Rut 2
2
Rut serbisu la Boas bosan'na
1La Belem kii se naina Boas. Eto hati famila nua Elimeleke, Noemi asukaina semoo mata deba ni. Toi osi kii kose ne, la Boas sini, naubotu Noemi kakan asukaina.
2La Lharan se, Rut, onaata sini osi rea Moabe, laka la mimin ona-ata niki bo neko. "Inau! Aku beki laka bosa kholi trigu kresina semoo dabe la kii kose serbisu sini tukana, bekin daa?[Tan Nai Ulara lein'na gere ehe, rusila kii kiakana lo sini di.]#Levitiku 19:9-10; Deuteronomio 24:19; Deuteronomio 25:5-6 Lodimo kii ruma se khina lale hiana mai aku. Bekin, da?"
Noemi hatan ehe, "Hia. Entau laka taba di."
3I Rut laka la bosa se kholi trigu kresin semoo kii kose serbisu rusinau. Afinal, bosa sini Boas nia'na. Boas hati famila nua Elimeleke, Rut mimin asukaina semoo mata deba ni.
4Waihira Rut kholi naga trigu kresina, derepenti bosa bun, Boas, mai osi la aldeia nikibo eii eto kiin kose serbisu la ko sini. Eto hasee ehe, Saloom! Biar NAI Ulara thau matan dinaga la kami!"
Sira hatana ehe, "Saloom, senhor! NAI Ulara kinadeba eto lale hian la hira!"
5Waihira Boas ei ona'ata semo, kholi trigu, eto nekola eto mandor ehe, ona'ata, "Hebamori seto, eto familiana neseri?"
6Mandor sine ehe, "eto sini, kii Moabe semo nauete whali mhutu ini nua senhora Noemi. 7Naki maraldi eto mai neko ehe, 'Xefi! Aku beki laka kholi trigu gulin kresin semo kii serbisun kosini rusinau lato di.' I aku hatan ehe, 'Beki!' I eto serbisu makas la maraldi nata naueti te. Eto so deskansa weletae la uma Laleo seto."
8I Boas laka nenehe nua Rut ehe, ''Mana! Ka kii matamori nikin dene hihiana aku wae. Ka kholi trigu golin kresin laraba wele seti, dabeki mudala ki olin bosan'na. Hian waliu dabeki dau osi diha'ana onaata kosemo serbisu mai aku la ini. 9Ei hiahiana sira sa'i trigu la weleseri, i waihira sira waliu deba whatin seti, hira laka kholi kresin la sira tukana. Aku ehemesu deba la asukai kosini nikibo dabeki book ka. Nausini hira re'o, laka nu wai la sira kantil semo sira thau thau deba wai."
10Dene nau sini, Rut nhuku nata rea. I eto ehe, ''obrigadu, senhor! Masi aku ehe seise wae. Nausini senhor tada deba, aku dahoo kii eti-anan. Nikin tanba se'i senhor tau matan la aku, no kina lale hia mai aku?''
11Boas hatana,''Godi. Aku tada deba. Masi kii tauderi la'eti konta ka, ka kina ga lale hiana la ga mimi ona'ata waihira ka asukai mata deba. Sirao konta ehe ka rusinau ga ina ga ama nua ga rea i laha whatin na, nikin mai la kii olin tenana, beki da sohe sira.
12Nikini aku neko la NAI,
Para kita kii Israel Ulara,
selu mega ga lale hiana!
Aku neko la eto haraik bensa la ka,
tanba ka kina ka lale hiana la senhora Noemi.
Biar NAI kuidadu ka la eti,
tanba ka sa-i sadere la Eto,
naubotu manu anan sira boko la manu inan oken."
13I Rut hatan ehe, "Senhora! masi akuo daho'o hira kii serbisuna, mas aku hama'a lo gami lale kontenti dinagaraba. Tanba senhor lo-mheda deba au lale, no khina deba gami lale hian mai la aku."
14Waihira sira deskansa'bo kha, Boas ehe la Rut, ''Mai kha mutu'ini nua kita laraba eti! Ala paun sini, i se hama'a lowai la tua.'' I Rut laka to'e dase kii serbisu sira. Toi-osi mai Boas ia ekarae tununa. Rut kha nata besu, i resin hati di.
15-16Waihira Eto wali hila la bosa nikibo kholi trigu kresin semo kii serbisu kosini rusinau, Boas ehemesu la eto kin kose serbisuna ehe, ''Dene hihiana! Dabeki bok eto. Rusila eto kholi trigu la weleseri. Eto kholi dase trigu oton sinio, da se'i se. Aku dame'e, se kami hasai trigu kain se-kairua semo kami otoleba sine, rusinaudi eto kholi. Dabeki me'e, i dabeki lo isiga'a eto."
