یوحنا 6
6
عیسا بئش مینگ نفره، خورَکی وئریر
1اوندان سورا، عیسا جَلیل دریاچه‌سی‌نینگ او تئیینه گئتدی. جَلیل دریاچه‌سینه، تیبِریه دریاچه‌سی ده دئییلیر. 2بیر بویوک جمعیت عیسا آردی سورا گئدیرلَردی، بو سَبریه کی اوللار او مُعجزه‌لی نیشانالاری کی عیسا، مَریض‌لَری شفا وئرمَک اینن ائدیردی، گؤرموشلَر ایدی. 3عیسا اؤرداکی داغ اوستونه چیخدی و شاگردلَری اینَن اؤردا اوتوردو. 4یهودی‌لارینگ پِسَخ عیدی یاخین ایدی. 5عیسا باخدی و گؤردو کی بیر بویوک جمعیت اؤنا ساری گلیرلَر، فیلیپُسا دئدی: «هاردان چؤره‌ک آلاک تا بو خَلخ یئیه؟» 6عیسا بونو دئدی تا اؤنو امتحان ائده؛ عیسانینگ اؤزو بیلیردی کی سئیر نه ایش گؤره. 7فیلیپُس جواب وئردی: «اگر بیر فَحله‌نینگ آلتی آیی‌نینگ دستمزدیندان آرتیق ده چؤره‌ک آلساک، بو جمعیته ائتیشمَز، حتّی اگر هر آدام فقط بیر تالا چؤره‌ک یئسه.» 8شاگردلَرینگ بیری کی آدی آندریاس ایدی و شَمعونِ پِطرُسینگ کاکاسی ایدی، عیسایا دئدی: 9«بوردا بیر اوغول وار کی بئش دانا آرپا چؤره‌کی و ایکّی دانا بالیق واری، آما بو، بوغاد جمعیتینگ هانی‌سینه ائتیشه؟» 10عیسا دئدی: «خَلخی اوتوردونز.» اؤرا بیر گئی یئر ایدی. پس اؤرداکی آداملار کی تقریبا بئش مینگ کیشی ایدیلَر، اوتوردولار. 11اوندا عیسا چؤره‌ک‌لَری گؤتوردو و شُکر ائدمکدن سورا، اوتورانلار آراسیندا بَهر ائدی، و ائله بئله ده بالیق‌لاری. هَر کَس ده هر ناغاد کی سئدی، بئلَسینه وئریلدی. 12اوندا کی جمعیت یئدیلَر و دویدولار، عیسا اؤز شاگردلَرینه دئدی: «اضافه قالان خوردا تیکه‌لَری ییغینز تا هئچ‌نه حراما چیخمه‌یه.» 13پس شاگردلَر او بئش دانا آرپا چؤره‌کدَن کی یئییلمیش ایدی، اون ایکّی سَبد دؤلو خوردا چؤره‌ک ییغدیلَر.
14اوندا کی خَلخ بو مُعجزه‌لی نیشانایی کی عیسا ائدمیشدی، گؤردولَر دئدیلَر: «گرچَکدَن بو ائله او پیغمبر دیر کی موسای پیغمبر، اؤنونگ بو دنیا ایچینه گلمَکی‌نینگ وَعده‌سینی وئرمیش.» 15اوندا کی عیسا آنگلادی کی اوللار سئیرلَر گلَلّر، گؤجَکی بئلَسینی آپارالّار و پادشاه ائدَلّر، اؤردان چیخدی و اؤزو تَک گئنه داغا گئتدی.
عیسا سو اوستونده یول گئدیر
16آغشام اولاندا عیسا شاگردلَری دریاچه‌یه ساری گئتدیلَر، 17قایقا میندیلَر و دریاچه‌نینگ او تئیینه، کَفَرناحوم شَهرینه ساری گئتدیلَر. قَرَنگی دؤشموش ایدی و عیسا حَلی گلمه‌میش ایدی اوللار یانینا. 18دریاچه تلاطیما دؤشدو بو سَبریه کی بیر سَخت یئل اَسیردی. 19تقریبا بیر آغاج یول‌چاز پارو وورموشلاردی کی عیسایی گؤردولَر کی دریاچه اوستونده یول گئدیر و قایقا یاخین‌لَشیر، اوللارینگ جانینا قورخو دؤشدو، 20آما عیسا بئللرینه دئدی: «قورخماینز، منم.» 21اوندا اوللار سئدیلَر عیسایی قایقا میندیرَلَّر کی ائله او آن، قایق او یئره کی سئیرلَردی گئدَلَّر، ائتیشدی.
