Sealm 114
114
Sealm CXIII [113:1-8]
1Þa ut eode Israheles cynn
and of Ægyptum ealle foran
Iacobes hus of gramum folce,
þa elreordige ealle wæron.
2Þa wæs geworden werude Iudea,
þæt heo hæl gehlutan haliges syþþan;
hæfdan ealdurdom ofer Israhelas,
mihta mære and mycel rice.
3Swa heo sæ geseah, he hio sniome fleah,
for him Iordanen gengde on hinder.
4Hæfdan þær beorgas bliðe sæle
and rammum þa restan gelice;
wæron geswyru swyðe on blisse,
swa on sceapum beoð sceone lambru.
5Hwæt wæs þe, sæ swiþa forhwan fluge þu swa?
oððe þu, Iordanen, for hwi gengdest on bæcling?
6Beorgas wæron bliðe, gebærdon swa rammas;
wurdan gesweoru on seledreame,
swa on sceapum beoð sceone lambru.
7For ansyne ecan Dryhtnes
þeos eorþe sceal eall abifigan
and for Iacobes Gode geara forhtigean.
8He wendeð stan on widne mere,
and clifu cyrreð on cwicu swylce
wæteres wellan mid his gewealdendre hand.
Селектирано:
Sealm 114: ASPsa
Нагласи
Копирај
Спореди
Сподели
Дали сакаш да ги зачуваш Нагласувањата на сите твои уреди? Пријави се или најави се
The first 50 psalms are credited to King Alfred the Great and were written in c.890-899 AD, and the last 100 psalms were translated c.900-950 AD by an unknown poet.