Chibkees 14
14
Anplaas Tso Lawj Kig qhais Yeesncuas Tez
1Muaj plaws tug vaajntxwb kwg yog: Alafees tuz kwg kaab lus nroog Npanpiloos, Ali-aws tuz kwg kaab lus nroog Elasas, Khedawle-awmes tuz kwg kaab lus nroog Elames, has Tidas tuz kwg kaab lus nroog Nkawyees, 2taw tiad muz ua rog tu tsis tug vaajntxwb kwg yog Npelas tuz kwg kaab lus nroog Xawdoos, Npisas tuz kwg kaab lus nroog Kawmawlas, Sinaj tuz kwg kaab lus nroog Amas, Semenpes tuz kwg kaab lus nroog Xenpawyees, has tuz vaajntxwb kwg kaab lus nroog Npelas, (lossis yog Xaw-as). 3Tsis tug vaajntxwb na ha kood sas ua ke tuaj is tog has txhij tusrog muz nyos tu hub lus Haab Xidees kwg taadsid na yog lus paaz dej Habtxwb Tuag ntaag. 4Cud poos muz ua Khedawle-awmes pejxeed taw kawd os xyoos, tadsis xyoo kawd pes cud rob tig ntxeeb sas siab tiadtsaad niz. 5Ces xyoo kawd plaws Khedawle-awmes has cob vaajntxwb kwg tuaj niz tog nrug cud cob tusrog tuaj tua yeej cob Lefayees kwg nyos hub lus nroog Atelaws Kalenais, cob Xuxis kwg nyos hub lus nroog Hames, cob Emis kwg nyos hub lus taj nraaz Kili-athayees, 6has cob Hawlis kwg nyos saw cob laaj roos Edoos, cud ha muas cob neeg na riad tua muz ti nkaws tu qhais ntug nroog Epalas kwg nyos tod taj zes suaspuad. 7Ces cud txiad tig rob qaas luz txug hub lus nroog Kades (lossis yog Emisapas). Cud ntaws taw taaznrhiab saas teschias Amalej has cud tua yeej cob neeg Amawles kwg nyos tu hub lus nroog Haxaxoos Tamaj.
8Ces cob vaajntxwb kwg kaab lus nroog Xawdoos, Kawmawlas, Amas, Xenpawyees has Npelas (lossis Xaw-as), ha taw txhij cud cob tusrog tuaj ntaws rog tu hub lus Haab Xidees has tua 9Khedawle-awmes kwg yog vaajntxwb kaab lus nroog Elames, Tidas kwg yog vaajntxwb kaab lus nroog Nkawyees, Alafees kwg yog vaajntxwb kaab lus nroog Sinas, has Ali-aws kwg yog vaajntxwb kaab lus nroog Elasas; tsis tuz vaajntxwb na ua rog tu plaws tug vaajntxwb. 10Lus taj qhai muaj qhob roj aab nplawd ntaw heeb, ces thaws tuz vaajntxwb kwg kaab lus nroog Xawdoos has tuz vaajntxwb kwg kaab lus nroog Kawmawlas nrhab keb tsib tiad hub tshaab rog, ostug ha poos cob qhob roj aab nplawd qhai, tadsis kua ni pes tug vaajntxwb tsib kig nce muz tu pez roos liad. 11Ces plaws tug vaajntxwb qhai ha muas txhua yaad kwg muaj nyos hub lus nroog Xawdoos has Kawmawlas, has tej zaws mo hubtsig, coj tsib muz liad. 12Lawj kwg yog Anplaas tuz kwb Halaas tuz tus, niz nyos hub lus nroog Xawdoos, cud ha ntez taw niz has fuas niz tej cuastaad coj muz liad dlu lug.