17Rut serbisu la bosa lhara temena. Waihira Lhara duu deba, eto buku trigu, sini hasai osi wa'a-na la kaina, i tau trigu wa'an la lita se benum. 18I eto hika trigu wa'ana la lita sini whali la aldeia Belem, i nikibo kina eto thara wain la eto serbisu sini la eto mimin ona-ata. I eto'o hasai khakha kresin la osi khakhan naki meudia sini ia la eto mimin.
19I Noemi neko la Rut, ''naki ka kholi trigu sini la weleseri? Ka serbisu la sia bosan? Biar Nai Ulara ia bensa la kisemo lo hia la ka la lhara seti'ana."
Rut hatan, "Inau, bosa bu sini te naina Boas."
20Noemi ehe la eto ota-mhorina, "Nai Ulara ia bensa la Boas. Tanba Ulara daluha Eto lalen hiana la hira semo hatii lhahana, nomo la hira asukai sira seri mata deba. Aku ehe la ka, Boas sine hira famila dasi ini. Eto ''di direito selu mutu'. Sini ehe eto di direitu kaben nua ka, nikin ia jerasaun la ga-asukai seri mata deba."#Levitiku 25:25
21Rut hatana, ''Inau, naki Boas ehe mai aku, 'Rema mai hila. Ka beki kholi dasi au kii serbisu sirani sini nata sa'i trigu mega.'''
22Noemi hatan hila, ''Beki raba! Sini sinal hiana. Nikin ka beki serbisu mhutu ini nua eto kii sirani la tempu sa'i trigu mega. La kii olin bosan kii beki book ka. Masi la boas bosana ka seguru."
23Nikini Rut kholi trigu resin la Boas bosana dasi-dasi ona ata serbisu sirani nata tempu sa'i trigu no gai ekarae kain nharan mesa. I durante sini eto baha naga nua mimin ona'ata.
Селектирано:
Rut 2: BNAU
Нагласи
Сподели
Копирај
Дали сакаш да ги зачуваш Нагласувањата на сите твои уреди? Пријави се или најави се
Wycliffe Timor-Leste © 2025 Wycliffe Bible Translators Inc
Rut 2
2
Rut serbisu la Boas bosan'na
1La Belem kii se naina Boas. Eto hati famila nua Elimeleke, Noemi asukaina semoo mata deba ni. Toi osi kii kose ne, la Boas sini, naubotu Noemi kakan asukaina.
2La Lharan se, Rut, onaata sini osi rea Moabe, laka la mimin ona-ata niki bo neko. "Inau! Aku beki laka bosa kholi trigu kresina semoo dabe la kii kose serbisu sini tukana, bekin daa?[Tan Nai Ulara lein'na gere ehe, rusila kii kiakana lo sini di.]#Levitiku 19:9-10; Deuteronomio 24:19; Deuteronomio 25:5-6 Lodimo kii ruma se khina lale hiana mai aku. Bekin, da?"
Noemi hatan ehe, "Hia. Entau laka taba di."
3I Rut laka la bosa se kholi trigu kresin semoo kii kose serbisu rusinau. Afinal, bosa sini Boas nia'na. Boas hati famila nua Elimeleke, Rut mimin asukaina semoo mata deba ni.
4Waihira Rut kholi naga trigu kresina, derepenti bosa bun, Boas, mai osi la aldeia nikibo eii eto kiin kose serbisu la ko sini. Eto hasee ehe, Saloom! Biar NAI Ulara thau matan dinaga la kami!"
Sira hatana ehe, "Saloom, senhor! NAI Ulara kinadeba eto lale hian la hira!"
5Waihira Boas ei ona'ata semo, kholi trigu, eto nekola eto mandor ehe, ona'ata, "Hebamori seto, eto familiana neseri?"
6Mandor sine ehe, "eto sini, kii Moabe semo nauete whali mhutu ini nua senhora Noemi. 7Naki maraldi eto mai neko ehe, 'Xefi! Aku beki laka kholi trigu gulin kresin semo kii serbisun kosini rusinau lato di.' I aku hatan ehe, 'Beki!' I eto serbisu makas la maraldi nata naueti te. Eto so deskansa weletae la uma Laleo seto."