عیسا زندلیگ چؤره‌کی دیر
22او گؤنونگ صاباسی، دریاچه‌نینگ او تئیینده قالان جمعیت، عیسا قولونجونا گَزدیلَر. اوللار بیلیرلَردی کی اؤردا فقط بیر قایق وار ایدی و عیسا، اؤز شاگردلَری اینَن او قایقا مینمه‌میش، بلکی شاگردلَری تَک گئدمیشلَر. 23اوندا کی جمعیت عیسا قولونجونا گَزیرلَردی، بیر پارا قایق تیبِریه‌دن، او یئرینگ یاخینینه گلدیلَر کی جمعیت، رَبّینگ شُکر ائدمَکیندَن سورا اؤردا چؤره‌ک یئمیشلَر ایدی. 24اوندا کی جمعیت گؤردولَر کی نه عیسا اؤردا دیر نه ده شاگردلَری، قایق‌لَره میندیلَر و کَفَرناحوم شَهرینه گئتدیلَر تا عیسا قولونجونا گَزَلَّر.
25اوللار عیسایی دریاچه‌نینگ او تئیینده بولاندا، بئلَسینه دئدیلَر: «اُستاد، هاچان گلدینگ بورا؟» 26عیسا اوللارا جواب وئردی: «گرچَکینی سیزه دئییرم، مندَن گؤرَن مُعجزه‌لی نیشانالار سَبرسینه ده‌ییل کی منیم قولونجوما گَزیرَینز بلکی او چؤره‌ک سَبرسینه دیر کی یئدینز و دویدونز. 27فانی خورَکی ایچی ایش گؤرمه‌ینز، بلکی او خورَکی ایچی ایش گؤرونز کی قالیر و سیزه اَبَدی زندلیگ وئریر، ائله او خورَکی کی انسان اوغلو سیزه وئره‌ر. بو سَبریه کی بووآ تارئ، انسان اوغلونو تأیید ائدیر.» 28اوندا اوللار عیسایا دئدیلَر: «بیز نیجه ائده‌سیک؟ تارئ بیزدَن سئیر کی نه ایشلَر گؤرَک؟» 29عیسا اوللار جواب وئردی: «او ایش کی تارئ سیزدن سئیر گؤرَینز بو دور کی، اؤنا کی یوللامیش، یعنی منه ایمان گتیرَینز.» 30اوللار عیسایا دئدیلَر: «پس بیزیم ایچی نه مُعجزه‌لی نیشانا ائدیرَینگ تا بیز او نیشانایی گؤرَک و سَنه ایمان گتیرَک؟ نه ایش گؤرَرَینگ؟ 31بیزیم جَدلَریمیز، بیاباندا مَنّا یئدیلَر، او چؤره‌ک کی گؤیدَن یاغیردی؛ ائله اوله‌یین کی مُقدّس یازیلی‌لاردا یازیلمیش کی: ”موسا گؤیدَن اوللارا چؤره‌ک وئردی تا یئیَلَّر.“» 32اوندا عیسا اوللارا دئدی: «گرچَکینی سیزه دئییرم، موسا ده‌ییلدی کی او چؤره‌کی گؤیدَن سیزه وئردی، بلکی منیم گؤیده‌کی بووآم دور کی حَقیقی چؤره‌کی گؤیدَن سیزه وئریر. 33تارئ وئردیگی چؤره‌ک او دور کی گؤیدَن آشاغی گلیر و دنیایا زندلیگ وئریر.» 34اوللار عیسایا دئدیلَر: «آقا، بو چؤره‌کی همیشه بیزه وئر.» 35عیسا بئللرینه دئدی: «او چؤره‌ک کی زندلیگ وئریر منم؛ هَر کَس منیم یانیما گله آج اولماز، و هَر کَس منه ایمان گتیره هئچ‌وخت سویوز اولماز. 36آما ائله اوله‌یین کی سیزه دئدیم، هَرچند کی سیز منی گؤرموشَینز آما حَلی ده ایمان گتیرمئیرَینز. 37واری او آداملار کی گؤیده‌کی بووآم مَنه وئریر، منیم یانیما گلَرلَر، و منیم یانیما گلَن آداملاری، من هئچ‌وخت رَد ائدمَم. 38بو سَبریه کی من گؤیدَن آشاغی گلمه‌میشم تا اؤز سئدیگیمی ائدَم، بلکی گلمیشَم تا منی یوللایان گؤیده‌کی بووآنینگ سئدیگینی ائدَم. 39و منی یوللایان بووآنینگ سئدیگی بو دور کی، منه وئردیگی آداملارینگ هئچ بیرینی اَلدَن وئرمه‌یَم، بلکی قیامت گؤنونده اوللاری دئرّیدَم. 40منیم گؤیده‌کی بووآمینگ سئدیگی بو دور کی، هَر کَس کی گؤزو اوغولدا اولا و اوغولا ایمان گتیره، اَبَدی زندلیگ واری اولا و من قیامت گؤنونده اؤنو دئرّیده‌رَم.»
