz tuadtxhij nyaz.” 13Tadsis tsi muaj tuz twg muaj cuaskaab pab Yexus zaaj taasmeeg tuadtxhij ni, tu qhob cud ntshai cob Yudais tej nudtswb.
14Thaws tuadtxhij ua kebcai txug toz liad, Yexus txiad muz qhuas qha hub lus Tuadtseb. 15Cob Yudais tej nudtswb xaab tsi thoos has has tas, “Ua nyaab tuz yiag na yiad paws ua luaj ni, niz ted tsi taw kiad ntiab ni los sab?”
16Yexus tes has tas, “Tej luz kwg kud qha na tsi yog kud tej luz, tadsis yog Vaajtswb tuz kwg txis kud luz tej lus. 17Yog tuz twg txaws sas ua rias ni Vaajtswb lus sas nyad, tuz qhai yiad paws has tas tej luz kwg kud qha na yog Vaajtswb kuas kud has lossis yog kud has kud nyaz. 18Tuz kwg has ne niz lus sas nyad yog niz xaab taw lag qhuas niz. Tadsis tuz kwg xaab ua kuas tuz kwg txis niz luz taw lag qhuas ha yog tuz tsees tag, has yeej tsi muaj is yaad tsi ncaajnceeg nyos hub niz ne. 19Puas yog Mawxes qha Vaajtswb txuj Kebcai tu mej? Tadsis mej tsi muaj is tug coj rias ni txuj Kebcai qhai ni. Ua nyaab mej tseed yiad muas kud tua laidtaa has?”
20Txhua tuz tes has tas, “Koj rawg daas vwd liad! Tuz twg yiad muas koj tua laidtaa na?”
21Yexus tes has tas, “Kud ua txujci tseedcees is zag nyaz, mej ted xaab tsi thoos ni. 22Mawxes kuas mej muas mej tej minyuas ua kebcai txab (Mawxes tsi yog tuz qha mej, tadsis yog mej cob yiagkoos), has mej ted muas is tug minyuas tus ua kebcai txab hnoos Xanpataws. 23Yog mej ted muas is tug minyuas tus ua kebcai txab hnoos Xanpataws kuas mej tsi xod ua txhud Mawxes txuj Kebcai, ua caaz kud khu taaznrhiab tuz neeg qhai lus ceb zoo mos hnoos Xanpataws mej tseed yiad npaw tiaz tu kud has?” 24Tsi xod txabtxid rias ni mej qhobmuag pud nyaz, tadsis yiadtsud txabtxid rias ni txuj keb ncaajnceeg.
Yexus Puas Yog tuz Mexiyas?
25Cob neeg kwg nyos hub lus nroog Yeluxalees muaj qeetuz has tas, “Tuz yiag na tsi yog tuz kwg cob nudtswb nrhab yiad muas tua laidtaa los? 26Mej nuad! Niz taasmeeg qha tuadtxhij, tadsis tsi muaj tuz twg muaj cuaskaab has daastsi tu niz tis! Ntshai cud paws has tas niz yog tuz Mexiyas tag! 27Tadsis thaws tuz Mexiyas luz, tsi muaj tuz twg paws has tas niz luz qhob twg luz, tadsis pes puabtsig paws has tas tuz yiag na luz qhob twg luz.”
28Thaws Yexus taastod qha hub lus Tuadtseb, Yexus has nrob nrob tu tuadtxhij tas, “Mej yeej paws has tas kud luz qhob twg luz liad tag los? Tsi yog kud laad luz kud. Tadsis tuz kwg txis kud luz, niz yog tuz ncaajnceeg. Mej tsi paws niz, 29tadsis kud paws niz, tu qhob kud luz qhai niz luz, has niz yog tuz txis kud luz.”
30Cud txiad yiad ntez Yexus, tadsis tsi muaj tuz twg nqaiz tez ntez niz tis, tu qhob tsi taw txug niz lus sijhiad. 31Tadsis cob neeg coos coos qhai muaj ntaw tuz ntseeg Yexus, has cud has tas, “Thaws tuz Mexiyas luz, niz tseed yiad ua taw ntaw yaad txujci tseedcees kua tuz yiag na ua has los?”
