Жаратылыу 8
8
Суу къыяманы ахыры
1Андан сора, Нух да, биргесине кемеде болгъан битеу кийик жаныуарла бла хайыуанла да Аллахны эсинде болуп, Аллах жерге жел келтиргенди, суула да чёгюп башлагъандыла. 2Тюпсюзню суу чыкъгъан жерлери да, кёклени терезелери да жабылгъандыла, кёкден жауун да тохтагъанды. 3Суу акъырын-акъырын жерден ызына къайтып тебирегенди. Жюз элли кюн озгъандан сора, суу иги азайгъанды. 4Жетинчи айны онжетинчи кюнюнде, кеме Арарат таулада тохтагъанды. 5Онунчу айгъа дери суу андан ары азайып баргъанды; онунчу айны биринчи кюнюнде уа тауланы башлары кёрюннгендиле.
6Къыркъ кюн озгъандан сора, Нух кемеде ишлеген терезесин ачып, 7Эм къузгъунну#8:7 Къузгъун – орус. ворон. бошлагъанды. Къузгъун, учуп кетип, жер суудан къуругъунчугъа дери, уча да кете, къайта да келе тургъанды. 8Андан сора суу жерни юсюнден кетген болурму деп, ангылар ючюн, Нух кёгюрчюнню бошлагъанды. 9Алай а кёгюрчюн, жер юсюн алыкъа суу басып тургъаны себепли, кесине къонар жер тапмай, кемеге къайтханды. Нух къолун узатып, кёгюрчюнню къолуна алгъанды да, кемеге кийиргенди. 10Дагъыда жети кюнню сакълагъанды да, кёгюрчюнню кемеден энтта бошлагъанды. 11Ингирлик заманда кёгюрчюн анга къайтханда, аны аузунда жангы зейтун терек чапыракъ бар эди. Сора Нух сууну жерден кетгенин билгенди. 12Дагъыда жети кюнню сакълап, ол кёгюрчюнню энтта бошлагъанды да, бу жол кёгюрчюн анга къайтып келмегенди.
13Нухну жашаууну 601-чи жылында, биринчи айны биринчи кюнюне жер башында суу таркъайгъанды. Сора Нух, кемени башын ачып, къарагъанды да, жерни юсю кепчигенин кёргенди. 14Экинчи айны жыйырма жетинчи кюнюне жер къуругъанды.
15Сора Аллах Нухха былай айтханды:
16– Къатынынг, уланларынг эм келинлеринг бла бирге кемеден чыкъ.
17Сени бла болгъан битеу жанлыланы, битеу жаныуарланы: къанатлыланы, хайыуанланы, жерде сюркелгенлени да – кемеден чыгъар. Ала битеу жерге чачылып кетсинле да, жер башында кёп болуп жайылсынла.
18Алай бла Нух, уланлары, къатыны эм келинлери бла бирге кемеден чыкъгъанды. 19Битеу жаныуарла, битеу жерде сюркелгенле, битеу къанатлыла, жерде жюрюген хар тюрлю жанлы да, къауум-къауум кемеден чыкъгъандыла.
Аллах Нух бла кесамат этеди
20Сора Нух Раббийге къурман этилиучю жер къурагъанды да, аны юсюнде, халал хайыуанланы бла халал къанатлыланы хар тюрлюсюнден толусунлай кюйдюрюлген къурман келтиргенди. 21Раббий аны жагъымлы ийисин сезгенде, Кеси Кесине былай айтды: «Энди адам ючюн жерге налат бермем: адамны жюрек ойлашыулары жаш заманындан башлап аманлыкъды. Мындан арысында Мен битеу жанлыланы къырып къоймам.
22Жер тургъан къадарда
урлукъ себиу бла оракъ оруу,
сууукълукъ бла иссилик,
жай бла къыш,
кюн бла кече болуу
тохтарыкъ тюйюлдюле».