41اوندا یهودی‌لار، بو سَبریه کی عیسا دئدی: «او چؤره‌ک کی گؤیدَن آشاغی گلدی، منم.» عیسا باره‌سینده توغّولادیلار. 42اوللار دئدیلَر: «بئیه بو کیشی عیسا، یوسف اوغلو ده‌ییل؟ ائله او کی بیز اؤنونگ آنا بووآسینی تانییراک؟ پس نه‌یین دیر کی ایندی دئییر: ”من گؤیدَن آشاغی گلمیشَم“؟» 43عیسا اوللارا جواب وئردی: «بوغاد اؤز آراینزدا توغّولاماینز. 44هئچ‌کَس منیم یانیما گله بیلمَز به‌غیری بو کی منی یوللایان گؤیده‌کی بووآ، اؤنو منه ساری گتیره و من قیامت گؤنونده او آدامی دئرّیده‌رَم. 45ائله اوله‌یین کی پیغمبرلَر یازیلی‌لاریندا یازیلمیش کی: ”اوللارینگ واریسی تارئ‌دان تَعلیم توتارلار.“ پس هَر کَس کی گؤیده‌کی بووآدان ائشیتمیش و اوندان اؤرگنمیش منیم یانیما گلیر. 46هئچ کَس گؤیده‌کی بووآیی گؤرمه‌میش به‌غیری من کی تارئ طَرفیندن گلمیشَم؛ من، گؤیده‌کی بووآیی گؤرموشَم. 47گرچَکینی سیزه دئییرم، هَر کَس کی منه ایمان گتیره، اَبَدی زندلیگ واری. 48او چؤره‌ک کی زندلیگ وئریر منم. 49سیزینگ جَدلَرینز بیاباندا مَنّا یئدیلَر آما گئنه ده اؤلدولر. 50آما هَر کَس کی گؤیدَن آشاغی گلَن چؤره‌کی یئیه، اؤلمَز. 51مَن او چؤره‌کَم کی زندلیگ وئریر، ائله او کی گؤیدَن آشاغی گلدی. هَر کَس بو چؤره‌کدن یئسه، اَبَدنچاز زندلیگ ائده‌ر. او چؤره‌ک کی من وئریرَم تا دنیانینگ آداملاری زندلیگ وارلاری اولا، منیم بَدنیم دیر.»