Cob Tusrog Kwg Muz Ntez Yexus
32Thaws cob Falixais hnob cob neeg coos coos qhai sis caab zus ziaz txug Yexus, ces cob Falixais has cob thiaj qhai cob pobthiaj txiad txis is co tusrog muz ntez Yexus. 33Yexus has tas, “Kud yiad tsi nrug mej nyos nteb liad, kud yiad rob muz cuag tuz kwg txis kud luz. 34Mej yiad nrhab kud, tadsis mej yiad nrhab tsi taw kud, tu qhob, qhob chia kwg kud yiad muz qhai, mej muz tsi taw.”
35Cob Yudais tej nudtswb sis noog zus ziaz has tas, “Niz yiad muz qhob twg kuas pes nrhab tsi taw nizna? Ntshai niz yiad muz tu pes cob neeg Kilis tej nroog kwg pes cob neeg nyos, has qha cob neeg Kilis los? 36Niz has tas pes yiad nrhab niz, tadsis pes yiad nrhab tsi taw niz, has qhob kwg niz yiad muz qhai, pes muz tsi taw. Niz has ni qhai, yog niz has nyaab?”
Tuz Dej Kwg Ciad Neeg Txujsa
37Hnoos ua kebcai xaws yog hnoos tseedcees kiag nkaws, Yexus siab ntsug has nrob nrob tu tuadtxhij has tas, “Tuz kwg nqhes dej ca ni luz cuag kud, has haws, 38rias ni Vaajtswb Txujlug has tas, ‘Yog tuz twg ntseeg kud, tuz dej kwg ciad neeg txujsa yiad txhiab hub tuz qhai lus sas luz.’ ”#7.38 Yexus cob luz kwg nyos hub nqai 37-38 yog has tas, “Yog tuz twg nqhes dej ca ni luz cuag kud, has tuz twg ntseeg kud, niz yiad taw cob dej qhai haws.” 39Yexus has ni na, yog has txug Vaaj Ntsujplig, yog tuz twg ntseeg Yexus, tuz qhai yiad taw txais. Thaws lus sijhiad qhai Vaajtswb tseed tsi taw txis Vaaj Ntsujplig luz, tu qhob Vaajtswb tseed tsi taw tsaa Yexus ua tuz muaj tshwjchid ci ntsaa as.
Cob Neeg tsi sishud
40Thaws cob neeg coos coos qhai hnob Yexus has ni qhai, muaj qeetuz has tas, “Tuz yiag na yog tuz ceb Vaajtswb#7.40 Tuz ceb Vaajtswb luz: nuad 1.21. luz tag!”
41Muaj qeetuz has tas, “Niz yog tuz Mexiyas ntag!”
Tadsis muaj qeetuz has tas, “Tuz Mexiyas yiad tsi tuaj pes xeeb Kalilais tuaj is zag ni. 42Vaajtswb Txujlug has tas, tuz Mexiyas yiad yog Dasvib is tug xeesntxwz, has niz yiad luz yug hub lus nroog Npelehees kwg thaws u Dasvib nyos.” 43Yog ni qhai, cob pejxeed txiad tsi sishud, vid qhob kwg cud sis caab has txug Yexus qhai. 44Muaj qeetuz xaab ntez Yexus, tadsis tsi muaj tuz twg yeed nqaiz tez ntez ni.
Cob Yudais tej Nudtswb tsi Ntseeg Yexus
45Thaws cob tusrog rob luz txug, cob thiaj qhai cob pobthiaj has cob Falixais noog cud has tas, “Ua nyaab mej tsi coj Yexus luz?”
46Cob tusrog tes has tas, “Yeej tsi muaj is tug txiaj has ni tuz yiag na has ni!”
47Cob Falixais noog has tas, “Tsi yog niz ntxaz taw mej liad has los? 48Mej yeej istxwd tsi taw hnob has tas cob nudtswb lossis cob Falixais is tug ntseeg tuz qhai ni los sab? 49Cob neeg coos coos kwg tsi paws Mawxes txuj Kebcai qhai, Vaajtswb ted food tsi zoo tu cud liad!”
50Cob Falixais qhai muaj is tug yog Nikawdemaws, niz yog tuz kwg ted muz nrug Yexus thaad is zag liad. Niz has tu cud tas, 51“Rias ni pes txuj Kebcai, pes txabtxid tsi taw tu is tug twg ua ntej kwg pes tsi taw hnob niz pab luz has tawg niz zaaj.”