8I Boas laka nenehe nua Rut ehe, ''Mana! Ka kii matamori nikin dene hihiana aku wae. Ka kholi trigu golin kresin laraba wele seti, dabeki mudala ki olin bosan'na. Hian waliu dabeki dau osi diha'ana onaata kosemo serbisu mai aku la ini. 9Ei hiahiana sira sa'i trigu la weleseri, i waihira sira waliu deba whatin seti, hira laka kholi kresin la sira tukana. Aku ehemesu deba la asukai kosini nikibo dabeki book ka. Nausini hira re'o, laka nu wai la sira kantil semo sira thau thau deba wai."
10Dene nau sini, Rut nhuku nata rea. I eto ehe, ''obrigadu, senhor! Masi aku ehe seise wae. Nausini senhor tada deba, aku dahoo kii eti-anan. Nikin tanba se'i senhor tau matan la aku, no kina lale hia mai aku?''
11Boas hatana,''Godi. Aku tada deba. Masi kii tauderi la'eti konta ka, ka kina ga lale hiana la ga mimi ona'ata waihira ka asukai mata deba. Sirao konta ehe ka rusinau ga ina ga ama nua ga rea i laha whatin na, nikin mai la kii olin tenana, beki da sohe sira.
12Nikini aku neko la NAI,
Para kita kii Israel Ulara,
selu mega ga lale hiana!
Aku neko la eto haraik bensa la ka,
tanba ka kina ka lale hiana la senhora Noemi.
Biar NAI kuidadu ka la eti,
tanba ka sa-i sadere la Eto,
naubotu manu anan sira boko la manu inan oken."
13I Rut hatan ehe, "Senhora! masi akuo daho'o hira kii serbisuna, mas aku hama'a lo gami lale kontenti dinagaraba. Tanba senhor lo-mheda deba au lale, no khina deba gami lale hian mai la aku."
14Waihira sira deskansa'bo kha, Boas ehe la Rut, ''Mai kha mutu'ini nua kita laraba eti! Ala paun sini, i se hama'a lowai la tua.'' I Rut laka to'e dase kii serbisu sira. Toi-osi mai Boas ia ekarae tununa. Rut kha nata besu, i resin hati di.
15-16Waihira Eto wali hila la bosa nikibo kholi trigu kresin semo kii serbisu kosini rusinau, Boas ehemesu la eto kin kose serbisuna ehe, ''Dene hihiana! Dabeki bok eto. Rusila eto kholi trigu la weleseri. Eto kholi dase trigu oton sinio, da se'i se. Aku dame'e, se kami hasai trigu kain se-kairua semo kami otoleba sine, rusinaudi eto kholi. Dabeki me'e, i dabeki lo isiga'a eto."
17Rut serbisu la bosa lhara temena. Waihira Lhara duu deba, eto buku trigu, sini hasai osi wa'a-na la kaina, i tau trigu wa'an la lita se benum. 18I eto hika trigu wa'ana la lita sini whali la aldeia Belem, i nikibo kina eto thara wain la eto serbisu sini la eto mimin ona-ata. I eto'o hasai khakha kresin la osi khakhan naki meudia sini ia la eto mimin.
19I Noemi neko la Rut, ''naki ka kholi trigu sini la weleseri? Ka serbisu la sia bosan? Biar Nai Ulara ia bensa la kisemo lo hia la ka la lhara seti'ana."
Rut hatan, "Inau, bosa bu sini te naina Boas."
20Noemi ehe la eto ota-mhorina, "Nai Ulara ia bensa la Boas. Tanba Ulara daluha Eto lalen hiana la hira semo hatii lhahana, nomo la hira asukai sira seri mata deba. Aku ehe la ka, Boas sine hira famila dasi ini. Eto ''di direito selu mutu'. Sini ehe eto di direitu kaben nua ka, nikin ia jerasaun la ga-asukai seri mata deba."#Levitiku 25:25
21Rut hatana, ''Inau, naki Boas ehe mai aku, 'Rema mai hila. Ka beki kholi dasi au kii serbisu sirani sini nata sa'i trigu mega.'''
22Noemi hatan hila, ''Beki raba! Sini sinal hiana. Nikin ka beki serbisu mhutu ini nua eto kii sirani la tempu sa'i trigu mega. La kii olin bosan kii beki book ka. Masi la boas bosana ka seguru."
23Nikini Rut kholi trigu resin la Boas bosana dasi-dasi ona ata serbisu sirani nata tempu sa'i trigu no gai ekarae kain nharan mesa. I durante sini eto baha naga nua mimin ona'ata.
Селектирано:
:
Нагласи
Сподели
Копирај
Дали сакаш да ги зачуваш Нагласувањата на сите твои уреди? Пријави се или најави се
Wycliffe Timor-Leste © 2025 Wycliffe Bible Translators Inc