52اوندا یهودی‌لار اؤز آرالاریندا گپ و گفت ائدیلَر. اوللار دئییرلردی: «بو کیشی نه‌یین اؤز بَدنینی بیزه وئره‌بیلَر تا یئیَک؟» 53پس عیسا اوللارا دئدی: «گرچَکینی سیزه دئییرم، تا سیز انسان اوغلونونگ بَدنینی یئمه‌یَینز و اؤنونگ قانینی ایچمه‌یَینز، ایچینزده زندلیگ یوخینز. 54هَر کَس کی منیم بَدنیمدن یئیه و منیم قانیمدان ایچه، اَبَدی زندلیگ واری و من قیامت گؤنونده اؤنو دئرّیده‌رَم. 55منیم بَدنیم حَقیقی یئمه‌لی دیر و قانیم حَقیقی ایچمه‌لی دیر. 56هَر کَس کی منیم بَدنیمدن یئیه و منیم قانیمدان ایچه، منده مَنزل ائدیر و من ده اوندا مَنزل ائدیرَم. 57ائله اوله‌یین کی گؤیده‌کی بووآ کی زندلیگ سَرچشمه‌سی دیر منی یوللادی و من، گؤیده‌کی بووآ سَبرسینه دیر کی زندلیگ واریم، ائله اوله‌یین ده هَر کَس کی مندن یئیه، منیم سَبرمه زندلیگ واری اولور. 58بو چؤره‌ک کی گؤیدَن آشاغی گلدی جَدلَرینز یئدیگی مَنّا چؤره‌کی له‌یین ده‌ییل. اوللار مَنّا چؤره‌کینی یئدیلَر آما گئنه ده اؤلدولَر آما هَر کَس کی بو چؤره‌کی یئیه اَبَدنچاز زندلیگ ائده‌ر.»
اَبَدی زندلیگینگ سؤزلَری
59عیسا بو سؤزلَری اوندا کی کَفَرناحوم شَهرینده، یهودی‌لارینگ بیر عبادتگاهیندا تَعلیم وئریردی، دئدی. 60عیسا شاگردلَری‌نینگ چوخو بونو ائشیدَنده، دئدیلَر: «بو سؤزلر آغیر سؤزلَر دیر؛ کیم دیر کی بو سؤزلَری قبول ائده بیله؟» 61عیسا کی بیلیردی شاگردلَری بو سؤزونگ باره‌سینده توغّولاییرلار، بئللرینه دئدی: «بو سؤز بئلَینزی ناراحت ائدیر؟ 62پس اگر انسان اوغلونو گؤرَینز کی گئدیر اوخاری، ائله اؤرایا کی ایلَرتر اؤردایمیش، اوندا نیجه ائده‌رَینز؟ 63تارئ روحو دور کی زندلیگ وئریر؛ جسم زندلیگ وئره بیلمئیر. بو سؤزلَر کی من سیزه دئدیم، تارئ روحو طَریقیندَن سیزه زندلیگ وئریر. 64آما سیزدن بیر پارا آدام وار کی ایمان گتیرمئیرلَر.» عیسا بو گپی چالدی بو سَبریه کی ائله اَوّلدَن بیلیردی کی کیم‌لَر ایمان گتیرمئیرلَر و او آدام کی اؤنو اَله وئره‌ر، کیم دیر. 65اوندا عیسا دئدی: «بو خاطره دیر کی سیزه دئدیم هئچ‌کَس منیم یانیما گله بیلمَز به‌غیری بو کی گؤیده‌کی بووآ طرفیندَن اؤنا عطا اولموش اولا.»
66بوندان سورا شاگردلَری‌نینگ چوخو عیسادان دؤندولَر و داها اؤنونگ آردی سورا گئدمه‌دیلَر. 67پس عیسا او اون ایکّی شاگرده دئدی: «سیز ده سئیرَینز گئدَینز؟» 68شَمعون پِطرُس اؤنا جواب وئردی: «آقا، بیز کیمینگ یانینا گئدَک؟ اَبَدی زندلیگینگ سؤزلَری سَنینگ یانینگدا دیر. 69و بیز ایمان گتیرمیشَک و بیلیرَک کی سَن، تارئ‌نینگ قُدّوسی‌ینگ.» 70عیسا اوللارا دئدی: «بئیه سیز اون ایکّی نفری منیم اؤزوم سَچمه‌دیم؟ آما با بو حال، سیزینگ بیرینز اِبلیس دیر.» 71عیسا، یَهودا اَسخَریوط، شَمعون اوغلونونگ باره‌سینده دانیشیردی، کی او اون ایکّی نفرینگ بیری ایدی. بو سَبریه کی عیسا بیلیردی کی یَهودا بیر مُدّتدن سورا بئلَسینی اَله وئره‌ر.