Селектирано:
Жаратылыу 8: МалкъСК
Нагласи
Сподели
Копирај
Дали сакаш да ги зачуваш Нагласувањата на сите твои уреди? Пријави се или најави се
© Институт перевода Библии, 2020-2024
Жаратылыу 8
8
Суу къыяманы ахыры
1Андан сора, Нух да, биргесине кемеде болгъан битеу кийик жаныуарла бла хайыуанла да Аллахны эсинде болуп, Аллах жерге жел келтиргенди, суула да чёгюп башлагъандыла. 2Тюпсюзню суу чыкъгъан жерлери да, кёклени терезелери да жабылгъандыла, кёкден жауун да тохтагъанды. 3Суу акъырын-акъырын жерден ызына къайтып тебирегенди. Жюз элли кюн озгъандан сора, суу иги азайгъанды. 4Жетинчи айны онжетинчи кюнюнде, кеме Арарат таулада тохтагъанды. 5Онунчу айгъа дери суу андан ары азайып баргъанды; онунчу айны биринчи кюнюнде уа тауланы башлары кёрюннгендиле.
6Къыркъ кюн озгъандан сора, Нух кемеде ишлеген терезесин ачып, 7Эм къузгъунну#8:7 Къузгъун – орус. ворон. бошлагъанды. Къузгъун, учуп кетип, жер суудан къуругъунчугъа дери, уча да кете, къайта да келе тургъанды. 8Андан сора суу жерни юсюнден кетген болурму деп, ангылар ючюн, Нух кёгюрчюнню бошлагъанды. 9Алай а кёгюрчюн, жер юсюн алыкъа суу басып тургъаны себепли, кесине къонар жер тапмай, кемеге къайтханды. Нух къолун узатып, кёгюрчюнню къолуна алгъанды да, кемеге кийиргенди. 10Дагъыда жети кюнню сакълагъанды да, кёгюрчюнню кемеден энтта бошлагъанды. 11Ингирлик заманда кёгюрчюн анга къайтханда, аны аузунда жангы зейтун терек чапыракъ бар эди. Сора Нух сууну жерден кетгенин билгенди. 12Дагъыда жети кюнню сакълап, ол кёгюрчюнню энтта бошлагъанды да, бу жол кёгюрчюн анга къайтып келмегенди.
13Нухну жашаууну 601-чи жылында, биринчи айны биринчи кюнюне жер башында суу таркъайгъанды. Сора Нух, кемени башын ачып, къарагъанды да, жерни юсю кепчигенин кёргенди. 14Экинчи айны жыйырма жетинчи кюнюне жер къуругъанды.
15Сора Аллах Нухха былай айтханды:
16– Къатынынг, уланларынг эм келинлеринг бла бирге кемеден чыкъ.
17Сени бла болгъан битеу жанлыланы, битеу жаныуарланы: къанатлыланы, хайыуанланы, жерде сюркелгенлени да – кемеден чыгъар. Ала битеу жерге чачылып кетсинле да, жер башында кёп болуп жайылсынла.
18Алай бла Нух, уланлары, къатыны эм келинлери бла бирге кемеден чыкъгъанды. 19Битеу жаныуарла, битеу жерде сюркелгенле, битеу къанатлыла, жерде жюрюген хар тюрлю жанлы да, къауум-къауум кемеден чыкъгъандыла.
Аллах Нух бла кесамат этеди
20Сора Нух Раббийге къурман этилиучю жер къурагъанды да, аны юсюнде, халал хайыуанланы бла халал къанатлыланы хар тюрлюсюнден толусунлай кюйдюрюлген къурман келтиргенди. 21Раббий аны жагъымлы ийисин сезгенде, Кеси Кесине былай айтды: «Энди адам ючюн жерге налат бермем: адамны жюрек ойлашыулары жаш заманындан башлап аманлыкъды. Мындан арысында Мен битеу жанлыланы къырып къоймам.
22Жер тургъан къадарда
урлукъ себиу бла оракъ оруу,
сууукълукъ бла иссилик,
жай бла къыш,
кюн бла кече болуу
тохтарыкъ тюйюлдюле».
Селектирано:
:
Нагласи
Сподели
Копирај
Дали сакаш да ги зачуваш Нагласувањата на сите твои уреди? Пријави се или најави се
© Институт перевода Библии, 2020-2024