52Cud tes has tas, “Tsi yog koj tuaj pes xeeb Kalilais tuaj has los? Koj ca ni nyeed Vaajtswb txujlug, koj ha yiad paws has tas yeej tsi muaj is tug ceb Vaajtswb luz tuaj#7.52 tsi muaj is tug ceb Vaajtswb luz tuaj; tej phaw qus has tas tuz ceb Vaajtswb luz yiad tuaj. pes Kalilais tuaj ni.”
53[Ces cud nyaz txiad rob muz nyaz tseb liad.
Селектирано:
Yawhaas 7: CQD2024
Нагласи
Сподели
Копирај
Дали сакаш да ги зачуваш Нагласувањата на сите твои уреди? Пријави се или најави се
© 2024 Bible Society Vietnam. All rights reserved.
Yawhaas 7
7
Yexus Has Niz Cob Kwb
1Tod qaas qhai, Yexus muz muz luz luz hub xeeb Kalilais; niz tsi xaab muz nraaz lus xeeb Yudais, tu qhob cob Yudais tuabhub yiad muas niz tua laidtaa. 2Thaws yiad txug lus caij kwg cob Yudais ua Kebcai nyos Tseb Pheessuab, 3Yexus cob kwb has tu Yexus has tas, “Koj ca ni muz tu nraaz xeeb Yudais, kuas koj cob thwjtid kwg rias koj qaas ha ni pud tej kwg koj ua. 4Tsi muaj tuz twg muas tej kwg niz ua zais, yog has tas niz xaab kuas lag paws txug niz. Yog koj ua tej txujci tseedcees qhai, ca ni ua qha kuas neeg ntajtes paws koj.” 5(Txiad yog Yexus cob kwb los cud tseed tsi ntseeg Yexus has.)
6Yexus has tu cud tas, “Tseed tsi taw txug kud lus sijhiad, tadsis mej ni lus sijhiad twg los yeej taw. 7Neeg ntajtes tsi heed mej, tadsis neeg ntajtes heed kud, tu qhob kud pheej qha cud tej keb phed keb qas tu cud. 8Mej yiad muz ua kebcai, mej muz mej. Kud tsi muz,#7.8 kud tsi muz; tej phaw qus has tas kud tsi taw muz. tu qhob tsi taw txug kud lus sijhiad.” 9Tod qaas kwg Yexus has ni qhai tu cud taaz liad, Yexus tseed nyos hub lus xeeb Kalilais.
Yexus Muz Ua Kebcai Nyos Tseb Pheessuab
10Thaws Yexus cob kwb ua ntej muz ua kebcai liad, tod qaas qhai Yexus txiad rias qaas muz has; tadsis niz tsi taasmeeg muz, tu qhob niz tsi xaab kuas tuz twg paws. 11Yog ni qhai, cob Yudais tej nudtswb nrhab Yexus hnoos kwg ua kebcai qhai, cud sis noog has tas, “Niz nyos qhob twg?”
12Cob neeg coos coos qhai sis ntxhi zus ziaz has txug Yexus, muaj istxha has tas, “Niz yog neeg zoo,” muaj istxha has tas, “Tsi yog ni qhai, niz yog tuz kwg daag ntxaz tuadtxhij nyaz.” 13Tadsis tsi muaj tuz twg muaj cuaskaab pab Yexus zaaj taasmeeg tuadtxhij ni, tu qhob cud ntshai cob Yudais tej nudtswb.
14Thaws tuadtxhij ua kebcai txug toz liad, Yexus txiad muz qhuas qha hub lus Tuadtseb. 15Cob Yudais tej nudtswb xaab tsi thoos has has tas, “Ua nyaab tuz yiag na yiad paws ua luaj ni, niz ted tsi taw kiad ntiab ni los sab?”