Селектирано:
یوحنا 6: QII
Нагласи
Сподели
Копирај
Дали сакаш да ги зачуваш Нагласувањата на сите твои уреди? Пријави се или најави се
@ 2024 Korpu Company
یوحنا 6
6
عیسا بئش مینگ نفره، خورَکی وئریر
1اوندان سورا، عیسا جَلیل دریاچه‌سی‌نینگ او تئیینه گئتدی. جَلیل دریاچه‌سینه، تیبِریه دریاچه‌سی ده دئییلیر. 2بیر بویوک جمعیت عیسا آردی سورا گئدیرلَردی، بو سَبریه کی اوللار او مُعجزه‌لی نیشانالاری کی عیسا، مَریض‌لَری شفا وئرمَک اینن ائدیردی، گؤرموشلَر ایدی. 3عیسا اؤرداکی داغ اوستونه چیخدی و شاگردلَری اینَن اؤردا اوتوردو. 4یهودی‌لارینگ پِسَخ عیدی یاخین ایدی. 5عیسا باخدی و گؤردو کی بیر بویوک جمعیت اؤنا ساری گلیرلَر، فیلیپُسا دئدی: «هاردان چؤره‌ک آلاک تا بو خَلخ یئیه؟» 6عیسا بونو دئدی تا اؤنو امتحان ائده؛ عیسانینگ اؤزو بیلیردی کی سئیر نه ایش گؤره. 7فیلیپُس جواب وئردی: «اگر بیر فَحله‌نینگ آلتی آیی‌نینگ دستمزدیندان آرتیق ده چؤره‌ک آلساک، بو جمعیته ائتیشمَز، حتّی اگر هر آدام فقط بیر تالا چؤره‌ک یئسه.» 8شاگردلَرینگ بیری کی آدی آندریاس ایدی و شَمعونِ پِطرُسینگ کاکاسی ایدی، عیسایا دئدی: 9«بوردا بیر اوغول وار کی بئش دانا آرپا چؤره‌کی و ایکّی دانا بالیق واری، آما بو، بوغاد جمعیتینگ هانی‌سینه ائتیشه؟» 10عیسا دئدی: «خَلخی اوتوردونز.» اؤرا بیر گئی یئر ایدی. پس اؤرداکی آداملار کی تقریبا بئش مینگ کیشی ایدیلَر، اوتوردولار. 11اوندا عیسا چؤره‌ک‌لَری گؤتوردو و شُکر ائدمکدن سورا، اوتورانلار آراسیندا بَهر ائدی، و ائله بئله ده بالیق‌لاری. هَر کَس ده هر ناغاد کی سئدی، بئلَسینه وئریلدی. 12اوندا کی جمعیت یئدیلَر و دویدولار، عیسا اؤز شاگردلَرینه دئدی: «اضافه قالان خوردا تیکه‌لَری ییغینز تا هئچ‌نه حراما چیخمه‌یه.» 13پس شاگردلَر او بئش دانا آرپا چؤره‌کدَن کی یئییلمیش ایدی، اون ایکّی سَبد دؤلو خوردا چؤره‌ک ییغدیلَر.
14اوندا کی خَلخ بو مُعجزه‌لی نیشانایی کی عیسا ائدمیشدی، گؤردولَر دئدیلَر: «گرچَکدَن بو ائله او پیغمبر دیر کی موسای پیغمبر، اؤنونگ بو دنیا ایچینه گلمَکی‌نینگ وَعده‌سینی وئرمیش.» 15اوندا کی عیسا آنگلادی کی اوللار سئیرلَر گلَلّر، گؤجَکی بئلَسینی آپارالّار و پادشاه ائدَلّر، اؤردان چیخدی و اؤزو تَک گئنه داغا گئتدی.
عیسا سو اوستونده یول گئدیر
16آغشام اولاندا عیسا شاگردلَری دریاچه‌یه ساری گئتدیلَر، 17قایقا میندیلَر و دریاچه‌نینگ او تئیینه، کَفَرناحوم شَهرینه ساری گئتدیلَر. قَرَنگی دؤشموش ایدی و عیسا حَلی گلمه‌میش ایدی اوللار یانینا. 18دریاچه تلاطیما دؤشدو بو سَبریه کی بیر سَخت یئل اَسیردی. 19تقریبا بیر آغاج یول‌چاز پارو وورموشلاردی کی عیسایی گؤردولَر کی دریاچه اوستونده یول گئدیر و قایقا یاخین‌لَشیر، اوللارینگ جانینا قورخو دؤشدو، 20آما عیسا بئللرینه دئدی: «قورخماینز، منم.» 21اوندا اوللار سئدیلَر عیسایی قایقا میندیرَلَّر کی ائله او آن، قایق او یئره کی سئیرلَردی گئدَلَّر، ائتیشدی.