13Tadsis muaj is tug yias tsib kig hub tshaab rog luz has txhua yaad tu Anplaas kwg yog neeg Henplais kwg nyos ze tu qhais Maales tuz kwg yog neeg Amawles cob ntoo xees. Maales has niz os tug tijlawg, Esekaws has Aneles puabtsig kood tez tuaj Anplaas tog. 14Thaws Anplaas hnob deeb has tas yeesncuas ntez taw niz tuz kwb Halaas tuz tus Lawj liad, niz ha hu taaznrhiab pes puas kawd yid tuz tusrog hub niz lus yeej tiad muz riad tua plaws tug vaajntxwb qhai muz txug ntua hub lus nroog Daas. 15Thaws tsaws ntuj liad niz ha muas niz cob tusrog fais ua tej paas muz tua cob yeesncuas, plaws tug vaajntxwb qhai ha sws tiag tsib taaz. Anplaas cud tseed riad tua muz txug ntua pez lus nroog Hawnpas kwg nyos qhais Damaxes saas qawdtes, 16Anplaas txees taw txhua yaad kwg lag coj muz liad rob qaas luz hubtsig. Has niz tseed coj taw niz tuz kwb Halaas tuz tus Lawj has Lawj tej cuastaad, cob puj has tej neeg kwg rawg lag ntez taw liad rob luz taaznrhiab hubtsig.
Mekhixedes Food Kooshmoob tu Anplaas
17Thaws Anplaas muz tua yeej vaajntxwb Khedawle-awmes has pes tug vaajntxwb kwg tuaj Khedawle-awmes toz rob qaas luz, tuz vaajntxwb kwg kaab lus nroog Xawdoos ha tuaj toz Anplaas qhais lus Haab Saves (lossis hu ua lus Haab Vaajntxwb). 18Mekhixedes kwg ua vaajntxwb kaab lus nroog Xalees has ua is tug pobthiaj tu Vaajtswb tuz kwg muaj fwjchid luj kiag nkaws, ha coj ncuab has ciab txib hmaas tuaj pus tu Anplaas, 19has food kooshmoob tu niz has tas, “Thob kuas Vaajtswb tuz kwg muaj fwjchid luj kiag nkaws, tuz kwg tsid lus ntuj has lus ntajtes food kooshmoob tu Anplaas! 20Thob kuas Vaajtswb tuz kwg muaj fwjchid luj kiag nkaws kwg taw paas koj ntaws yeej koj cob yeesncuas, taw txais koos meej!” Has Anplaas muas tej khood kwg niz muz txees taw rob qaas luz qhai is feed kawd pus tu Mekhixedes.#Hen 7.1-10
21Tuz vaajntxwb kwg kaab lus nroog Xawdoos has tu Anplaas tas, “Koj yuab txhua yaad khood hubtsig, tadsis thob muas kud cob pejxeed rob qaas tu kud nyaz.”
22Anplaas tes has tas, “Kud taw tsaa tez cogluz taasmeeg tuz Tswb kwg yog Vaajtswb tuz kwg muaj fwjchid luj kiag nkaws, tuz kwg tsid lus ntuj has lus ntajtes has tas, 23kud tsi yuab is yaad daastsi kwg yog koj tug. Txiad yog is txuj xub lossis is txuj nyuas hlua khaw khas, kud ted tsi yuab. Koj ha yiad khaab tsi taw has tas, ‘Kud yog tuz kwg tsaa Anplaas npluanuj ntaag.’ 24Kud yiad tsi coj is yaad daastsi muz tu kud yuab ni. Kud tsuas leez yuab tej zaws mo kwg kud cob tusrog muas noj taaz liad nyaz. Tadsis cob kwg kood tez paas kud, Aneles, Esekaws, has Maales, ca cud yuab tej kwg yog cud tuz.”
Селектирано:
Chibkees 14: CQD2024
Нагласи
Сподели
Копирај
Дали сакаш да ги зачуваш Нагласувањата на сите твои уреди? Пријави се или најави се
© 2024 Bible Society Vietnam. All rights reserved.