16Yexus tes has tas, “Tej luz kwg kud qha na tsi yog kud tej luz, tadsis yog Vaajtswb tuz kwg txis kud luz tej lus. 17Yog tuz twg txaws sas ua rias ni Vaajtswb lus sas nyad, tuz qhai yiad paws has tas tej luz kwg kud qha na yog Vaajtswb kuas kud has lossis yog kud has kud nyaz. 18Tuz kwg has ne niz lus sas nyad yog niz xaab taw lag qhuas niz. Tadsis tuz kwg xaab ua kuas tuz kwg txis niz luz taw lag qhuas ha yog tuz tsees tag, has yeej tsi muaj is yaad tsi ncaajnceeg nyos hub niz ne. 19Puas yog Mawxes qha Vaajtswb txuj Kebcai tu mej? Tadsis mej tsi muaj is tug coj rias ni txuj Kebcai qhai ni. Ua nyaab mej tseed yiad muas kud tua laidtaa has?”
20Txhua tuz tes has tas, “Koj rawg daas vwd liad! Tuz twg yiad muas koj tua laidtaa na?”
21Yexus tes has tas, “Kud ua txujci tseedcees is zag nyaz, mej ted xaab tsi thoos ni. 22Mawxes kuas mej muas mej tej minyuas ua kebcai txab (Mawxes tsi yog tuz qha mej, tadsis yog mej cob yiagkoos), has mej ted muas is tug minyuas tus ua kebcai txab hnoos Xanpataws. 23Yog mej ted muas is tug minyuas tus ua kebcai txab hnoos Xanpataws kuas mej tsi xod ua txhud Mawxes txuj Kebcai, ua caaz kud khu taaznrhiab tuz neeg qhai lus ceb zoo mos hnoos Xanpataws mej tseed yiad npaw tiaz tu kud has?” 24Tsi xod txabtxid rias ni mej qhobmuag pud nyaz, tadsis yiadtsud txabtxid rias ni txuj keb ncaajnceeg.
Yexus Puas Yog tuz Mexiyas?
25Cob neeg kwg nyos hub lus nroog Yeluxalees muaj qeetuz has tas, “Tuz yiag na tsi yog tuz kwg cob nudtswb nrhab yiad muas tua laidtaa los? 26Mej nuad! Niz taasmeeg qha tuadtxhij, tadsis tsi muaj tuz twg muaj cuaskaab has daastsi tu niz tis! Ntshai cud paws has tas niz yog tuz Mexiyas tag! 27Tadsis thaws tuz Mexiyas luz, tsi muaj tuz twg paws has tas niz luz qhob twg luz, tadsis pes puabtsig paws has tas tuz yiag na luz qhob twg luz.”
28Thaws Yexus taastod qha hub lus Tuadtseb, Yexus has nrob nrob tu tuadtxhij tas, “Mej yeej paws has tas kud luz qhob twg luz liad tag los? Tsi yog kud laad luz kud. Tadsis tuz kwg txis kud luz, niz yog tuz ncaajnceeg. Mej tsi paws niz, 29tadsis kud paws niz, tu qhob kud luz qhai niz luz, has niz yog tuz txis kud luz.”
30Cud txiad yiad ntez Yexus, tadsis tsi muaj tuz twg nqaiz tez ntez niz tis, tu qhob tsi taw txug niz lus sijhiad. 31Tadsis cob neeg coos coos qhai muaj ntaw tuz ntseeg Yexus, has cud has tas, “Thaws tuz Mexiyas luz, niz tseed yiad ua taw ntaw yaad txujci tseedcees kua tuz yiag na ua has los?”
Cob Tusrog Kwg Muz Ntez Yexus
32Thaws cob Falixais hnob cob neeg coos coos qhai sis caab zus ziaz txug Yexus, ces cob Falixais has cob thiaj qhai cob pobthiaj txiad txis is co tusrog muz ntez Yexus. 33Yexus has tas, “Kud yiad tsi nrug mej nyos nteb liad, kud yiad rob muz cuag tuz kwg txis kud luz. 34Mej yiad nrhab kud, tadsis mej yiad nrhab tsi taw kud, tu qhob, qhob chia kwg kud yiad muz qhai, mej muz tsi taw.”
35Cob Yudais tej nudtswb sis noog zus ziaz has tas, “Niz yiad muz qhob twg kuas pes nrhab tsi taw nizna? Ntshai niz yiad muz tu pes cob neeg Kilis tej nroog kwg pes cob neeg nyos, has qha cob neeg Kilis los? 36Niz has tas pes yiad nrhab niz, tadsis pes yiad nrhab tsi taw niz, has qhob kwg niz yiad muz qhai, pes muz tsi taw. Niz has ni qhai, yog niz has nyaab?”