عیسا زندلیگ چؤره‌کی دیر
22او گؤنونگ صاباسی، دریاچه‌نینگ او تئیینده قالان جمعیت، عیسا قولونجونا گَزدیلَر. اوللار بیلیرلَردی کی اؤردا فقط بیر قایق وار ایدی و عیسا، اؤز شاگردلَری اینَن او قایقا مینمه‌میش، بلکی شاگردلَری تَک گئدمیشلَر. 23اوندا کی جمعیت عیسا قولونجونا گَزیرلَردی، بیر پارا قایق تیبِریه‌دن، او یئرینگ یاخینینه گلدیلَر کی جمعیت، رَبّینگ شُکر ائدمَکیندَن سورا اؤردا چؤره‌ک یئمیشلَر ایدی. 24اوندا کی جمعیت گؤردولَر کی نه عیسا اؤردا دیر نه ده شاگردلَری، قایق‌لَره میندیلَر و کَفَرناحوم شَهرینه گئتدیلَر تا عیسا قولونجونا گَزَلَّر.
25اوللار عیسایی دریاچه‌نینگ او تئیینده بولاندا، بئلَسینه دئدیلَر: «اُستاد، هاچان گلدینگ بورا؟» 26عیسا اوللارا جواب وئردی: «گرچَکینی سیزه دئییرم، مندَن گؤرَن مُعجزه‌لی نیشانالار سَبرسینه ده‌ییل کی منیم قولونجوما گَزیرَینز بلکی او چؤره‌ک سَبرسینه دیر کی یئدینز و دویدونز. 27فانی خورَکی ایچی ایش گؤرمه‌ینز، بلکی او خورَکی ایچی ایش گؤرونز کی قالیر و سیزه اَبَدی زندلیگ وئریر، ائله او خورَکی کی انسان اوغلو سیزه وئره‌ر. بو سَبریه کی بووآ تارئ، انسان اوغلونو تأیید ائدیر.» 28اوندا اوللار عیسایا دئدیلَر: «بیز نیجه ائده‌سیک؟ تارئ بیزدَن سئیر کی نه ایشلَر گؤرَک؟» 29عیسا اوللار جواب وئردی: «او ایش کی تارئ سیزدن سئیر گؤرَینز بو دور کی، اؤنا کی یوللامیش، یعنی منه ایمان گتیرَینز.» 30اوللار عیسایا دئدیلَر: «پس بیزیم ایچی نه مُعجزه‌لی نیشانا ائدیرَینگ تا بیز او نیشانایی گؤرَک و سَنه ایمان گتیرَک؟ نه ایش گؤرَرَینگ؟ 31بیزیم جَدلَریمیز، بیاباندا مَنّا یئدیلَر، او چؤره‌ک کی گؤیدَن یاغیردی؛ ائله اوله‌یین کی مُقدّس یازیلی‌لاردا یازیلمیش کی: ”موسا گؤیدَن اوللارا چؤره‌ک وئردی تا یئیَلَّر.“» 32اوندا عیسا اوللارا دئدی: «گرچَکینی سیزه دئییرم، موسا ده‌ییلدی کی او چؤره‌کی گؤیدَن سیزه وئردی، بلکی منیم گؤیده‌کی بووآم دور کی حَقیقی چؤره‌کی گؤیدَن سیزه وئریر. 33تارئ وئردیگی چؤره‌ک او دور کی گؤیدَن آشاغی گلیر و دنیایا زندلیگ وئریر.» 34اوللار عیسایا دئدیلَر: «آقا، بو چؤره‌کی همیشه بیزه وئر.» 35عیسا بئللرینه دئدی: «او چؤره‌ک کی زندلیگ وئریر منم؛ هَر کَس منیم یانیما گله آج اولماز، و هَر کَس منه ایمان گتیره هئچ‌وخت سویوز اولماز. 36آما ائله اوله‌یین کی سیزه دئدیم، هَرچند کی سیز منی گؤرموشَینز آما حَلی ده ایمان گتیرمئیرَینز. 37واری او آداملار کی گؤیده‌کی بووآم مَنه وئریر، منیم یانیما گلَرلَر، و منیم یانیما گلَن آداملاری، من هئچ‌وخت رَد ائدمَم. 38بو سَبریه کی من گؤیدَن آشاغی گلمه‌میشم تا اؤز سئدیگیمی ائدَم، بلکی گلمیشَم تا منی یوللایان گؤیده‌کی بووآنینگ سئدیگینی ائدَم. 39و منی یوللایان بووآنینگ سئدیگی بو دور کی، منه وئردیگی آداملارینگ هئچ بیرینی اَلدَن وئرمه‌یَم، بلکی قیامت گؤنونده اوللاری دئرّیدَم. 40منیم گؤیده‌کی بووآمینگ سئدیگی بو دور کی، هَر کَس کی گؤزو اوغولدا اولا و اوغولا ایمان گتیره، اَبَدی زندلیگ واری اولا و من قیامت گؤنونده اؤنو دئرّیده‌رَم.»