Chibkees 14
14
Anplaas Tso Lawj Kig qhais Yeesncuas Tez
1Muaj plaws tug vaajntxwb kwg yog: Alafees tuz kwg kaab lus nroog Npanpiloos, Ali-aws tuz kwg kaab lus nroog Elasas, Khedawle-awmes tuz kwg kaab lus nroog Elames, has Tidas tuz kwg kaab lus nroog Nkawyees, 2taw tiad muz ua rog tu tsis tug vaajntxwb kwg yog Npelas tuz kwg kaab lus nroog Xawdoos, Npisas tuz kwg kaab lus nroog Kawmawlas, Sinaj tuz kwg kaab lus nroog Amas, Semenpes tuz kwg kaab lus nroog Xenpawyees, has tuz vaajntxwb kwg kaab lus nroog Npelas, (lossis yog Xaw-as). 3Tsis tug vaajntxwb na ha kood sas ua ke tuaj is tog has txhij tusrog muz nyos tu hub lus Haab Xidees kwg taadsid na yog lus paaz dej Habtxwb Tuag ntaag. 4Cud poos muz ua Khedawle-awmes pejxeed taw kawd os xyoos, tadsis xyoo kawd pes cud rob tig ntxeeb sas siab tiadtsaad niz. 5Ces xyoo kawd plaws Khedawle-awmes has cob vaajntxwb kwg tuaj niz tog nrug cud cob tusrog tuaj tua yeej cob Lefayees kwg nyos hub lus nroog Atelaws Kalenais, cob Xuxis kwg nyos hub lus nroog Hames, cob Emis kwg nyos hub lus taj nraaz Kili-athayees, 6has cob Hawlis kwg nyos saw cob laaj roos Edoos, cud ha muas cob neeg na riad tua muz ti nkaws tu qhais ntug nroog Epalas kwg nyos tod taj zes suaspuad. 7Ces cud txiad tig rob qaas luz txug hub lus nroog Kades (lossis yog Emisapas). Cud ntaws taw taaznrhiab saas teschias Amalej has cud tua yeej cob neeg Amawles kwg nyos tu hub lus nroog Haxaxoos Tamaj.
8Ces cob vaajntxwb kwg kaab lus nroog Xawdoos, Kawmawlas, Amas, Xenpawyees has Npelas (lossis Xaw-as), ha taw txhij cud cob tusrog tuaj ntaws rog tu hub lus Haab Xidees has tua 9Khedawle-awmes kwg yog vaajntxwb kaab lus nroog Elames, Tidas kwg yog vaajntxwb kaab lus nroog Nkawyees, Alafees kwg yog vaajntxwb kaab lus nroog Sinas, has Ali-aws kwg yog vaajntxwb kaab lus nroog Elasas; tsis tuz vaajntxwb na ua rog tu plaws tug vaajntxwb. 10Lus taj qhai muaj qhob roj aab nplawd ntaw heeb, ces thaws tuz vaajntxwb kwg kaab lus nroog Xawdoos has tuz vaajntxwb kwg kaab lus nroog Kawmawlas nrhab keb tsib tiad hub tshaab rog, ostug ha poos cob qhob roj aab nplawd qhai, tadsis kua ni pes tug vaajntxwb tsib kig nce muz tu pez roos liad. 11Ces plaws tug vaajntxwb qhai ha muas txhua yaad kwg muaj nyos hub lus nroog Xawdoos has Kawmawlas, has tej zaws mo hubtsig, coj tsib muz liad. 12Lawj kwg yog Anplaas tuz kwb Halaas tuz tus, niz nyos hub lus nroog Xawdoos, cud ha ntez taw niz has fuas niz tej cuastaad coj muz liad dlu lug.