Tuz Dej Kwg Ciad Neeg Txujsa
37Hnoos ua kebcai xaws yog hnoos tseedcees kiag nkaws, Yexus siab ntsug has nrob nrob tu tuadtxhij has tas, “Tuz kwg nqhes dej ca ni luz cuag kud, has haws, 38rias ni Vaajtswb Txujlug has tas, ‘Yog tuz twg ntseeg kud, tuz dej kwg ciad neeg txujsa yiad txhiab hub tuz qhai lus sas luz.’ ”#7.38 Yexus cob luz kwg nyos hub nqai 37-38 yog has tas, “Yog tuz twg nqhes dej ca ni luz cuag kud, has tuz twg ntseeg kud, niz yiad taw cob dej qhai haws.” 39Yexus has ni na, yog has txug Vaaj Ntsujplig, yog tuz twg ntseeg Yexus, tuz qhai yiad taw txais. Thaws lus sijhiad qhai Vaajtswb tseed tsi taw txis Vaaj Ntsujplig luz, tu qhob Vaajtswb tseed tsi taw tsaa Yexus ua tuz muaj tshwjchid ci ntsaa as.
Cob Neeg tsi sishud
40Thaws cob neeg coos coos qhai hnob Yexus has ni qhai, muaj qeetuz has tas, “Tuz yiag na yog tuz ceb Vaajtswb#7.40 Tuz ceb Vaajtswb luz: nuad 1.21. luz tag!”
41Muaj qeetuz has tas, “Niz yog tuz Mexiyas ntag!”
Tadsis muaj qeetuz has tas, “Tuz Mexiyas yiad tsi tuaj pes xeeb Kalilais tuaj is zag ni. 42Vaajtswb Txujlug has tas, tuz Mexiyas yiad yog Dasvib is tug xeesntxwz, has niz yiad luz yug hub lus nroog Npelehees kwg thaws u Dasvib nyos.” 43Yog ni qhai, cob pejxeed txiad tsi sishud, vid qhob kwg cud sis caab has txug Yexus qhai. 44Muaj qeetuz xaab ntez Yexus, tadsis tsi muaj tuz twg yeed nqaiz tez ntez ni.
Cob Yudais tej Nudtswb tsi Ntseeg Yexus
45Thaws cob tusrog rob luz txug, cob thiaj qhai cob pobthiaj has cob Falixais noog cud has tas, “Ua nyaab mej tsi coj Yexus luz?”
46Cob tusrog tes has tas, “Yeej tsi muaj is tug txiaj has ni tuz yiag na has ni!”
47Cob Falixais noog has tas, “Tsi yog niz ntxaz taw mej liad has los? 48Mej yeej istxwd tsi taw hnob has tas cob nudtswb lossis cob Falixais is tug ntseeg tuz qhai ni los sab? 49Cob neeg coos coos kwg tsi paws Mawxes txuj Kebcai qhai, Vaajtswb ted food tsi zoo tu cud liad!”
50Cob Falixais qhai muaj is tug yog Nikawdemaws, niz yog tuz kwg ted muz nrug Yexus thaad is zag liad. Niz has tu cud tas, 51“Rias ni pes txuj Kebcai, pes txabtxid tsi taw tu is tug twg ua ntej kwg pes tsi taw hnob niz pab luz has tawg niz zaaj.”
52Cud tes has tas, “Tsi yog koj tuaj pes xeeb Kalilais tuaj has los? Koj ca ni nyeed Vaajtswb txujlug, koj ha yiad paws has tas yeej tsi muaj is tug ceb Vaajtswb luz tuaj#7.52 tsi muaj is tug ceb Vaajtswb luz tuaj; tej phaw qus has tas tuz ceb Vaajtswb luz yiad tuaj. pes Kalilais tuaj ni.”
53[Ces cud nyaz txiad rob muz nyaz tseb liad.
Селектирано:
:
Нагласи
Сподели
Копирај
Дали сакаш да ги зачуваш Нагласувањата на сите твои уреди? Пријави се или најави се
© 2024 Bible Society Vietnam. All rights reserved.