41اوندا یهودی‌لار، بو سَبریه کی عیسا دئدی: «او چؤره‌ک کی گؤیدَن آشاغی گلدی، منم.» عیسا باره‌سینده توغّولادیلار. 42اوللار دئدیلَر: «بئیه بو کیشی عیسا، یوسف اوغلو ده‌ییل؟ ائله او کی بیز اؤنونگ آنا بووآسینی تانییراک؟ پس نه‌یین دیر کی ایندی دئییر: ”من گؤیدَن آشاغی گلمیشَم“؟» 43عیسا اوللارا جواب وئردی: «بوغاد اؤز آراینزدا توغّولاماینز. 44هئچ‌کَس منیم یانیما گله بیلمَز به‌غیری بو کی منی یوللایان گؤیده‌کی بووآ، اؤنو منه ساری گتیره و من قیامت گؤنونده او آدامی دئرّیده‌رَم. 45ائله اوله‌یین کی پیغمبرلَر یازیلی‌لاریندا یازیلمیش کی: ”اوللارینگ واریسی تارئ‌دان تَعلیم توتارلار.“ پس هَر کَس کی گؤیده‌کی بووآدان ائشیتمیش و اوندان اؤرگنمیش منیم یانیما گلیر. 46هئچ کَس گؤیده‌کی بووآیی گؤرمه‌میش به‌غیری من کی تارئ طَرفیندن گلمیشَم؛ من، گؤیده‌کی بووآیی گؤرموشَم. 47گرچَکینی سیزه دئییرم، هَر کَس کی منه ایمان گتیره، اَبَدی زندلیگ واری. 48او چؤره‌ک کی زندلیگ وئریر منم. 49سیزینگ جَدلَرینز بیاباندا مَنّا یئدیلَر آما گئنه ده اؤلدولر. 50آما هَر کَس کی گؤیدَن آشاغی گلَن چؤره‌کی یئیه، اؤلمَز. 51مَن او چؤره‌کَم کی زندلیگ وئریر، ائله او کی گؤیدَن آشاغی گلدی. هَر کَس بو چؤره‌کدن یئسه، اَبَدنچاز زندلیگ ائده‌ر. او چؤره‌ک کی من وئریرَم تا دنیانینگ آداملاری زندلیگ وارلاری اولا، منیم بَدنیم دیر.»