13Tadsis muaj is tug yias tsib kig hub tshaab rog luz has txhua yaad tu Anplaas kwg yog neeg Henplais kwg nyos ze tu qhais Maales tuz kwg yog neeg Amawles cob ntoo xees. Maales has niz os tug tijlawg, Esekaws has Aneles puabtsig kood tez tuaj Anplaas tog. 14Thaws Anplaas hnob deeb has tas yeesncuas ntez taw niz tuz kwb Halaas tuz tus Lawj liad, niz ha hu taaznrhiab pes puas kawd yid tuz tusrog hub niz lus yeej tiad muz riad tua plaws tug vaajntxwb qhai muz txug ntua hub lus nroog Daas. 15Thaws tsaws ntuj liad niz ha muas niz cob tusrog fais ua tej paas muz tua cob yeesncuas, plaws tug vaajntxwb qhai ha sws tiag tsib taaz. Anplaas cud tseed riad tua muz txug ntua pez lus nroog Hawnpas kwg nyos qhais Damaxes saas qawdtes, 16Anplaas txees taw txhua yaad kwg lag coj muz liad rob qaas luz hubtsig. Has niz tseed coj taw niz tuz kwb Halaas tuz tus Lawj has Lawj tej cuastaad, cob puj has tej neeg kwg rawg lag ntez taw liad rob luz taaznrhiab hubtsig.
Mekhixedes Food Kooshmoob tu Anplaas
17Thaws Anplaas muz tua yeej vaajntxwb Khedawle-awmes has pes tug vaajntxwb kwg tuaj Khedawle-awmes toz rob qaas luz, tuz vaajntxwb kwg kaab lus nroog Xawdoos ha tuaj toz Anplaas qhais lus Haab Saves (lossis hu ua lus Haab Vaajntxwb). 18Mekhixedes kwg ua vaajntxwb kaab lus nroog Xalees has ua is tug pobthiaj tu Vaajtswb tuz kwg muaj fwjchid luj kiag nkaws, ha coj ncuab has ciab txib hmaas tuaj pus tu Anplaas, 19has food kooshmoob tu niz has tas, “Thob kuas Vaajtswb tuz kwg muaj fwjchid luj kiag nkaws, tuz kwg tsid lus ntuj has lus ntajtes food kooshmoob tu Anplaas! 20Thob kuas Vaajtswb tuz kwg muaj fwjchid luj kiag nkaws kwg taw paas koj ntaws yeej koj cob yeesncuas, taw txais koos meej!” Has Anplaas muas tej khood kwg niz muz txees taw rob qaas luz qhai is feed kawd pus tu Mekhixedes.#Hen 7.1-10
21Tuz vaajntxwb kwg kaab lus nroog Xawdoos has tu Anplaas tas, “Koj yuab txhua yaad khood hubtsig, tadsis thob muas kud cob pejxeed rob qaas tu kud nyaz.”
22Anplaas tes has tas, “Kud taw tsaa tez cogluz taasmeeg tuz Tswb kwg yog Vaajtswb tuz kwg muaj fwjchid luj kiag nkaws, tuz kwg tsid lus ntuj has lus ntajtes has tas, 23kud tsi yuab is yaad daastsi kwg yog koj tug. Txiad yog is txuj xub lossis is txuj nyuas hlua khaw khas, kud ted tsi yuab. Koj ha yiad khaab tsi taw has tas, ‘Kud yog tuz kwg tsaa Anplaas npluanuj ntaag.’ 24Kud yiad tsi coj is yaad daastsi muz tu kud yuab ni. Kud tsuas leez yuab tej zaws mo kwg kud cob tusrog muas noj taaz liad nyaz. Tadsis cob kwg kood tez paas kud, Aneles, Esekaws, has Maales, ca cud yuab tej kwg yog cud tuz.”
Селектирано:
:
Нагласи
Сподели
Копирај
Дали сакаш да ги зачуваш Нагласувањата на сите твои уреди? Пријави се или најави се
© 2024 Bible Society Vietnam. All rights reserved.