52اوندا یهودی‌لار اؤز آرالاریندا گپ و گفت ائدیلَر. اوللار دئییرلردی: «بو کیشی نه‌یین اؤز بَدنینی بیزه وئره‌بیلَر تا یئیَک؟» 53پس عیسا اوللارا دئدی: «گرچَکینی سیزه دئییرم، تا سیز انسان اوغلونونگ بَدنینی یئمه‌یَینز و اؤنونگ قانینی ایچمه‌یَینز، ایچینزده زندلیگ یوخینز. 54هَر کَس کی منیم بَدنیمدن یئیه و منیم قانیمدان ایچه، اَبَدی زندلیگ واری و من قیامت گؤنونده اؤنو دئرّیده‌رَم. 55منیم بَدنیم حَقیقی یئمه‌لی دیر و قانیم حَقیقی ایچمه‌لی دیر. 56هَر کَس کی منیم بَدنیمدن یئیه و منیم قانیمدان ایچه، منده مَنزل ائدیر و من ده اوندا مَنزل ائدیرَم. 57ائله اوله‌یین کی گؤیده‌کی بووآ کی زندلیگ سَرچشمه‌سی دیر منی یوللادی و من، گؤیده‌کی بووآ سَبرسینه دیر کی زندلیگ واریم، ائله اوله‌یین ده هَر کَس کی مندن یئیه، منیم سَبرمه زندلیگ واری اولور. 58بو چؤره‌ک کی گؤیدَن آشاغی گلدی جَدلَرینز یئدیگی مَنّا چؤره‌کی له‌یین ده‌ییل. اوللار مَنّا چؤره‌کینی یئدیلَر آما گئنه ده اؤلدولَر آما هَر کَس کی بو چؤره‌کی یئیه اَبَدنچاز زندلیگ ائده‌ر.»
اَبَدی زندلیگینگ سؤزلَری
59عیسا بو سؤزلَری اوندا کی کَفَرناحوم شَهرینده، یهودی‌لارینگ بیر عبادتگاهیندا تَعلیم وئریردی، دئدی. 60عیسا شاگردلَری‌نینگ چوخو بونو ائشیدَنده، دئدیلَر: «بو سؤزلر آغیر سؤزلَر دیر؛ کیم دیر کی بو سؤزلَری قبول ائده بیله؟» 61عیسا کی بیلیردی شاگردلَری بو سؤزونگ باره‌سینده توغّولاییرلار، بئللرینه دئدی: «بو سؤز بئلَینزی ناراحت ائدیر؟ 62پس اگر انسان اوغلونو گؤرَینز کی گئدیر اوخاری، ائله اؤرایا کی ایلَرتر اؤردایمیش، اوندا نیجه ائده‌رَینز؟ 63تارئ روحو دور کی زندلیگ وئریر؛ جسم زندلیگ وئره بیلمئیر. بو سؤزلَر کی من سیزه دئدیم، تارئ روحو طَریقیندَن سیزه زندلیگ وئریر. 64آما سیزدن بیر پارا آدام وار کی ایمان گتیرمئیرلَر.» عیسا بو گپی چالدی بو سَبریه کی ائله اَوّلدَن بیلیردی کی کیم‌لَر ایمان گتیرمئیرلَر و او آدام کی اؤنو اَله وئره‌ر، کیم دیر. 65اوندا عیسا دئدی: «بو خاطره دیر کی سیزه دئدیم هئچ‌کَس منیم یانیما گله بیلمَز به‌غیری بو کی گؤیده‌کی بووآ طرفیندَن اؤنا عطا اولموش اولا.»
66بوندان سورا شاگردلَری‌نینگ چوخو عیسادان دؤندولَر و داها اؤنونگ آردی سورا گئدمه‌دیلَر. 67پس عیسا او اون ایکّی شاگرده دئدی: «سیز ده سئیرَینز گئدَینز؟» 68شَمعون پِطرُس اؤنا جواب وئردی: «آقا، بیز کیمینگ یانینا گئدَک؟ اَبَدی زندلیگینگ سؤزلَری سَنینگ یانینگدا دیر. 69و بیز ایمان گتیرمیشَک و بیلیرَک کی سَن، تارئ‌نینگ قُدّوسی‌ینگ.» 70عیسا اوللارا دئدی: «بئیه سیز اون ایکّی نفری منیم اؤزوم سَچمه‌دیم؟ آما با بو حال، سیزینگ بیرینز اِبلیس دیر.» 71عیسا، یَهودا اَسخَریوط، شَمعون اوغلونونگ باره‌سینده دانیشیردی، کی او اون ایکّی نفرینگ بیری ایدی. بو سَبریه کی عیسا بیلیردی کی یَهودا بیر مُدّتدن سورا بئلَسینی اَله وئره‌ر.
Селектирано:
:
Нагласи
Сподели
Копирај
Дали сакаш да ги зачуваш Нагласувањата на сите твои уреди? Пријави се или најави се
@ 2024 Korpu Company